Numeri 16:9 - Khoekhoegowab 2020

⁹ Israeli Elob ge sado nau khoen hoana xu ǀguri ǃKhūba du nî ǀgū ǁkhā, tsî ǁîb Tentommi ǃnâ ǃoaba, tsî ǀhûhâsiba ǃoabase ǁhûiǂui ǃkhaisa du kha ǁau xū-i ase ra ǃgôa?

Khoekhoegowab Elobmîs 2020

⁹ Israeli Elob ge sado nau khoen hoana xu ǀguri ǃKhūba du nî ǀgū ǁkhā, tsî ǁîb Tentommi ǃnâ ǃoaba, tsî ǀhûhâsiba ǃoabase ǁhûiǂui ǃkhaisa du kha ǁau xū-i ase ra ǃgôa?

Numeri 16:9 Iomraidhean Croise

Genesis 30:15

Os ge Leasa ge ǃeream: “Ti aobas ge ūxū te ǃkhais ǀkhas ǂâu tama hâ, os ti ôab go hā-ū dudaimǂûn tsîna ra ūxū te ǂgao?” Os ge Raxelsa “Sa ôab di dudaimǂûn xas ga mā te, os ge nēǃoe Jakob ǀkha a ǁom ǁkhā” ti ge ǃeream.

2 Samuel 7:19

Nēn tsîn ge satsa go ǂâuba tama hâ i, ǃKhū Elotse. Sats ge ǁkhāti sa ǃgāta suriba, ǃnūse ǃgoaxaǁaeb ǃnâ nî īna go mîmâiba; nētits kha khoe-e nî dība, ǃKhū Elotse.

2 Kroniks 35:3

ǁÎb ge ǁkhāti Leviǁîgu, hoaraga Israela gere ǁgauǃnâgu, ǃKhūba ge khaibahe hâ igu ǃoa ge mî: “ǃAnu ǃGaeǀhaos ǂGaesa, Davidi ôab gao-aob Salomob ge kuru Tempeli ǃnâ mâi. ǁÎsa go nî tanima ǃkhais ge ǃaruǀî ǂhâbasa tama hâ, nēsi go ge ǃKhūb, sadu Elob tsî ǁîb ǁaes, Israels tsîna nî ǃoaba.

Nehemia 12:44

ǁNā ǁaeb ai gu ge Tempeli mādi, disiǁîǃâdi tsî ǂguro ǃhoro-i tsî ǂguro haiǂûn, kurikorobe ra ǁguibahen tsîn di sâuǃnâ-omdi ǂama aoga ge mâihe. Nē aogu ge ǂhanub ra ǂgaoǀkhā mādi, pristergu tsî Leviǁîgu nî māhese ide, ǃādi ǂnamipe ǁgoe ǃgaroǃādi tawa nî ǀhaoǀhao. Hoaraga khoen Judab din ge pristergu tsî Leviǁîgu tsîgu ǀkha ge ǂkhîǂâixa i,

Jesaja 7:13

Ob ge Jesajaba ge mî: “Davidi surido, ǃgâ re! Khoena ôaǃnâs ǀkha du kha ǂâu tama hâ? Nēsisa du ti Elob tsîna ra ôaǃnâ?

Esekiel 34:18

ǃGâi ǃû-ais ai du ra ǃû ǃkhaisa ǂâuba du tama, o du ǃgau hâ ǃâb ǃû-ais diba sadu ǂaidi ǀkha nî dāǂkhū; tsî ǃanu ǁgamma du ka ā, o ǃgau hâba sadu ǂaidi ǀkha dāǂgomaǂgoma?

Esekiel 44:16

“ǁÎgu ge ti ǃanusib ǃnâ nî ǂgâ, tsî ǁîgu ge ti tāb tawa nî hā ǃoaba nîse, tsî gu ge ti soas ǃnâ nî ǃûi.

Numeri 1:53

Xawe Leviǁîgu ge Tentomma gu nî ǃûise ǁîb ǂnamipe nî ǂnaumâi, î i tā khoe-i xare-e ǁîb ǀgūse hā, î ta tā ti ǁaib ǀkha Israelǁîna ǂkhôadī.”

Numeri 16:13

ǂÂu tama i kha hâ, sats ge sida ǂûtanixa Egipteba xu nē ǃgaroǃhūb ǃoa, ǁō da nîse ǂgaeǂguiǂui ǃkhaisa? Sida ǂamats kha ra gaosîsen ǂgao?

Numeri 16:8

Moseb ge ǃaruǀî Koraxi ǃoa ge mî: “Sa Leviǁîdo ǃgâise ǃgâ te!

Numeri 3:6

“Levib ǃhaosa aisǀkhāb ǁga ǂoaxa-ū, î ǁîna prister Aronnan nî ǃoabase ǁgaumâi.

Numeri 3:9

Leviǁîn ǁîs ǀguisa ūhâ ǃereams ge Aronni tsî ǁîb di ôagu tsîga ǃoabasa.

ǃNaeǃkhaidi 13:2

Tsî ganupe gu ǁîga ǃKhūba ǂûtama* hâs tsî ǀgores ǃnâ ra ǀgoreǀî hîab ge ǃAnu Gagaba “Saulub tsî Barnabab tsîkha tita ǁîkha ūba hâ sîsenni ǃaroma khai re” ti ge mî.

1 Korinteǁîn 4:3

Xawe i ge tita ǂkhari xūse ība, sadu xa tamas ka io khoesi ǀgoraǃgâ-i xa ǀgoraǃgâhesa, xawe ta ge ǁî-aitsama ǀgoraǃgâsen tama hâ.

Deuteronomium 10:8

ǃKhūb ge ǀnai Levib ǃhaosa ǃGaeǀhaos ǂGaesan nî tanise, ǃKhūb mûǁaen nî ǁîb ǂûba ǃoaba tsî nētsēs kōse ǁîb ǀons ǃnâ ǀkhaeba gowaǂuise ge ǁgaumâi.

1 Samuel 18:23

Sauli ǂamkhoegu ge nē ǂhôasa a mîba bi, ob ge Davida ge ǃeream: “ǂÂi go ra gao-aob ǀuiǀgôa kais a supu ǃkhaisa? ǀGâsa tsî ǁau khoeta kom titao.”