Numeri 21:7 - Khoekhoegowab 2020

⁷ ǁÎn ge Moseb ǁga hā tsî ge mî: “ǃKhūb tsî sats tsîkho ǃoagu da ge ǃhoa, o da ge ge ǁore. O toxopa ǃKhūb ǃoa ǀgore, îb ǁîba nē ǀaona ūbē re.” Ob ge Moseba ǁaesa ge ǀgoreba.

Khoekhoegowab Elobmîs 2020

⁷ ǁÎn ge Moseb ǁga hā tsî ge mî: “ǃKhūb tsî sats tsîkho ǃoagu da ge ǃhoa, o da ge ge ǁore. O toxopa ǃKhūb ǃoa ǀgore, îb ǁîba nē ǀaona ūbē re.” Ob ge Moseba ǁaesa ge ǀgoreba.

Numeri 21:7 Iomraidhean Croise

Genesis 20:17

Tsîb ge Abrahamma Elob ǃoa ge ǀgore tsîn ge Abimelexi tsî ǁîb taras tsî ǃgādi tsîn hoana ge ǂgau. Tsî di ge ǀgôana ge ǁora ǁkhā.

Genesis 20:7

Xuige nēsisa tarasa ǁîs aob ai ǁkhaeǁnâ re. ǁÎb ge a kēbo-ao tsî nî ǀgoreba tsi, îts tā ǁō. Xawets ga ǁîsa ǁkhaeǁnâ tama i, o ta ge ra ǃkhâikhom tsi, sats tsî sa khoen hoan nî ǁō ǃkhaisa.”

1 Gao-aogu 13:6

Ob ge gao-aoba kēbo-aob ǃoa ge mî: “ǃKhūb sa Elob ǃoa ǀgore, î ǀkhomaba te re, îb ti ǁôaba ǁkhawa ǂuru.” Tsî kēbo-aob ge ǃKhūb ǃoa ǀgore, ob ge gao-aob di ǁôaba ǀnaib ge ī i khami ge ǂuru.

2 Gao-aogu 13:4

Ob ge Joahasa ǃKhūb ǃoa ge ǀgore tsîb ge ǃKhūba ǁîb di ǀgoresa ge ǁnâu-am, mâtikō ǁkhōseb Siriab gao-aoba Israelǁîna ra sîsenū ǃkhaisab ge mû xui-ao.

ǂKhanis Job dis 42:10

Jobi ge ǁîb ǀhōsaga ǀgorebatoa, ob ge ǃKhūba Joba, ǂoaǃnâb ge xūn hoana, ǀnaib ge ūhâ in xa ǀgam ǃnāra ǃnāsana ge mā-oa.

ǂKhanis Job dis 42:8

ǁNā-amaga hû ǁgōgu tsî hû baigu tsîga ū, î ti ǃoaba-aob Jobi tawa sī, î sago ǂûgo ǃaroma khauǁguibasa sī dī. Jobi ge sago nî ǀgoreba tsî ta ge tita ǁîb ǀgoresa ǁnâu-am tsî sago ǁoren ǃoa dī-ū go tide; ti ǃoaba-aob Jobi ge dī khami go ge tita xa amaba ǃhoa tama hâ i xui-ao.”

Psalmdi 106:23

ǁÎb ǃnâb ge ǁîna hîkākāsa gere ǂâi Moseb, ǁîb di ǁhûiǂuisabeb ga ǁîna ǃhoaba tama i, tsî ǁnāti ǁîb di hîkākā ra ǁaixasiba ǂkhā bi tama i hâo.

Psalmdi 78:34

ǁÎb ga ǁîna ǃgam, on ge ǁîba gere ôa on ge oa tsî Eloba gere ôa.

Eksodus 10:17

ǀKhoma ta ge ra, ti ǁorena nē ǃnāsa xawe ǀûba te, î ǃKhūb sakho Elob ǃoa ǀgore re, îb toxopa nē ǁgaisi, ǁkhōǁkhōsa ǁkharaba tita xu ūbē.”

Eksodus 32:11

Xaweb ge Moseba ǃKhūb ǁîb di Eloba ǀkhoma tsî ge mî: “ǃKhūtse tare-i ǃaromats sa ǁaib ǀkha sa ǁaes, Egipteba xuts ge kai ǁkhāsib tsî ǀgaisa ǁôab ǀkha ǂgaeǂguiǂuina ra mâǃoa?

Eksodus 32:30

Sao ra tsēs aib ge Moseba khoen ǃoa ge mî: “Kaise du ge ǁkhōǁkhōsase ge ǁore. Xawe ta ge nēsi ǁkhawa ǃhommi ai ǃKhūb ǁga nî ǃapa, īǁkhā-i kao ta kom sadu ǁoren ǃaroma ǁîb ǀkha ǂkhîbagusa a dī ǁkhāo.”

Eksodus 8:28

Ob ge Faraoba ge mî: “Tita ge sadu ǃKhūb Eloba du sī nî ǃgaroǃhūb ǃnâ ǁguibade ǁguibase nî ǃgû kai du, xawe tā ǃnūse ǃgû. Tita tsîna ǀgoreba re.”

Eksodus 8:4

ǁGūtsiǁgūben ge sa ai, sa khoen ai tsî sa ǂammâisagu tsîn ai nî uriǃapa.’ ”

Eksodus 8:8

Faraob ge Moseb tsî Aron hâkha ǂgaiǀkhī tsî ge mî: “ǃKhūb ǃoa kho nē ǁgūtsiǁgūbenab tita tsî ti khoena xu nî ūbēse ǀgore re, o ta ge sakho khoena ǃKhūban sī nî ǁguibade ǁguibase nî ǃnoraǃnora.”

Jesaja 26:16

ǃKhūtse, ǃgomsib ǃnân ge sats ǃoa gere kōkhâi, sats ge ǁkhara da, o da ge sats ǃoa ge ǀgore.

Jeremia 15:1

Ob ge ǃKhūba tita ǃoa ge mî: “Moseb tsî Samuel hâkha ga tita aiǃâ mâ tsî ǀkhoma te hâ, xawes tsîna ta ge tita nē ǁaesa ga ǀkhom tama hâ. Ti aiǃâba xu ǁîna sîbē, î ǁîna ǃgû kai!

Jeremia 37:3

Gao-aob Sedekiab ge Selemjab ôab Jukali tsî Maasejab ôab prister Sefanjab tsîga kēbo-aob Jeremiab ǃoa nē haisis ǀkha ge sî: “Toxopa ǃKhūb sada Elob ǃoa ǀgoreba da re.”

Hosea 5:15

Tita ge ǃgû tsî ti ǃkhais ǃoa ǁkhawa nî oa, ǁî-aitsaman ǀhapixase ǂansen tsî ti aisa nî ôas kōse; ǁîn ga ǂōǂōsib ǃnâ hâ, on ge tita nî ôa.

Numeri 11:2

Khoen ge nē ǂōǂōsiba Moseb ai ǃgae, tsîb ge ǁîba ǃKhūb ǃoa ǀgore, ob ge ǀaeba ge ǂhubiǀû.

Mateub 27:4

Tsîb ge ǁîgu ǃoa ge mî: “ǁOre ta ge go, ǀhapio ǀaoba ta go ǀapexū ǃkhais ǀkha.” “Tare-e ge sige ǁae hâ? ǁNā-i ge sa ǃgomsi-e!” ti gu ge ge ǃeream bi.

ǃNaeǃkhaidi 8:24

Ob ge Simonna ge mî: “O ǁnâi ǃKhūb ǃoa ǀgoreba te re, în nē ǁkhōǁkhōsa xūn sakho go mîna tā tita ǀkha ī.”

Romeǁîn 10:1

ǃGâsado, ti ǂgaob hoab di ǁkhoreb ǀkha ta ge ti khoen, Jodeǁîn nî ǃgâiǃō kaihesa Elob ǃoa ra ǀgore!

Deuteronomium 9:20

ǁKhātib ge ǃKhūba Aronni ǃoagu kaise ge ǁaixa, ǁîbab nî hîkākāse, xawe ta ge ǁkhā ǁaeb ais tsîna ǁîba ge ǀgoreba.

Jakobub 5:16

ǁNā-amaga ǁîǃnābe ǁoren âdo ǁguiǁnâ, î ǀgorebagu ǂuru ǁkhā du nîse. ǀGores ǂhanu-ai khoe-i dis ge kai tsî ǀgaisa sîsenǂuiba ūhâ.

1 Samuel 15:24

Ob ge Saula ge ǃeream: “Amase ta ge go ǁore, ǃKhūb di mîmās tsî sa mîdi tsîna ta go ǃûǂam ǃkhais ǀkha, ti khoega ǃao tsî ta go ǁîgu ǂgansa ǁnâuǀnam amaga.

1 Samuel 15:30

Ob ge Saula ge mî: “ǁOre ta ge go; xawe ti ǁaes ǂgaeǂgui-aogu tsî Israelǁîn hoan aiǃâ aibe ǃgôasiba mā te re, î tita ǀkha oa ǃKhūb sa Eloba ta sī nî ǀgoreǀî ǁkhāse.”