Numeri 18:7 - Khoekhoegowab 2020

⁷ Xawe sats tsî sa ôagu tsîgo ǀguigo ge pristersi ǃereams altars ǂnamipe tsî ǂgāmâisab ǃgâb ai hâs sîsenna dīǀoaǀoa tsî ǃoabas disa ūhâ. Sago pristersisa ta ge mās ase ge mā go, tsî nēpa ra ǀgū khoe-i hoa-i ge nî ǃgamhe.”

Khoekhoegowab Elobmîs 2020

⁷ Xawe sats tsî sa ôagu tsîgo ǀguigo ge pristersi ǃereams altars ǂnamipe tsî ǂgāmâisab ǃgâb ai hâs sîsenna dīǀoaǀoa tsî ǃoabas disa ūhâ. Sago pristersisa ta ge mās ase ge mā go, tsî nēpa ra ǀgū khoe-i hoa-i ge nî ǃgamhe.”

Numeri 18:7 Iomraidhean Croise

Psalmdi 115:10

Aronni ommi dido, ǃKhūb ai ǂgomaiǂnûi re, ǁîb ge ǁîn di hui tsî ǁkhaukhō.

Eksodus 28:1

ǃKhūb ge ǃaruǀî Moseba ge mîmā: “Sa ǃgâsab Aronni tsî ǁîb ôagu Nadab, Abihub, Eleasari tsî Itamari tsîga sa ǃoa ǂgaihā. ǁÎga Israelǁîna xu khai, î gu pristergu ase tita ǃoaba.

Eksodus 29:9

ǁÎgu kamanagu ai kamanaǃgaesenga ǃgae, î ǁîga ǃkhaiǀgapade ǀgapa. ǁÎgu tsî ǁîgu surib tsîn ge tita hoaǁae pristerse nî ǃoaba. Nēs ge Aronni tsî ôasagu tsîgats nî mâiǂgā ǀgausa.

Esekiel 44:15

“Tsî Leviǁî pristergu, Sadoki ôagu, ǃûis ti ǃanusib disa gere dīgu, Israeli khoen tita xu ra ǁhapu hîa, ǁîgu ge tita nî ǀgū, tita gu nî ǃoabase, tsî gu ge ti ais aiǃâ nî mâ, tita gu kaub tsî ǀaob tsîkha nî ǁguibase,” tib ge ǃKhūb Eloba ra mî.

Esekiel 44:16

“ǁÎgu ge ti ǃanusib ǃnâ nî ǂgâ, tsî ǁîgu ge ti tāb tawa nî hā ǃoaba nîse, tsî gu ge ti soas ǃnâ nî ǃûi.

Esekiel 44:8

Sadu ge ti ǃanu xūna ǃûiǃgâ tama ge i, tsî du ge ǃhaokhoena ti ǃanusib di ǃûiǃgâ-aose ge mâi.

Levitikus 16:2

“Sa ǃgâsab Aronna mîba, îb tā hoaǁae ǂgāmâisab ǃgâb ai, Hoan xa ǃAnu ǃKhaib tita ra ǃâus ǃnâ ǃGaeǀhaos ǂGaes di ǂganais ai ǁgôaxab tawa ǂgâ. Nēsab ga ǁnâuǀnam tama i, ob ge nî ǃgamhe.

Levitikus 7:35

Nēs ge ǃâs ǀaeǁguibas dis ǃKhūb di ǃgôasib ǃoa ra ǁguibahes, Aronni tsî ǁîb ôagu tsîgu ge ǁîgu pristersi ǀnauǂgāhes tsēs ai a māhesa.

Numeri 1:51

Doe du ga ǁaeb hoab ai gu ge Leviǁîga Tentomma ūǁnâ tsî ǁkhawa sao ra ǀasa hâǃkhaib ai sī nî ǂnaumâi. Tentommi ǀgūse ga hā khoe-i hoa-i ge nî ǃgamhe.

Numeri 16:40

Nēs ge Israelǁîn ǃaroma ǃkhâikhoms ase nî ī, Aronni suriba xu hâ tama khoe-i altars tawa ǃKhūba ǃgâihamxū-e sī ǁguiba tidesa. ǁNā tamas ka i, o i ge ǁî-e Koraxi di khoegu khami nî hîkākāhe. Nēn hoan ge ǃKhūb ge Moseb ǃnâ-u Eleasara mîmā khami ǀgui ge dīhe.

Numeri 18:20

ǃAruǀîb ge ǃKhūba Aronni ǃoa ge mî: “ǀUmihe nî ūhâxūna du ge ǃkhōǃoa tide, tsî Israelǃhūb di ǀgui ǃâ-i xare-e du ge māhe tide. Tita ǃKhūta ǀgui ta du ǂhâba hâ.”

Numeri 18:3

ǁÎn di ǁguiǂamden ga sago ǃaroma dīǀoaǀoa tsî Tentommi ǂaman ūhâ ǃereamdi tsîna, xawen ge mā-amhe tama hâ ǃAnu ǃKhaib tamas ka io altars tawa ǀgūs tamas ka io ǃanu xūna tsâǀkhāsa. ǁNāsan ga dī, o du ge ǁîn tsî sago tsîdu hoado nî ǃgamhe.

Numeri 3:10

Aronni tsî ǁîb di ôagu tsîga pristersi sîsenna gu nî dīse ǁgaumâi; xawe ǀnî khoe-i, ǁnāsa ga dītsâ-i hoa-i ge nî ǃgamhe.”

Numeri 3:38

Moseb, Aronni tsî Aronni ôagu tsîgu ge aiǂoasǀkhāb, ǃKhūb Tentommi di aisǀkhāb ai ǁîgu hâǃkhaiba ge ǂnaumâi. ǁÎgu ge ǃAnu ǃKhaib ǃnâ Israelǁîn ǃaroma gere dīhe ǃoabadi di ǃereamsa ge ūhâ i. Xawe ǀnî khoe-i ǁnāsa ga dī-i hoa-i ge gere ǃgamhe.

Mateub 10:8

ǀAesen hâna ǂuruǂuru, ǁō hâna ǂkhaiǂkhai, ǃomamasiba ūhâna ǃanuǃanu, î ǁgâuaga* ǃhaeǂui. Matare-i ose go ge hō xuige matare-i ose mā.

Johaneb 3:27

Ob ge Johaneba ge ǃeream: “Khoe-i ge xū-i xare-e a ǃkhōǃoa ǁoa Elob ǀhommi ǃnâ hâba xu i ga māhe tama io.

Efeseǁîn 3:8

Tita, Elob di khoen hoan xa ǂkhamta ge nē ǀkhomma ge māhe, î ta Xristub di ôaǃnâheǁoasa ǃkhūsib di ǃGâiǂhôasa Jodeǁî tamana aoǁnâba.

Deuteronomium 18:2

ǁÎgu ge nau ǁaedi khami ǃhūǃâ-e ǀumi tide, tsî ǃKhūb pristergu a xui-ao, ǁîb ra ǁguibahe xūn ai aiǂhanuba ǃKhūb ge mîmâi khami ūhâ.

Hebreǁîn 5:4

Tsî khoe-i xare-i ge ǀgapipristerse ǂgaihes di ǃgôasiba aitsama ūbasen tama hâ, xawe i ge Elob xa Aronnab ge ǂgais ǁkhās khami nî ǂgaihe hâ i.

Josua 18:7

Leviǁîn ge sadu ǀkha ǃhūb di ǃâ-e hō tide, pristerse ǃKhūba ǃoabas a ǁîn di ǃâ xui-ao. Gadi tsî Rubenni tsî ǃkhare ǃhaos Manaseb dis tsîdi ge ǀnai ǃKhūb di ǃgāb Moseb xan ge māhe ǃâb ǃhūb diba Jordanni aiǂoas ǃnâ ge ǃkhōǃoa.”

1 Petrub 5:2

Elob di gūn sago ǂgomǃgâbahe hâna ǃûi, ǁgarisa xu tama i tsî māsenxase. ǁKhāti taotaosa hōbasen-i ǃaroma tama, xawe ǂgaob hoaba xu,

1 Petrub 5:3

Elob di kerkheba ra gaoǂamse tama, xawe gūn di aiǁgause.

1 Samuel 2:28

Tita ge sa îba Israelǁîn di ǃhaodi hoade xu pristerse ge ǁhûiǂuibasen, ti altars tawab nî ǃoabase, ǃgâihamxūnab nî ǂhubise tsî efodab nî anase tita tawab ga ǀape-ôa ǃnubai. Tsî ta ge ǁîna Israelǁîn gere ǁguiba ǁguibadi hoade xun ǃâ-e nî ūbasensa gere mā-am.