Numeri 23:9 - Khoekhoegowab 2020

⁹ ǀGapi ǀuiga xu ta ge ǁîna mû ǁkhā; ǃNâuga xu ta ge ǁîna a ǃkhē ǁkhā. ǁNās ge ǁaes ǀguri a ûi ǁkhāsa; ǁÎn ge nau ǁaedi ǃgâ-ain ǃnāsase ǀkhaesa ǃkhaisa a ǂan.

Khoekhoegowab Elobmîs 2020

⁹ ǀGapi ǀuiga xu ta ge ǁîna mû ǁkhā; ǃNâuga xu ta ge ǁîna a ǃkhē ǁkhā. ǁNās ge ǁaes ǀguri a ûi ǁkhāsa; ǁÎn ge nau ǁaedi ǃgâ-ain ǃnāsase ǀkhaesa ǃkhaisa a ǂan.

Numeri 23:9 Iomraidhean Croise

Esra 9:2

Jodeǁîgu ge ǃhao tarade ra ǃgame tsîs ge ǁnās ǀkha Elob di ǃanu ǁaesa ra ǀuriǀurihe. ǂGaeǂgui-aogu tsî ǂamkhoegu tsîgu ge nē ǃûǂams ǃnâ ǂgurose mâ.

Ester 3:8

Ob ge Hamanna gao-aob Ahasverosa ge mîba: “ǂAnǂansa ǁaes di khoen ge hoa ǀkharigu sa gaosib hoab digu ǃnâ ǀgarusase hâ, xawen ge nau khoena xu ra ǀgorasen. ǁÎn ǂhanugu ge nau khoen diga xu a ǀkhara. ǁNās ǀgui tamas, ǁîn ge gaosib ǂhanugu tsîna ǁnâuǀnam tama hâ tsî sats ge ǁnāsa mā-am tide.

Eksodus 33:16

Mâ ǀgaus ai-i khoe-e sa ǁaes tsî tita tsîn ǀkhats a ǂkhî ǃkhaisa nî ǂan, sats ǂûts ga sida ǀkha ǃgû tama io. Satsa sida ǀkha hâs ai ǀgui da ge nau khoen ǃhūbaib ai hâna xu a ǀkhara ǁkhā.”

Jeremia 46:28

Tā ǃao ti ǃgā Jakotse, tib ge ǃKhūba ra mî, tita hâǀkhā tsi xuige. Tita ge ǁîdi ǃoa ta ge doeǁgabē tsi ǁaede hoaragase nî ǀamǀam, xawe ta ge satsa ǀamǀam tide. Satsa ta ge ǀgaus ai nî ǁkhara, tsî ta ge ǁkhara tsi tamase ǁnāxū tsi tide.”

Jeremia 49:31

Khâi, î ǁnā ǁaes, sâsase hâsa ǁnāǂam, tib ge ǃKhūba ra mî. ǁÎs ǃādi ge daodi tsî ǂganam-ūǀuri-i tsîna ūhâ tama hâ, ǁîs ge ǀguri ǁan hâ.

Amos 9:9

“Tita ge nî mîmā tsî Israelsa nau ǃhaodi ǁaegu nî ǁgara, ǃhoro-i ǁgaraǃoreb ǃnâ ra ǁgarahes ǁkhās khami, tsîs ge ǀgui ǃhororos xawesa ǃhūb ai ǁnā tide.

Mixa 7:14

Sa ǁaesa sa haib ǀkha ǃûi re, sa gūn ǃaub ǃnâ ǀguri ǁan hâna, ǂûǂûxa ǃhūb ǃnâ. An Basanni tsî Gileadi tsîkha ǃnâ ǃû re, ǀnain gere dī khami.

2 Korinteǁîn 6:17

ǁNā-amaga “ǁÎna xu ǃgû, î du ǁîna xu ǀgora” tib ra ǃKhūba mî. “Î du ǃanuoǃnâ-i xare-e tā tsâǀkhā, o ta ge nî ūǃoa du.

Deuteronomium 32:8

Hoaǀgaixab ge ǃhaode ǁîdi ǃhūba mā, tsî mâtin nî ǁan ǀgaub ǃnâ ge ǀgoraǂgā. Israelǁîn di ǂguisib ǃoab ge ǁîna ǃhūǀgoradi ǃnâ ge ǀgoraǂgā.

Deuteronomium 33:28

ǁNā-amagab ge Israela ǂkhîb ǃnâ ǁan hâ, ǃhorob tsî ǀasa ǂauxûi-i ǃhūb ǃnâb ge Jakob suriba a ǃnorasa, ǀhommi di ǀnanub ǃhūba ǀaub ǀkha ra ǀâǀâpa.

Titub 2:14

Hoaraga khoen nî ǁgauoǃnâsigu hoaga xu orehe tsî ǂgaogu âna ǃanuǃanuhegab ge ǁîba ûib âba ge ǁguiba. Tsîb ge ra ǂgao ǁîb di ôa kai tsî da nî ǀaexasib ǀkha ǃgâin ǀguina dī ǃkhaisa.

1 Petrub 2:9

Xawe sadu ge a ǃkhōǂuibasensa ǃhao, gao-aosi pristersi tsî a ǃanu ǁae. Elob ge sado ǃkhaenaba xu ǁîb buruxa ǃnâb ǃoa ge hā-ū tsî du ge nēsi ǁîb buruxa dīn xa nî ǃhoa.