Numeri 18:8 - Khoekhoegowab 2020

⁸ ǃKhūb ge Aronni ǃoa ge mî: “Hoaraga ǂhubihe tama ǀō-aisa mādi hîa ta ra ǁguibahede ta satsa ra mā ǃkhaisats ge ǂâis ǃnâ nî ūhâ. ǁÎde ta ge sats tsî sa surib tsîna ǀamo ǂnûiǂgās ase ra mā.

Khoekhoegowab Elobmîs 2020

⁸ ǃKhūb ge Aronni ǃoa ge mî: “Hoaraga ǂhubihe tama ǀō-aisa mādi hîa ta ra ǁguibahede ta satsa ra mā ǃkhaisats ge ǂâis ǃnâ nî ūhâ. ǁÎde ta ge sats tsî sa surib tsîna ǀamo ǂnûiǂgās ase ra mā.

Numeri 18:8 Iomraidhean Croise

2 Gao-aogu 12:16

ǀHapiǁguibas tsî ǁoreǁguibas tsîra di marin ge ǂgaes ǃnâ ge ǂgāhe tama hâ i; ǁîn ge ge pristergu di i.

2 Kroniks 31:4

Gao-aob ge ǁkhāti Jerusalems di ǁanǂgāsabena ge mîba, în pristergu tsî Leviǁîgu tsîga ǁîgu nî māhese ī ǃâsa mā, î gu ǀoasa ǂâisa ǃKhūb ǂhanub di ǂgaoǀkhādi ai ǂnûi ǁkhā.

2 Kroniks 31:5

ǁNā mîs ge ǂanǂanhe, on ge Israelǁîna ǁîn di ama-ai ǃhoro-i, ǂauxûi-i, ǀkhera-oli-i, dani-i tsî nau ǃhanaǂûn tsîna ge hā-ū. ǁÎn ge ǁkhāti disiǁîǃâs, ūn hâ xūn hoan disa ge mā.

Eksodus 28:43

Nē purukhoedi ge Aronni tsî ôasagu âb xa ǃKhūb di Tentommi ǃnâ gu ga ǂgâs kōse tamas ka io altars ǀgūse gu ga ǃAnu ǃKhaib ǃnâ nî ǃoabase sīs kōse nî ǂgaeǂgāhe, î gu tā ǀōǀkhāsib âga mûhe tsî ǃgamhe. Nēb ge Aronni tsî ǁîb di surib ǃaroma hâhâ nîse ī ǁgaraba.”

Eksodus 29:21

ǀNî ǀaob tsî ǀnau-ūs oli-i altars ai mâna ū, î ǁîna haba. ǁÎ-e Aronni tsî ǁîb di ôagu ai tsî ǁîgu saran ai ǀgapi. Nēs ǀkhan ge Aronni, ǁîb di ôagu tsî sarana tita ǃaroma nî khaihe.

Eksodus 29:28

Nēb ge Aronni tsî ǁîb di ôagu ǃaroma hâhâ nîse ī ǁgaraba, Israelǁîn ga ǁguibasa mā, on baib di ǁkhaib tsî tîb tsîna pristergu ǃaroma nî ǁguiba ǃkhaisa. Nēs ge khoen di ǁguibas ǃKhūb ǃoa hâsa.

Eksodus 29:29

“Aronni ga ǁō, o ǁîb di pristersi sarana ǁîb di surib hîa ǁîba pristerse nî saoǃgonna mā, î gu pristerse gu ga ǀnauhe, o ǂgaeǂgā.

Eksodus 40:13

Aronna ǃnâu pristersi sarana ana, î ǁîba ǀnau tsî ǀkhaeǂgā, pristerseb nî ǃoaba tese.

Eksodus 40:15

ǁÎgu îbats ge ǀnauǂgā khami ǁîgu tsîna ǀnau, î gu pristerse ǃoaba te ǁkhā. Nē ǀnaus ge ǁîga ǃgoaxaǁaeb hoab ǃnâ pristerse nî ūhâ.”

Jesaja 10:27

ǁNā ǁaeb ga hā, o ta ge Asiriaǁîn ǁgâiǀāba xu nî ore du tsî ǁîn ǃnaob ge ǃaruǀî sadu ai ǁgâi tide tsî nî hîkākāhe.”

Levitikus 21:10

“ǀGapipristeri ǀnau-ū-oli-i ǀkha ge ǀnau danahe tsî pristersi saranab nî anase ge mâiǂgāheb ge ǃoab ǃnâb ga hâ xawe, ǁîb di danaǀûna ǃamkuse ūhâ tsî ǁîb sarana ǀkhau tide.

Levitikus 23:20

Pristeri ge pristergu ǃaroma pereb ǀgam ǁkhaorokha ǀkha hâba ǀō-aisa mās ase ǃKhūb ǃaroma nî ǁguiba. Nē ǁguibadi ge a ǃanu.

Levitikus 6:16

ǃGau ra ǃâb ge pristergu xa nî ǂûhe. ǁÎ-i ge khūkhū-e ūhâ tamase nî amhe tsî ǃanu ǃkhaib, aisǀkhāb ǃKhūb di Tentommi ǁgâuǂnamib dib ǃnâ nî ǂûhe. ǃKhūb ge ǁî-e pristerga ǂûǁguibas di ǃâ-i, ǁîgu di-i ase ge mā. ǁÎ-i ge ǁoreǁguibas tsî matare-oas ǁguibadi khami ǀgui a ǃanu.

Levitikus 6:18

ǃGoaxaǁaeb hoab ǃnâb ge Aronni surib di aorekhoega mel-e nî ǂû ǁîgu di ǃâs, ǃKhūba ra ǁguibahe ǂûn dis ase. ǀKhara khoe-i hîa nē ǂûǁguibasa ga tsâǀkhā-i hoa-i ge ǁîs di ǃanusib di ǀgaib xa nî tsūǃō kaihe.

Levitikus 6:20

Aronni tsî ǁîb ôagu tsîn ge ǁîgu di pristerse ǀnauǂgās tsēs ai sao ra ǁguibasa ǃKhūba nî ǁguiba: ǀGui kiloxrammi mel-i (tsēkorobe ǃhoroǁguibas di ǀnōba ūhâ-i), ǃkhareǃâba ǁgoas ai tsî nau ǃkhareǃâba ǃoes ǃnâ.

Levitikus 6:26

ǁNā pristeri hîa ra ǀgoa-e ǁguibab ge ǁî-e ǃanu ǃkhaib, ǃKhūb di Tentommi ǁgâuǂnamib dib ǃnâ nî ǂû.

Levitikus 7:14

ǁÎ-i ge mâ pereǃnôa-i hoa-e xu ǀgui-e ū tsî ǀō-aisa ǁguibas ase ǃKhūb di ǃgôasib ǃoa nî ǁguiba; pristeri hîa ǁguibaǀgoa-i di ǀaoba ū tsî altars ai ra ǀgapib ge nē pere-e ra ūbasen.

Levitikus 7:28

ǃKhūb ge Moseba ge mîmā

Levitikus 7:6

Pristersi surib di aorekhoeb hoab ge ǁî-i di ǁgan-e nî ǂû. ǁÎ-i ge kaise i a ǃnâu xui-ao ǃanu ǃkhaib ǃnâ nî ǂûhe.

Levitikus 8:30

ǁNās khaoǃgâb ge Moseba ǀnau-ū-oli-i tsî baib di ǀaob, altars ai ge mâ ib tsîna ū tsî Aronni tsî ǁîb saran tsî ǁîb ôagu tsî ǁîgu saran ai ge ǀgapi; nē ǀgaus aib ge ǁîgu tsî ǁîgu saran tsîna ge khai ǃKhūb di ǃoabas ǃoa.

Numeri 18:9

Sao ra ǀō-aisa ǃnâu ǁguibadi, altars ai ǂhubihe tamadi ge a sago di: ǃHoroǁguibadi, ǁoreǁguibadi tsî ǀhapiǁguibadi tsîde. Mâ xū-i hîa ǃnâu ǁguibas ase ga ti ǃgôasib ǃaroma a ǁguibahe-i hoa-i ge sats tsî sa ôagu tsîgo di.

Numeri 5:9

Tsî mâ ǀō-aisa mā-i ǃKhūbǃgôasib ǃaroma ra māhe-i hoa-i ge pristera nî māhe.

1 Korinteǁîn 9:13

ǂAn tama du kha hâ ǁnān Tempelǃoabade ra dīn, Tempeli di ǂûna ra ǂû tsîn ǁnān altars tawa ra ǃoabana altars ai ra ǁguibahen ǃnâ ra amǃnâxa ǃkhaisa.

Deuteronomium 12:11

ǃKhūb ge ǀō-aisa ǃkhais, ǁîb di ǀons nî ǀgoreǀî tsî ǃoaba-aihesa nî ǁhûiǂui. ǁNāpa du ge tita ge mîmā du ǁguibade nî sī-ū: Khauǁguibadi tsî nau ǁguibade, sadu disiǁîǃâdi tsî mādi ǃKhūba du ge mîmâibadi tsîna.

Deuteronomium 12:6

khauǁguibadi tsî nau ǁguibade ǁguibas ǃaroma sī-ū, sadu disiǁîǃâdi tsî mādi, ǃKhūba du ra mîmâiba mādi, māsenxa ǁguibadi tsî ǂguroǃnaesagu, sadu goman tsî ǀgoan digu tsîna ǁguibas ǃaroma ǁnāpa nî sī-ū.

Deuteronomium 18:1

“Leviǁî pristergu ge ǃhūǃâ-i xare-e ǀumis ase Israeli ǃnâ ǃkhōǃoa tide; xawe gu ge mādi tsî ǁguibadi ǃKhūb ra ǁguibahede xu nî ûi.

Deuteronomium 26:13

o ǃKhūb ǃoa mî: ‘ǃNâu disiǁîǃâs ge sida omde xu ūhe tsî Leviǁîn, ǃhaokhoen, ǃguniǀgôan tsî ǃoataradi tsîna sa mîmādi hîats ge sida mîmādi ǃoa ge māhe. Sida ge sa mîmādi ǃoagu ǁore tama i tsî ǁîde ǁkhāti ǀuru tama ge hâ i.

Hebreǁîn 1:9

ǂHanu-aisiba ǀnam tsîts ǁgauoǃnâsiba ǁkhan hâ, amagab ge Elob, sa Eloba, sa ǀhōsagu ǂamai, satsa ǃgâiaǂgaob di oli-i ǀkha ge ǀnau.*”

1 Johaneb 2:20

Xawe sadu ge ǃAnuba xu ǀnausa* ūhâ tsî du ge hoado amaba a ǂan.

1 Johaneb 2:27

Xawe sadu ǃnâs ge ǁîba xu du ra ǃkhōǃoa ǀnausa hâ, tsî du ge ǂhâsi-i khoe-i xare-i nî sado ǁkhāǁkhā ǃkhais di-e ūhâ tide. ǁKhā ǀnaus ra sado hoaraga xūna ǁkhāǁkhā tsîs a ama tsî ǂhumi tama xui-ao, î du ǁîb ge ǁkhāǁkhā du khami ǁîb ǃnâ hâhâ.