Numeri 18:1 - Khoekhoegowab 2020

¹ ǃKhūb ge Aronni ǃoa ge mî: “Sats, sa ôagu tsî Leviǁîgu tsîgo ge ti Tentommi ǃnâ ǃoabas xa ra ǃaromahe ǀhapis ǁkharaba nî tani; xawe sats tsî sa ôagu ǀguigo ge pristersi ǃoabas xa ra ǃaromahe ǁkharaba nî tani.

Khoekhoegowab Elobmîs 2020

¹ ǃKhūb ge Aronni ǃoa ge mî: “Sats, sa ôagu tsî Leviǁîgu tsîgo ge ti Tentommi ǃnâ ǃoabas xa ra ǃaromahe ǀhapis ǁkharaba nî tani; xawe sats tsî sa ôagu ǀguigo ge pristersi ǃoabas xa ra ǃaromahe ǁkharaba nî tani.

Numeri 18:1 Iomraidhean Croise

Eksodus 28:38

îb ǁîba ǁîsa hoaǁae ǃūs âb ai ǃgaeǁgui. Nēs ge ǁîb ra hoaraga dīsādi Israelǁîn ra titan ra ǁguibade ǁguiba ǁaeb ai dīdeb, ǁîb di ǀhapis ase ra ūbasen ǃkhais di ǁgauǁgaus ase ī tsî ta ge tita ǃKhūtan ra khaiba ǁguibade nî ūǃoa.

Jesaja 53:11

ǃAob âba xus ge ǃnâbab nî mûsa, ǂans âba xus ge ǃnāǂamsasibab nî hōsa. ǂHanu-aib, ti ǃoaba-aob ge ǂguina nî ǂhanu-ai kai tsîb ge ǁîn dīsāde nî tani.

Jesaja 53:6

Sada hoada ge gūn khami ge kāǁhapu, sada ǂhunuma daogu ǃoa da ge ge dabasen tsîb ge ǃKhūba ǁîb ǂûb ai sada dīsade ge tani.

Esekiel 4:4

“ǁNās khaoǃgâ sa ǁareǀkhāb ǃnammi ai ǁgoe, tita ge Israeli ommi ǁkharaba sats ai nî ǁgui. ǁÎn di ǁkharabats ge ǁîb aits ǁgoe tsēdi hoade nî tani.

Levitikus 10:17

“Tare-i ǃaroma kho nē ǁoreǁguibasa ǃanu ǃkhai-i tawa go ǂû tama hâ i? Nēs ge kaise ǀō-aisa ǁguibas ǃKhūb ge mā khosa, khoen di ǁoren ǁîs ǀkha nî ūbēhe, tsîn ǂkhîbagusa ǃKhūb tawa nî hōse.

Levitikus 22:16

Mā-amsa tama khoe-i nē ǁguibade ǂû tidesa gu ge nî ǃûiǃgâ; nēs ge ǀhapis tsî ǁkharab tsîna ǁîn ǂûn ai nî hā-ū. Tita ge ǃKhūta ǁguibade ra ǃanuǃanu ta.”

Levitikus 22:9

“Hoaraga pristergu ge tita ge ǁgui ǁgaragu hoaga nî ǁnâuǀnam. ǁNā tamas ka i, o gu ge ǀhapixa tsî nî ǁō, ǃnâu ǁgaraga gu go ǃûǂam xui-ao. Tita ge ǃKhūta tsî ta ǁîna ra ǃanuǃanu xui-ao.

Numeri 14:34

Hakadisi kuriga du ge sadu ǁoren ǃaroma ǃgomma nî tsâ, mâ ǀgui tsēs hakadisi tsēdi dis ǃhūb gere sī ôaǃnâhes hoas ǃaroma ǀgui kuriba. ǁNā ǀgaus ai du ge nî ǂan tita sadu ǃoagu hâs tare-e ra ǂâibasensa.

Numeri 16:10

ǁÎb ge sadu tsî nau Leviǁîn hoana nē ǃgôaǃgôasa ǃoabas ǃaroma ge khai, tsî du ge noxopa pristersisa ra ǂhâba!

Numeri 17:13

Tentommi ǀgūse ga sī khoe-i hoa-i nî ǁōs ka, o da kom sida hoada ǀnai ǁō hâo!”

Numeri 17:3

î Aronni ǀonsa Levib di ǀkharub ai xoa. Mâ ǂgaeǂgui-aob hoab ge ǀkharuba nî hō.

Numeri 17:7

Moseb ge hoaraga ǀkharuga ǃKhūb di Tentommi ǃnâ ǂgâ-ū tsî ǃGaeǀhaos ǂGaes aiǃâ ge ǁgui.

Numeri 18:11

“ǁNān xōǀkhā i ge mâ ǀō-aisa ǁguiba-i Israelǁîn ga ti ǃgôasib ǃaroma gongonǁguibas ase ǁguiba-i hoa-e a sago di. ǁÎna ta ge sats, sa ôagu tsî ôadi tsîdo hoaǁae nî mā. Sa omaris di khoen hoan hîa ǃanun ase ra ǃgapaǀîhen ge ǁîna a ǂû ǁkhā.

Numeri 3:6

“Levib ǃhaosa aisǀkhāb ǁga ǂoaxa-ū, î ǁîna prister Aronnan nî ǃoabase ǁgaumâi.

Deuteronomium 10:8

ǃKhūb ge ǀnai Levib ǃhaosa ǃGaeǀhaos ǂGaesan nî tanise, ǃKhūb mûǁaen nî ǁîb ǂûba ǃoaba tsî nētsēs kōse ǁîb ǀons ǃnâ ǀkhaeba gowaǂuise ge ǁgaumâi.

Hebreǁîn 13:17

Sadu aiǃgû-aona ǁnâuǀnam, î ǁîn ǃnaka ǃgamǃgamsen ǁîn sado ǀomde ǃûi hâ Elob aiǃâ nî ǃereamsa māse xui-ao. An nēsa ǃgâiaǂgaob ǀkha dī, tsûaǂgaob ǀkhas ose. ǁÎs xa du ǃgâibahe tide xuige.

Hebreǁîn 4:15

ǀGapipristeri, sada di ǂkhabusasigu ǀkha ra tsâbaǁhaob, mâ ǀgaub hoab ai sada khami ǃâitsâhe hâb, xawe ǁoreoba da kom ūhâo.

1 Petrub 2:24

ǁÎb, sada ǁorena ǁîb di soros ǂûs ǃnâ ǃgâuhaib* ai ge taniǃapab, ǁorena ǁōǁnâ hâse da nî ǂhanu-aisiba ûibaga. ǁÎb di ǀhapina xu da ge ǂgauba.

ǂHanuǂhanu-aogu 17:12

Mixab ge ǁîba pristerse ge ǁgaumâi tsîb ge Mixab oms ǃnâ ge ǁan.