Numeri 24:9 - Khoekhoegowab 2020

⁹ ǁAes ge ǀgaisa xammi khami ī; ǁommi kao, tari-e ǁîba ǂkhaiǂkhaisa nî dītsâ? Israelsa ra ǀkhae-i hoa-i ge nî ǀkhaehe, tsî Israelsa ga ǀâxare-i hoa-i ge nî ǀâxarehe.”

Khoekhoegowab Elobmîs 2020

⁹ ǁAes ge ǀgaisa xammi khami ī; ǁommi kao, tari-e ǁîba ǂkhaiǂkhaisa nî dītsâ? Israelsa ra ǀkhae-i hoa-i ge nî ǀkhaehe, tsî Israelsa ga ǀâxare-i hoa-i ge nî ǀâxarehe.”

Numeri 24:9 Iomraidhean Croise

Genesis 12:3

“Tita ge ǁnān satsa ra ǀkhaena ǀkhae, tsî ǁnā-i satsa ra ǀâxare-e nî ǀâxare. Tsî sats ǃnâ-u ta ge hoaraga ǃhaodi ǃhūbaib dide nî ǀkhae.”

Genesis 27:29

ǃHaodi ge nî ǃoaba tsi tsî ǁaedi ge sa aiǃâ nî ǃhon. Sats ge sa ǃgâsagu ǂama nî ǀhonkhoe tsî gu ge sa îs di ôaga sa aiǃâ nî ǃhon. An satsa ga ǀâxaren hoana ǀâxarehe tsî satsa ra ǀkhaen hoana ǀkhaehe.”

Genesis 49:9

Judatse, sats ge ǂkham xammi, amǀnēn âba ǃgam tsî oms âb ǁga ra oab, ǃāǂuisen tsî ra ǁgoeb khami ī. Tari-e ǁnâi ǁîba ǂkhaiǂkhaisa nî dītsâ?

2 Kroniks 9:18

Nē trons ge ǃnani dā-aiǃharode ge ūhâ i tsîs ge ǃhuniǀuri mâ-ai ǂgapab ai ge mâ i. Trons ge hoaǀkhākha ai ǁôakha di sâ-ai ǃkhaikha ge ūhâ i tsî mâ ǀkhāb hoab aib ge xamma ge kurumâisa i.

Ester 6:13

ǁÎb ge ǁîb taras Seres tsî ǁîb ǀhōsan hoana, tare-i ge ǁîb ǀkha ī ǃkhaisa ge mîba. On ge ǁîb taras tsî ǁîb gā-ai ǀhōsan tsîna ǁîb ǃoa ge mî: “Sats ge Mordekaib ǃoagu ǁkhāsib âtsa ra ǂoaǃnâ. ǁÎb ge a Jodeǁî tsîts ge ǁîba mâǃoa ǁkhā tide. ǁÎb ge ǂanǂansase nî dan tsi!”

ǂKhanis Job dis 41:10

ǁÎb ge ǁaixasa, ǃhuriǃhuri bits kao. Tari-e ǁnâi ǁîb aiǃâ a mâ ǁkhā?

Psalmdi 122:6

Jerusalems ǂkhîba ǀgoreba re: “An ǁnān ǁîsa ǀnamna ǂkhîb ǃnâ ûi.

Psalmdi 2:12

î ǀkhūb ǀkha ǃgâiaǂgao. ǁNā tamas ka i, ob ge ǁîba ǃhaese nî ǁaixa tsî go ge ǃnapetamase nî ǁō. ǀKhaehen ge hâ ǁîb ǃoa ra ǁhaiǁhân hoana.

Eksodus 23:22

Xawe du ga ǁîba ǁnâuǀnam tsî tita ra mîmā du xūn hoana dīo, o ta ge sadu khākhoen hoan ǃoagu nî ǃkham.

Jesaja 31:4

Amase, nēs ge ǃKhūb ge tita ǃoa mîsa: “Tita ge ǂkham xammi ǁîb amǀnē-e ra ǁgâǁkhaeba khami ǁîna nî ǁkhaeba. Kai ǂguis ǃûi-aogu ga ǁîba ǁnāǂam, xaweb ge ǁnā xamma ǁîgu ǃhaob tsî ǂkhupib tsîn xa ǃaoǃaohe tama hâ. ǁNāti ta ge tita ǃKhūta Hoaǀgaixata Sionǃhommi tsî ǁîb ǃnâugu ai nî ǃkhamse nî ǁgôaxa.

Mixa 5:8

Ûiǃgau hân Jakob din ge ǂgui ǁaedi ǁaegu nî hâ, kaise ǂgui khoen ǁaegu. ǁÎn ge xam-i khami nî ī xamanin ǁaegu, tsî ǂkham xammi khami gūn ǁaegu, garub a khami ǁnāǂam tsî ra ǀkhauǃāba, tsî i ge hui nî khoe-i xare-e a ǀkhai.

Numeri 22:12

Elob ge Bileammi ǃoa ge mî: “Tā ǁîgu ǀkha ǃgû, tsî tā Israelǁîna ǀâxare, ǁîn ǀkhaehe hâ xuige.”

Numeri 22:6

ǁÎn ge sida xa a ǂgui, ǁnā-amaga toxopa hā, î ǁîna ǀâxareba te. ǁNā ǀgaus ai da ge ǀnîsi, ǁîna dan tsî ǃhūba xu a sauruǂui ǁkhā. Tita ge a ǂan, ǀkhaebats ga gowaǂui, on ra khoena ǀkhaehe ǃkhaisa, tsî ǀâxarebats ga gowaǂui on ra khoena ǀâxarehe ǃkhaisa.”

Numeri 23:24

Israelǁaes ge ǀgaisa xammi khami ī: ǁÎb ge ǀkhauǃā tsîb hapu tamas kōse sâ tama hâ; ǃgamhe go xū-i di ǀaobab ā tamas kōseb ge sâ tama hâ.”

Numeri 24:10

Balaki ge ǁaib xa ǁîb ǃomra ami tsî Bileammi ǃoa ge mî: “Tita ge ti khākhoenats nî ǀâxarega ge ǂgai tsi, xawets ge ǁnās ǃās ǃnâ nēsi ǃnona ǃnāde ǁîna go ǀkhae.

Mateub 25:40

Ob ge Gao-aoba nî ǃeream: ‘Amase ta ra mîba du, ti ǃgâsa-e du ge dība ǂkhariro-i hoa-e du ge tita ge dība!’

Mateub 25:45

Ob ge Gao-aoba nî ǃeream: ‘Amase ta ra mîba du, mâ ǃnās ti ǂkhariron di ǀgui-e du ge hui tama is hoasa du ge tita huisa ge ǂkhā.’

ǃNaeǃkhaidi 9:5

Ob ge Sauluba “Taritsa ǃKhūtse?” ti ge dî. Ob ge domma ǁîba ge ǃeream: “Tita Jesuta sats xa ra ǃgôaǃgonheta ge.

Deuteronomium 30:7

ǃKhūb sadu Elob ge nē hoaraga ǀâxarega ǂgae-oa tsî sadu khākhoen tsî ǁnān sado ǁkhan tsî gere ǁgâiǀān ǃoagu nî sîsenū.