Numeri 19:9 - Khoekhoegowab 2020

⁹ Khoeb hîa a ǃanub ge gomas di tsao-e ūkhâi tsî ǃanu ǃkhai-i, hâǃkhaib ǃauga hâ-i tawa sī nî tsoroǂnûi; ǁî-i ge Israelǁîn xa ǃanuǃanu-ūs di ǁgam-e aiǂhomis ǃaroma nî sîsenūhe. Nēs ge ǁorena ǁāǁnâs ǃaroma gere sîsenūhe.

Khoekhoegowab Elobmîs 2020

⁹ Khoeb hîa a ǃanub ge gomas di tsao-e ūkhâi tsî ǃanu ǃkhai-i, hâǃkhaib ǃauga hâ-i tawa sī nî tsoroǂnûi; ǁî-i ge Israelǁîn xa ǃanuǃanu-ūs di ǁgam-e aiǂhomis ǃaroma nî sîsenūhe. Nēs ge ǁorena ǁāǁnâs ǃaroma gere sîsenūhe.

Numeri 19:9 Iomraidhean Croise

Levitikus 15:20

ǁKhâǀaesennas ūhâ hîas ga ǂnû-ai tamas ka io ǁgoe-ai xū-i hoa-i ge a ǃanuoǃnâ.

Saxaria 13:1

“ǁNā tsēs ais ge ǀausa Davidi ommi tsî Jerusalems ǁanǂgāsabena nî ǁkhowa-ambahe, ǁoren âna xu nî ǁîna ǃanuǃanuse.

Numeri 19:13

ǁŌ hâ soro-e ga tsâǀkhā tsî ǁāsen tama i khoe-i hoa-i ge a ǃanuoǃnâ, ǁî-i ai i ǃanuǃanu-ūs ǁgam-e ǁhōhe tama xui-ao. ǁÎ-i ge ǃKhūb Tentomma ǃanuoǃnâ kai, xui-ao i ge ǁî-e Elob ǁaes di ǀgui-i ase ǃaruǀî ǃgôahe tide.

Numeri 19:17

Nē ǃanuoǃnâsiba ǃanuǃanus ǃaroma i ge ǀapa gomas, ǁorena ūbēs ǃaroma ǂhubihe hâs di tsao-e ūhe, sūs ǃnâ tsorohe tsî ǁî-i tawa ǃanu ǁgam-e nî ǁhōhe.

Numeri 19:18

ǂGurosa i ge ǃanu khoe-e hisopǁnâu-e ū, ǃanuǃanu-ūs ǁgam-i ǃnâ ǀhari tsî Tentommi, ǁîb ǃnâ hâ xūn hoan tsî ǁnāpa ge hâ i khoen hoan ai nî ǀgapi. ǀGamǁîse i ge ǃanu khoe-e, ǁnā khoe-i hîa ge ǁō hâ khoe-i di ǂkhōb tamas ka io soros tamas ka io ǀhobasa tsâǀkhā-i ai nî ǀgapi.

Numeri 19:3

î kha ǁîsa prister Eleasara mā. ǁÎs ge hâǃkhaiba xu ūǂuihe tsî ǁîb ra mûse nî ǃgamhe.

Numeri 19:8

Gomasa ga ǂhubiǂui khoeb tsîn ge ǁîb sarana ǁā tsî ǁgam-i ǀkha nî ǁāsen; xaweb ge ǁîb tsîna ǃoes kōse a ǃanuoǃnâ.

Numeri 6:12

tsî Nasirǁî-i ase ǁî-i ǁaeba ǁkhawa ǃKhūb ǃoabas ǃaroma nî khai. ǁÎ-i ge aiǃâ dī hâ i sîsenni ge ǃgôa tama hâ, ǁî-i ge ǃanuoǃnâ i xui-ao. ǃAruǀî-i ge ǁî-e ǀgui kurixa ǁkhaoba ǁoreǁguibas ase nî hā-ū.

Numeri 8:7

sao ra ǀgaub ai ǃanuǃanu: ǁÎna ǃanuǃanus di ǁgam-i ǀkha ǀgapiǀkhā tsî ǁîna mîba, în hoaraga sorodi âna ǂkhom tsî saran ân tsîna ǁā. On ge ǁîna ǃanun ase nî ǃgôahe.

Numeri 9:13

Khoe-i hîa a ǃanu-i tsî daob ai ǃgû tama i tsî Pasxaǁâudība tsēdī tama-i ge ǃaruǀî ǁîb khoen di ǀgui-i ase ǃgôahe tide, mîmâisa ǁaeb ai-i ǁî-i ǁguibasa ǁguiba tama xui-ao. ǁÎ-i ge ǁnā-amaga ǁî-i ǁoreb ǃaroma nî ǁkharahe.

2 Korinteǁîn 5:21

Xristub ge ǁore-i xare-e ge ūhâ tama hâ i, xaweb ge Eloba sada ǁoren ǃaroma ǁîba ǁoreǁguibas ase ge dī, î da ǁîb ǃnâ Elob di ǂhanu-aisi kai.

2 Korinteǁîn 7:1

ǀNamsabedo, ǁnāti ī mîmâide da ūhâ amaga da ge soros tsî gagas tsîra ǀuriǀuri ǁkhā xū-i hoa-e xu nî ǃanuǃanusen, î da Elob di ǃgôasib ase ǀoasase ǃanuǃanusen.

Hebreǁîn 7:26

Nēti ī ǀGapipristeri,* ǃanu, ǀhapio, ǁoreo, ǁore-aona xu ǀgorahe tsî ǀhommi ǂamai ǀgapiǀgapihe hâb ge sada ǂhân hoana ra mâǀoa.

Hebreǁîn 9:13

Pirin tsî ǁgōgu di ǀaob tsî ǂkham tsâus hîa ǂhubiǂuihe hâs di tsaob di ǀgapis ge ǁnān hîa, ǃanuoǃnân di ǃaugasi īsiba ra ǃanuǃanu.