Numeri 24:7 - Khoekhoegowab 2020

⁷ ǁÎdi ge ǂâusa ǀnanuba nî ǃkhōǃoa tsî ǁîdi ǃkhomna ǃgâise ǀâǂgâ hâ ǃhanagu ǃnâ nî ǂgā. ǁÎdi gao-aob ge Agagi xa nî kai, tsîs ge ǁîb di gaosisa ǃnūse tsî harase nî ǂapaǂoa.

Khoekhoegowab Elobmîs 2020

⁷ ǁÎdi ge ǂâusa ǀnanuba nî ǃkhōǃoa tsî ǁîdi ǃkhomna ǃgâise ǀâǂgâ hâ ǃhanagu ǃnâ nî ǂgā. ǁÎdi gao-aob ge Agagi xa nî kai, tsîs ge ǁîb di gaosisa ǃnūse tsî harase nî ǂapaǂoa.

Numeri 24:7 Iomraidhean Croise

2 Samuel 5:12

Ob ge Davida ge hōǃâ, ǃKhūb ge Israeli ǂama gao-aose a ǁapoǁapo bi tsî gaosis âba ǁîb ǁaes Israels ǃaroma ǃgâiǃgâ kai ǃkhaisa.

1 Gao-aogu 4:21

Salomob ge Eufratǃāba xu Filisteǁîn di ǀkharib tsî Egipteb di ǃhūǀgoras kōse ǁgoe gaosigu hoaga ge gaoǂam hâ i. ǁÎn ge ǁîba ǁgui-aimarisa gere matare tsî ǁîba ûib hâs kōse gere ǃoaba.

1 Gao-aogu 5:1

Gao-aob Hirammi Tirus dib on ge Davidi ǀkhab ge khoeǀhōgu i xui-ao, Salomoban ge ǁîb îb soas ǃnâ gao-aose ǀnau ǃkhaisab ge ǁnâu, o ǂharugu-aoga Salomob ǁga ge sî.

1 Kroniks 14:2

Ob ge Davida ǃKhūb ge Israeli ǂama gao-aose ǁapoǁapo bi tsî gaosis âba ǁîb ǁaes Israels ǃaroma ǃgâiǃgâ kai ǃkhaisa ge hōǃâ.

Esra 4:20

ǀGaisa gao-aogu ge Jerusalemsa ǂgaeǂgui, Eufrati huriǂoasǀkhāb hoaba gaoǂam tsî ǁgui-aimaris tsî hōǂgās tsîna gere ǀhaoǀhao.

Ester 3:1

ǁAe-i khaoǃgâb ge gao-aob Ahasverosa, Hamedatab ôab, Haman ti ǀon hâ Agagǁîba hoadi xa ǀgapi ǃharosa gao-ommi ǃnâ ge mā.

Psalmdi 18:43

Mâǃoaxa khoena xu sâu te tsîts ge hoa ǁaedi di ǂgaeǂgui-aose ge mâi te; ǀū ta ge i ǁaes ge ra ǃoaba te.

Psalmdi 68:26

Eloba kare re ǀhaohâgu ǃnâ, ǃKhūba kare re Israeli ǀaus dido.

Psalmdi 72:11

ǁÎgu ge ǁîb aiǃâ nî ǃhon, tsî di ge hoa ǁaede ǁîba nî ǃoaba.

Psalmdi 89:27

ǁKhāti ta ge ǁîba ǂguroǃnaesab ase nî dī; ǃhūbaib gao-aogu ǃgâ-ai ǀgapib ase.

Jesaja 2:2

ǃGoaxaǁaeb ǃnâb ge ǃKhūb ommi ǃhomma nau ǃhomgu ǂamai nî ǃkhāǂoa; tsî naugu hoaga xu nî mâǂoa. Hoaraga ǃhaodi ge ǁîb xa nî ǂgaeǀkhīhe

Jesaja 30:25

ǁNā tsēs kai ǃgamǂuis nî hâs tsî ǂgō-omga ǁnās ai gu ge mâ ǀgapi ǃhommi tsî mâ ǀgapi ǃnâub hoaba xu ǁgamǃāroga nî dâu.

Jesaja 48:1

“Jakob ommi dido, sadu Israels ǀons ǀkha ge ǂgaihedo, tsî Judab kamanaga xu ge hādo; sadu ǃKhūb ǀons tawa ra nūdo, tsî Israels Eloba ra ǀgoreǀîdo, xawe amab tsî ǂhanu ǀgaub ǃnâs ose, ǃgâ du re!

Jesaja 9:7

ǁÎb ǀgaib ge ǃaruǀîǀgui nî khoraǂuisen tsî ǁîb gaosib ge ǀamo ǂkhîba nî ūhâ. Gao-aob Davidi saoǃgonaoseb ge nî ǂgaeǂgui; ǁîb ǀgaibab ge ǂhanub tsî ǂhanu-aisib ai nî ǃgaoǃgao, nēsi tsî ǀamosib kōse. ǃKhūb Hoaǀgaixab ge nēn hoanab nî dīse mîmâi hâ.

Jeremia 51:13

Sas ǂgui ǃāgu tawa ǁan hâs, kai ǁuiba ūhâse, sa ǀams ge go hā. Sa ûib di ǁapab ge go ǃkhaiǃgaohe.

Daniel 2:44

ǁNā gao-aogu di ǁaeb ǃnâb ge ǀhommi di Eloba, tātsē ǀam tide gaosiba nî ǂnûiǂgā. ǁÎb ge ǀnî gaosi-i xare-i xa danhe tide, tsîb ge nau gaosigu hoaga hoaragase nî hîkākā, xawe ǁîb ǂûb ge ǀamos kōse nî hâhâ.

Numeri 24:20

ǁNās khaoǃgâb ge Bileamma ǁhapos ǃnâ Amalekǁîna mû tsî sao ra kēbosa ge gowaǂui: “Hoaraga ǃhaodi xan ge Amalekǁîna ge ǂguro i, xawen ge ǀams ai ǁîn tsîna ǀamos kōse nî ǁō.”

Johaneb 1:49

Ob ge Natanaela ge ǃeream: “ǁKhāǁkhā-aotse, sats ge a Elob Ôa, sats ge Israeli di Gao-aotsa!”

ǂHaiǂhais 11:15

Hûǁî ǀhomǃgāb ge ǁîb di xâiǁnâsa xâi, o gu ge ǃgari domga ǀhommi ǃnâ ge ǁnâuhe, mî raga: “Gaosib ǃhūbaib dib ge a nē sada ǃKhūb tsî ǁîb di Xristub* di tsîb ge ǁîba ǀamosib kōse nî gaosîsen!”

ǂHaiǂhais 17:1

Ob ge hû ǀhomǃgāgu, hû ǃorede ge ūhâ igu di ǀguiba tita ǃoa hā tsî ge mî: “ǀKhī, î ta mâtib Eloba ǁnā kai ǀai-aos, ǁgamgu ai ǂnôasa nî ǁkhara ǃkhaisa ǁgau tsi.

ǂHaiǂhais 17:15

Tsîb ge ǀhomǃgāba ge mîba te: “ǁGamgu, ǁîgu ais ǀai-aosa ǂnôagu hîats go mû gu ge ǃhaodi, ǁaedi, khoen tsî gowagu tsîna.

ǂHaiǂhais 19:16

Sarab âb tsî tîb âb ai i ge nē ǀons “Gao-aogu di Gao-aob tsî ǃkhūgu di ǃKhūb” ti hâsa ge xoasa i.