Numeri 16:5 - Khoekhoegowab 2020

⁵ Tsîb ge Koraxi tsî ǁîb sao-aon ǃoa ge mî: “ǁArikamǁgoagab ge ǃKhūba tari-i a ǁîb di ǃkhaisa nî ǁgau da, ǁnās ge ra ǂâibasen, ǁîb ge ǁhûiǂuib ra khoeba altars tawa nî sī kai.

Khoekhoegowab Elobmîs 2020

⁵ Tsîb ge Koraxi tsî ǁîb sao-aon ǃoa ge mî: “ǁArikamǁgoagab ge ǃKhūba tari-i a ǁîb di ǃkhaisa nî ǁgau da, ǁnās ge ra ǂâibasen, ǁîb ge ǁhûiǂuib ra khoeba altars tawa nî sī kai.

Numeri 16:5 Iomraidhean Croise

Psalmdi 105:26

ǁÎb ge Moseb ǁîb ǃgāb tsî Aronni hîab ge ǁhûiǂuib tsîkha ge sî.

Psalmdi 115:10

Aronni ommi dido, ǃKhūb ai ǂgomaiǂnûi re, ǁîb ge ǁîn di hui tsî ǁkhaukhō.

Psalmdi 65:4

ǀKhaehe i ge hâ ǁnā-i, ǁî-ets ra ǁhûi tsî ǀgūǀgū-e î-i sa ai-omgu ǃnâ ǁan ǁkhā. Sida ge sa ommi di ǃgâisib xa nî ǁâ ǃanu ǃkhaib sa Tempeli dib ǀkha.

Eksodus 28:1

ǃKhūb ge ǃaruǀî Moseba ge mîmā: “Sa ǃgâsab Aronni tsî ǁîb ôagu Nadab, Abihub, Eleasari tsî Itamari tsîga sa ǃoa ǂgaihā. ǁÎga Israelǁîna xu khai, î gu pristergu ase tita ǃoaba.

Eksodus 28:41

Nē sarana sa ǃgâsab Aronni tsî ǁîb di ôagu tsîga ǂgaeǂgā, ǁîga oli-i ǀkha ǀnau î tita gu nî ǃoabase pristerse mâiǂgā.

Eksodus 28:43

Nē purukhoedi ge Aronni tsî ôasagu âb xa ǃKhūb di Tentommi ǃnâ gu ga ǂgâs kōse tamas ka io altars ǀgūse gu ga ǃAnu ǃKhaib ǃnâ nî ǃoabase sīs kōse nî ǂgaeǂgāhe, î gu tā ǀōǀkhāsib âga mûhe tsî ǃgamhe. Nēb ge Aronni tsî ǁîb di surib ǃaroma hâhâ nîse ī ǁgaraba.”

Jeremia 30:21

ǁÎn di gao-aob ge ǁîna xu nî hā, ǁîn ǂgaeǂgui-aob ge ǁîn ǂhununa xu nî ǂoaxa. Tita ge ǁîba nî ǀgūǀgū, tsîb ge tita nî ǀgū, Tariba ǁnāb ǁî-aitsamaba xu tita nî ǀgūba?” tib ge ǃKhūba ra mî.

Jeremia 49:19

Jordanni haiǀgomsa xu gūn ǃû-ais ǃoa ra ǂoaxa xammi khami ta ge tita ǁîba ǃnapetamase ǁîn ǃhūba xu nî ǃkhoeni kai. Tsî ta ge ǁhûiǂui ta ga khoe-e ǁîb ǂama nî mâi. Tari-e tita khami ī? Tari-e tita nî ǂgaoǀkhā? Mâ ǃûi-aoba tita nî mâǃoa ǁkhā?

Jeremia 50:44

“Jordanni haiǀgomsa xu ǃam ǃû-ais ǃoa ra ǂoaxa xammi khami ta ge tita ǁîna ǃnapetamase Babilonsa xu nî ǃkhoeni kai. Tsî ta ge ǁhûiǂui ta ga khoe-e ǁîb ǂama nî mâi. Tari-e tita khami ī? Tari-e tita nî ǂgaoǀkhā? Mâ ǃûi-aoba tita nî mâǃoa ǁkhā?

Esekiel 40:46

tsî ǀapasǀkhābǀî hâ ǃnā-oms ge altars di ǃereamsa ūhâ pristergu ǃaroma hâ. Nēgu ge Sadoki suriba, Levib suriba xu ge hāga, ǁîgu ǀguigu ǃKhūba ǃoabas ǃaroma ǁîb ǀgūse a hā ǁkhāga.”

Esekiel 43:19

Tsîts ge satsa Leviǁî pristergu, Sadoki surib digu, tita gu nî ǃoabase tita ra ǀgūga, ǀgui ǁgōba nî mā, tib ra ǃKhūb Eloba mî; ǂkham gomaba ǁoreǁguibase.

Esekiel 45:4

ǁÎ-i ge ǃhūba ǃanu ǃkhaise nî ība, ǁî-i nî ǁnā pristergu, ǃanusiba ra ǃoabagu, ǃKhūba nî ǃoabase ra ǀgūga hâba, tsî i ge ǁîga ǃkhaise nî ība omgu ǁga tsî ǃanu ǃkhaise ǃanusib ǁga.

Levitikus 10:3

ǁNās khaoǃgâb ge Moseba Aronni ǃoa ge mî: “Nēs ge ǃKhūb ge ǀnai mî hâ-i ǃkhaisa, ‘Tita ra ǃoaban hoan ge nî ǂan, tita a ǃanu ǃkhaisa; tita ge ti ǂkhaisiba ti khoen ai nî ǂhaiǂhai.’ ” Xawe Aronni ge xū-i xare-e ǃhoa tama ge i.

Levitikus 8:2

“Aronni tsî ǁîb ôagu tsîga ǃKhūb di Tentommi ǂgâ-ams tawa sī-ū, î ǁkhāti pristersi saran, ǀnau-ū-oli-i, ǂkham gomaba ǁoreǁguibas ǃaroma, baikha tsî khūkhū-e ūhâ tama pere-i hâǃnâ ǃores tsîna ǀkhī-ū.

Maleaxi 3:18

O du ge ǁkhawa ǃkharagagusiba nî mû, ǂhanu-ain tsî eloxoresan tsîn ǁaegu, Eloba ra ǃoaban tsî ǁîba ǃoaba taman tsîn ǁaegu.”

Numeri 16:3

ǁÎgu ge Moseb tsî Aron hâkha aiǃâ hā ǀhao tsî ge mî: “Sida ge nēsa ǃaruǀî mā-am tide! Hoaraga ǀhûhâsib ge a ǃKhūb di, tsîb ge ǁîba sada hoada ǀkha hâ. Sats Mosetsa, tare-i ǃaroma ǃKhūb di ǀhûhâsib ǂama ra ǂnûisen?”

Numeri 16:6

ǁArikamǁgoaga sats tsî sa sao-aon tsîdo ǀaepanga ū, î ûitsama ǂnomdi tsî ǃgâihamxū-i tsîna ǁîgu ai ǂnûi, î altars tawa sī-ū. O da ge nî mû tari-eb ǃKhūba sada xu nî ǁhûi ǃkhaisa. Sadu Leviǁîdu ǃaromasa i ge nēsi go ǂâu!”

Numeri 17:5

Tita nî ǁîba ǁhûi aob di ǀkharub ge nî ǁhare. Nē ǀgaub ai ta ge toa tama ǂkhîoǃnâsib Israelǁaes dib, sakho ǃoagu hâba nî ǀû kai.”

Numeri 17:8

Sao ra tsēs aib ge Moseba Tentommi ǃnâ ǂgâ, ob ge Aronni ǀkharub, Levib ǃhaosa gere ǁgauǂuib ge ǁhare ǃkhaisa ge mû. ǁÎs ge ǂnareroga hō, ǁhare tsî ǂûhe ǁkhā amandelǂûde ge ǂnûi-am!

Johaneb 15:16

Sago ge tita ǃkhōǂuibasen tama hâ. Xawe ta ge tita sago ǃkhōǂuibasen tsî ge ǁgaumâi, ǃgû tsî go nî ǀoasase ǂûtanise, ǁnā ǂûǃnôa-i hîa nî hâhâ-e. Ob ge ti Îba ti ǀons ǃnâ go ra ǂgan xū-i hoa-e nî mā go.

ǃNaeǃkhaidi 1:2

ǁnā tsēs hîab ge ǀhommi ǃnâ ūǃapahes kōsen xa ge xoaba tsi. ǁKhātib ge ūǃapaheb nîs aiǃâ ǁîb di ǃkhōǂuisa apostelga* ǃAnu Gagaba xu hâ ǁguiǂamde gere mā.

ǃNaeǃkhaidi 1:24

On ge ǁîna ǀhû hâse ge ǀgoretsoatsoa: “ǃKhūtse, sats hîa ǂgaoga a ǂantsa, sats go ǁhûiǂuibasenna ǁgau da re,

ǃNaeǃkhaidi 13:2

Tsî ganupe gu ǁîga ǃKhūba ǂûtama* hâs tsî ǀgores ǃnâ ra ǀgoreǀî hîab ge ǃAnu Gagaba “Saulub tsî Barnabab tsîkha tita ǁîkha ūba hâ sîsenni ǃaroma khai re” ti ge mî.

ǃNaeǃkhaidi 15:7

Kaise gaxu ǃhoaǂharugudi khaoǃgâb ge Petruba khâi tsî ǁîgu ǁga ge mî: “ǃGâsago, sago tsîn ǂanseb kom Eloba sago ǁaegu tita Jodeǁî tamana nî ǃGâiǂhôasa aoǁnâbase ge ǁhûiǂuio, în ǁîsa ǁnâu tsî ǂgom.

ǃNaeǃkhaidi 22:14

Tsîb ge ǃaruǀî ge mî: ‘Sada aboxan di Elob ge satsa ǁîb di ǂâisa ǂan tsîts ǁnā ǂHanu-ai ǀGuiba mû tsî ǁîb di ǂgaisa nî ǁnâuse go ǁhûiǂui tsi.

Efeseǁîn 2:13

Xawe nēsi du ge Xristub Jesub ǃnâ sadu hîa ge ǁîba xu ǃnū i do, Xristub di ǀaob ǃnâ ge ǀgūǀgūhe.

2 Timoteub 2:19

Xawe ǀnaib ge Eloba amab ai ǁgui ǃgaoǃgaob ge khoe-i xare-i xa ǁnobeǁnobehe tide tsî sao rase i ge nēti xoahe hâ: “ǃKhūb ge ǁîb di khoena a ǂan” tsî “Mâ-i hoa-i ǃKhūb di ǀonsa ra ǂgai-i ge ǂkhababa xu nî ǂgae-oasen.”

Hebreǁîn 12:14

Hoa khoen ǀkha du nî ǂkhîb ǃnâ ûi ǃkhais tsî ǃanusib, ǁîb ose i khoe-i xare-e ǃKhūba mû tideba ǁgūba.

ǂHaiǂhais 1:6

tsî gaosise tsî pristerse ge dī da, ǁîb di Elob tsî ǁGûba nî ǃoabase. ǂKhaisib tsî ǀgaib tsîkha ge a ǁîb di, ǀamosib hoab kōse. Amen!

1 Samuel 2:28

Tita ge sa îba Israelǁîn di ǃhaodi hoade xu pristerse ge ǁhûiǂuibasen, ti altars tawab nî ǃoabase, ǃgâihamxūnab nî ǂhubise tsî efodab nî anase tita tawab ga ǀape-ôa ǃnubai. Tsî ta ge ǁîna Israelǁîn gere ǁguiba ǁguibadi hoade xun ǃâ-e nî ūbasensa gere mā-am.