Numeri 3:9 - Khoekhoegowab 2020

⁹ Leviǁîn ǁîs ǀguisa ūhâ ǃereams ge Aronni tsî ǁîb di ôagu tsîga ǃoabasa.

Khoekhoegowab Elobmîs 2020

⁹ Leviǁîn ǁîs ǀguisa ūhâ ǃereams ge Aronni tsî ǁîb di ôagu tsîga ǃoabasa.

Numeri 3:9 Iomraidhean Croise

1 Kroniks 15:2

ǁNās khaoǃgâb ge Davida ge mî: “Leviǁîgu ǀguigu ge ǃGaeǀhaos ǂGaesa nî tani, ǃKhūb ge ǁîga, ǁîsa gu nî tanise tsî ǁîb ǃoabas ǃnâ gu ǀamose nî hâse ǁhûiǂuibasen xui-ao.”

1 Kroniks 6:33

Sao ra surib di khoegu ge nē ǃoabasa gere dī: Kohati surib digu ge: ǂGuro ǁnaeǃnans di ǂgaeǂgui-aob Hemanni ge ge Joeli di ôa i. ǁÎb di surib ge saogubes ǃnâ Jakob kōse ra oa: Hemanni, Joeli, Samueli,

Esra 2:43

Nēb ge Tempelsîsenaogu ǃhaoǃnādi, ǃkhōsisa xu ge oaǀkhīdi xoakhâiba: Sihab, Hasufab, Tabaoti, Kerosi, Siab, Padonni, Lebanab, Hagabab, Akub, Hagab, Samlaib, Hananni, Gideli, Gahari, Reajab, Resinni, Nekodab, Gasammi, Usab, Paseab, Besaib, Asnab, Meunimmi, Nefisimmi, Bakbuki, Hakufab, Harhuri, Basluti, Mehidab, Harsab, Barkosi, Siserab, Temab, Nesiaxi tsî Hatifab tsîga.

Esra 6:18

Tsîn ge pristergu tsî Leviǁîgu tsîga Tempelǃoabas ǃaroma Jerusalems ǃnâ ge mâi, Moseb ǂkhanis ǃnâ i a xoaǁguisa khami.

Esra 8:20

ǁÎgu xōǀkhā gu ge ǀgamkaidisi tsî ǀgamdisi Tempelǃgāga ge hâ i, ǁîgu aboxagu ge Leviǁîga gu nî huise, gao-aob Davidi tsî ǁîb ǂamkhoegu xa ǁgaumâihe hâ iga. ǁÎgu hoagu di ǀondi ge ge xoamâisa i.

Numeri 16:9

Israeli Elob ge sado nau khoen hoana xu ǀguri ǃKhūba du nî ǀgū ǁkhā, tsî ǁîb Tentommi ǃnâ ǃoaba, tsî ǀhûhâsiba ǃoabase ǁhûiǂui ǃkhaisa du kha ǁau xū-i ase ra ǃgôa?

Numeri 18:2

Sa ǀaokhoen, Levib ǃhaos dina ǀkhī-ū, în sats tsî sa ôagu tsîgo ǀkha Tentommi sîsenna dī tsî mâxōǀkhā tsi.

Numeri 3:8

Hoaraga sîsenūxūn ǃKhūb di Tentommi ǃnâ ra sîsenūhen di ǃereamsa ū tsîn ge hoaraga Israelǁîn ǃaroma ǁgui-aide nî dī.

Numeri 8:14

Leviǁîna nau Israelǁîna xu ǀgora, în tita ǀguita ǃoaba.

Numeri 8:16

ǁÎna ta ge ǂguroǃnaesagu Israelǁîn digu di ǃās ǃnâ ge ǁhûiǂui, tsîn ge ǁnā-amaga tise ǀgui nî hâ.

Numeri 8:18

Xawe ta ge nēsi Leviǁîna Israelǁîn di ǂguroǃnaesagu amǃnâs ai ra ū,

Numeri 8:19

tsî ta ge Leviǁîna Israelǁîn di mās ase Aronni tsî ǁîb ôagu di ǃereams ǃnaka ra mâi, în Israelǁîna ǃKhūb di Tentommi ǃnâ ǃoaba tsî ǁîn ǃaroma ǂkhîbagusa dī, în ǁîna ǃAnu ǃKhaib ǀgūsen ga sī, on nî ǂgâǃnâ tsūǃgâba ǁkhaebahe.”

Efeseǁîn 4:11

ǁÎb ge ǀnî khoena māde ge mā: ǀNîna apostelse,* ǀnîna kēbo-aose, ǀnîna ǃgâiǂhôa-aose, ǀnîna ǁkhāǁkhā-aose tsî ǀnîna ǁgauǃnâ-aose.

Efeseǁîn 4:8

Xoas ra mî khami: “ǀGapisebǀîb ge ǃapao, ob ge ǃkhōsana ǃkhōhe hâse ǃgû-ū, tsî khoena māde ge mā.”