Numeri 8:8 - Khoekhoegowab 2020

⁸ ǁÎn ge ǂkham ǁgōb tsî ǂhâbasa ǃhoroǁguibas ǀkhera-oli-i ǀkha habasas tsîna nî ū; sats ge ǁkhawa ǀnî ǁgōba ǁoreǁguibas ǃaroma nî ū.

Khoekhoegowab Elobmîs 2020

⁸ ǁÎn ge ǂkham ǁgōb tsî ǂhâbasa ǃhoroǁguibas ǀkhera-oli-i ǀkha habasas tsîna nî ū; sats ge ǁkhawa ǀnî ǁgōba ǁoreǁguibas ǃaroma nî ū.

Numeri 8:8 Iomraidhean Croise

Eksodus 29:1

ǃKhūb ge ǃaruǀî Moseb ǃoa ge mî: “Nēb ge Aronni tsî ôasagu âbats ga ti ǃoabas ǃnâ pristerse ǀnau ots nî dī ǀgauba. Tsâub tsî ǀgam ūo baikha ū.

Eksodus 29:3

ǁÎna ǀgui ǀharus ǃnâ ǂgā, î tsâub tsî baikha tsînats ga ǁguiba te ǁaeb ai ǁîna tita ǁguiba.

Jesaja 53:10

“Xawe ǃKhūb ǂâi ge is ge tsûb ǀkha tsâ kai bisa, ǁîb ge ǁîba kaise ge ǃoa kai; ǁîb ûiba du ga ǁoreǁguibas ase dī, ob ge ǁîb suriba nî mû tsî tsēdi âba nî gaxugaxu. ǁÎb ǃnâ-us ge ǃKhūb ǂâis nî aiǃgûsa.

Levitikus 1:3

Goma-e ga khauǁguibase ǁguiba khoe-i ge ūo aoreba ǃKhūb di Tentommi ǂgâ-ams tawa ǃKhūb xa nî ūǃoahese nî ǁguiba.

Levitikus 16:3

Hoan xa ǃAnu ǃKhaib ǃnâb ge ǁîba ūo ǂkham ǁgōbab ga ǁoreǁguibas ǃaroma tsî ūo ǁkhaoba khauǁguibas ǃaroma ǀkhī-ūs khaoǃgâ ǀgui a ǂgâ ǁkhā.”

Levitikus 2:1

Khoe-i ga ǃhoroǁguiba-e ǃKhūba ūǀkhībao, o i ge mel-e nî ǁguiba tsî i ge ǀkhera-oli-i tsî ǃgâihamxūn tsîna ǁî-i ǃnâ ǂgā,

Levitikus 4:14

tsîs ga ǁîn di dīsāsa ǂhaisa, ob ge ǀhûhâsiba ǂkham ǁgōba ǁoreǁguibas ase ǃKhūb di Tentommi ǂgâ-ams aiǃâ nî ǀkhī-ū.

Levitikus 4:3

ǀNausa ǀgapipristeri ga ǁore tsî ǁnās ǀkha khoena ǀhapiǀhapi, ob ge ūo ǂkham ǁgōba ǁoreǁguibas ase ǃKhūba nî ǁguiba.

Levitikus 8:2

“Aronni tsî ǁîb ôagu tsîga ǃKhūb di Tentommi ǂgâ-ams tawa sī-ū, î ǁkhāti pristersi saran, ǀnau-ū-oli-i, ǂkham gomaba ǁoreǁguibas ǃaroma, baikha tsî khūkhū-e ūhâ tama pere-i hâǃnâ ǃores tsîna ǀkhī-ū.

Romeǁîn 8:3

ǂHanub ge sada di khoesi ǂūsib a ǂkhabusa amaga dī ǁoa i-eb ge Eloba ge dī. ǁÎb ge ǁîb di Ôaba khoesi īsib, sada ǁoreb soros khami īb ǃnâ-u, ǁorebab nî ǀgoraǃgâse ge sî.

2 Korinteǁîn 5:21

Xristub ge ǁore-i xare-e ge ūhâ tama hâ i, xaweb ge Eloba sada ǁoren ǃaroma ǁîba ǁoreǁguibas ase ge dī, î da ǁîb ǃnâ Elob di ǂhanu-aisi kai.