Numeri 28:1 - Khoekhoegowab 2020

¹ ǃKhūb ge Moseba ge mîmā,

Khoekhoegowab Elobmîs 2020

¹ ǃKhūb ge Moseba ge mîmā,

Numeri 28:1 Iomraidhean Croise

1 Kroniks 23:31

tsî ǁkhāti khauǁguibadeb ǃKhūba ra dībahe ǃkhaidi, Sabbattsēdi, ǀAsa ǁKhâb Kaitsēdi tsî nau ǁâudīgu hoagu tawa. Mâtikō ǃgôab di Leviǁîgu, mâ ǃnās hoasa nē ǃoabasa nî dī ǃkhais ge ge xoaǁguisa i. Leviǁîgu ge nē ǃoabas, ǀgoreǀîs disa gu hoaǁae ǃKhūba nî dībase ge ǁgaumâisa i.

2 Kroniks 2:4

Tita ge Tempela ǃKhūb ti Elob di ǃgôasib ǃaroma ra ǂnubi. ǁNāb ge ǃanu ǃkhaib, ǁîb tawa da tita tsî ti ǁaes tsîda ǁîba nî ǀgoreǀîba, ǀanǀanǁguibade ǁguibas ǀkha. ǁNāpa da ge khaihesa perega ǀamose ǁîba nî ǁguiba. ǁKhāti da ge khauǁguibade mâ ǁgoas tsî ǃuis, Sabattsēdi, ǀAsa ǁKhâb Kaitsēdi tsî nau ǃanu tsēdi ai ǃKhūb sida Eloba nî ǁguiba. ǁÎb ge Israela ge mîmā, îb nēsa ǀamos kōse dī.

2 Kroniks 23:18

Jojadab ge pristergu tsî Leviǁîgu tsîga Tempeli ǃoabadi di mûǂamaose ge mâi. ǁÎgu ge gao-aob Davidi xa gu ge ǁguiǂamhe hâ i ǃoabade nî dī. ǁKhāti gu ge Moseb ǂhanub ǃnâ i xoaǁguisa khami, khauǁguibade ǁnaeb tsî dâb ǀkha ǃKhūba nî hā-ūba.

2 Kroniks 31:3

Gao-aob ge ǁkhāti ǁîb di ǂgarib ǂûba xu ûitsama xūna khauǁguibadi ǃaroma gere mā, ǁgoaǃoabadi tsî ǃuiǃoabadi, Sabbattsēdi, ǀAsa ǁKhâb Kaitsēdi tsî nau Kaitsēdi, ǃKhūb di ǂhanub ǃnâ xoaǁguisadi tsîdi ǃaroma.

2 Kroniks 8:13

ǁÎb ge Moseb ǂhanub di ǂgaoǀkhāde ǃoa khauǁguibade, mâ ǃanu tsēs hoas ai gere ǁguiba: Sabattsēdi, ǀAsa ǁKhâb Kaitsēdi, tsî ǃnona kaitsēdi kurikorobe gere tsēdīhedi: Khūkhū-e ūhâ tama Pere-i Kaitsēs, ǃGaos di Kaitsēs tsî ǁHaodi ǁÂudīb tsîdi ai.

Esra 6:9

Mâ tsēs hoasa Jerusalems ǃnâ hâ pristerga ǂhâba gu hâ xūn hoana, ǀûs ose mā: ǂKham ǁgōgu, gūn tsî ǁkhaon, ǀhommi di Elob khauǁguibase nî ǁguibahen, ǃhoro-i, ǂō-i, ǂauxûi-i tsî ǀkhera-oli-i tsîna.

Nehemia 10:33

Tempelǃoabas ǃaroma da ge sao ra xūna gere mā: ǁGuibaperegu, tsēkorobe ǃhoroǁguibas, tsēkorobe khauǁguibas ǂāxūn, Sabbattsēdi, ǀAsa ǁKhâb Kaitsēdi tsî nau kaitsēdi di khauǁguibadi, ǂkhîbagus ǁguibadi Israeli ǁoren ǃaroma ra dīhedi tsî Tempeli ǃaroma a ǂhâbasa xū-i hoa-i tsîna.

Jesaja 1:13

Tā ǃaruǀî harebeoǃnâ ǁguibade ǀkhī-ūba te; sadu ǃgâihamxūn ge ti aiǃâ a ui-uisa. Sadu ǀAsa ǁKhâb Kaitsēdi, Sabattsēdi tsî ǃoaba-aiǃkhaigu ge harebeoǃnâ, tsî tita ge ǁoreb ǀkha ǂnaoǂnaosa ǁguibade ǃaruǀî a tani ǁoa.

Esekiel 44:24

Tsî gu ge ǂnoaguǃkhai-i ga hâ, o ǁî-e ti ǂhanugu ǃoa nî ǀgoraǃgâ; tsî gu ge ti ǂhanugu tsî ti ǂnûiǂgādi tsîna ǂnûihe hā ǀgapi ǁaegu âtagu ai nî ǃkhōǀgaipe tsî ti sâtsēde nî khai.

Esekiel 45:17

Tsî gaosab nî anu, khauǁguibadi tsî ǂûǁguibas tsî ganganǁguibas tsîdeb nî kaitsēgu ai tsî ǂkham ǁkhâgu ai tsî sâtsēdi ai mâ ǂnûihe hâ ǀgapi ǁaegu Israeli ommi digu hoagu ai ǁguiba ǃkhaisa; ǁîb ge ǁoreǁguibas tsî ǂûǁguibas tsî khauǁguibas tsî ganganǁguibadi tsîna nî dī, ǀûbagusab nî Israeli ommi dina dībaga.”

Esekiel 46:11

ǃAruǀî kaitsēdi ai tsî ǂnûihe hâ ǀgapi ǁaegu ais ge ǂûǁguibasa ǀgui efaba ǁgōb tawa nî ī tsî ǀgui efaba baib tawa, tsî ǁkhaogu ge ǁîb ǃommi di hōse nî ī, tsî olib xa ǀgui hinni efab tawa.

Levitikus 9:15

ǁNās khaoǃgâb ge Aronna ǁaes di ǁguibasa altars tawa ge hā-ū. ǁÎb ge ǁîn di ǁoren ǃaroma nî ǁguibahese ī piriba ū, ǃgaoxadom tsî ǁîb ǂûb di ǁoreǁguibasab ge dī khami ǀgui ge ǁguiba.

Numeri 27:23

ǃKhūb ge mîmā khamib ge Moseba Josuab di danas ai ǃomkha ǁgui tsî ǁîba ǁîb di saoǃgonaose ge ǁgaumâi.

Numeri 28:2

îb Israelǁîna mîmâisa ǁaegu ai Elob di ǃgôasib ǃaroma ǂhâbasa ǂûǁguibadi, ǃgâi ǁamaba ūhâdi ǃKhūba ǃgâibase īde ǁguibasa ǁgui-ai.

Galateǁîn 4:10

ǃGōsa ǂâisa du ge ǂanǂansa tsēdi, ǁkhâgu, kurikamagu tsî kurigu ai ra ǂnûi.

Koloseǁîn 2:16

ǁNā-amaga, tā i khoe-i xare-e ǀgoraǃgâ du, ǂû tsî du ra ān tamas ka io ǁîn di ǃanu tsēdi di ǁâudīb tamas ka io ǀAsa ǁkhâb ǁâudīb tsî Sabbattsēdīn ǃnâ du ǁhao tama ǃkhais ǃaroma.