Biblia Todo Logo
Bìoball air-loidhne

- Sanasan -




Numeri 16:13 - Khoekhoegowab 2020

13 ǂÂu tama i kha hâ, sats ge sida ǂûtanixa Egipteba xu nē ǃgaroǃhūb ǃoa, ǁō da nîse ǂgaeǂguiǂui ǃkhaisa? Sida ǂamats kha ra gaosîsen ǂgao?

Faic an caibideil Dèan lethbhreac

Khoekhoegowab Elobmîs 2020

13 ǂÂu tama i kha hâ, sats ge sida ǂûtanixa Egipteba xu nē ǃgaroǃhūb ǃoa, ǁō da nîse ǂgaeǂguiǂui ǃkhaisa? Sida ǂamats kha ra gaosîsen ǂgao?

Faic an caibideil Dèan lethbhreac




Numeri 16:13
19 Iomraidhean Croise  

“Tsîb ge Eloba ǁkhā Moseb khoen xa ge ‘Satsa tari-i xa sida ǂama ǂgaeǂgui-ao tsî ǀgoraǃgâ-aose ge mâihe?’ ti a dîheba ge sî. ǁÎb ge ǁnā ǀhomǃgāb khau ra hais ǃnâ-u ge ǁîba ǂhaib ǃnâ-u ǂgaeǂgui-aose tsî ore-aose ge sîhe.


Egipteb ǃnâ da ge ǂgao da ra ǁau-i hoa-e matareoǃnâse gere ǂû. ǂÂihō da kha ra sada ūhâ komkomergu, ǂkhontsamagu, ǀgâ-uin, tsuibeln tsî ǀō-uin tsîn xa?


tsî ǁîkha ǃoa ge mî: “ǃGâi-i ge ga hâ ǃKhūb ga Egipteb ǃnâ da hâ hîa ǃgam da hâsa. ǁNāpa da ge ǂnû tsî ǁgan-i tsî nau ǂûn tsîna ǂgao da ras kōse gere ǂû. Xawets ge ǁnāpa xu ǂgaeǂguiǂui da tsî nē ǃgaroǃhūb ǃnâ hā ra ǁō kai da.”


Ob ge khoeba ge ǃeream: “Tari-e satsa sikhoma ǀgoraǃgâs ǁkhāsiba go mā? Titats Egipteǁîbats go ǃgam khami ra ǃgam ǂgao?” Ob ge Moseba ǃao tsî ǁîb ǂûb ǃnâ ge ǂâi: “Khoen ge amab ǃnâ tare-e ta go dī ǃkhaisa a ǂan.”


“ǁÎb ǃhūb di khoen ge ge ǁkhan bi hâ i tsî sîsabega sî tsî ge mî kai, ‘Nē khoeba da ge sida gao-aose ǂgao tama hâ.’


ǁÎn ge Moseb tsî Aron hâkha ǃoagu ǁîn ǂkhîoǃnâsiba gowaǂui tsî ge mî: “Kaise ga ǃgâi hâ ǃkhais ge Egipteb ǃnâ da ga ǁō hâsa, tamas ka io nē ǃgaroǃhūb ǃnâs ka xawe!


Khoen ge kaisen ge ǁgâsa i xui-ao ǁkhawa Moseb ai ǁîn di ǂkhîoǃnâsiba ge gowaǂui: “Sida, sida ôan, sida ǀgoan tsî goman tsînats nî ǁgâǁō kaisets ge Egipteba xu ǂoaxa-ū da?”


ǂGui kurigu khaoǃgâb ge Egipteb gao-aoba ge ǁō. Xawen ge Israelǁîna noxopa khobosis ǃnâ ǃgae tsî huib ǃaroma gere ǂgaiǂui. ǁÎn di ǂgaidommi ge Elob kōse ge sī.


Ob ge Faraoba ǁîb khoen hoana ge mîmā: “ǀAse ǃnae hâ Hebreǁî axarogu hoaga ū, î Nylǃāb ǃnâ aoǂgā, xawe hoaraga ǀgôarode ûi kai.”


ǁNā-amagab ge gao-aob tsî ǁîb ǀapemāǃnans tsîna mûǂamaoga ge ǁgaumâi, ǃgom sîsengu ǁîna gagasise nî dīhapuga ǁîn ai nî ǁgariǁnâse. Israelǁîn ge nē ǁgariǁnâs ǃnaka Faraob di sîsenūs ǃaroma ǃāra Pitoms tsî Rameses tsîra ge ǂnubi.


Israelǁîn ǁaegun ge ǃhaokhoen, kaise ge ǁganturaba ūhâ ina ge hâ i. Israelǁîn ǂûn ge nēs xa ǃgâibahe tama i tsî ge ǃgaesentsoatsoa: “Sida tsîn ga ǂû da nîse ǁgan-e ūhâo!


Tare-i ǃaromab ǃKhūba gôab ǃnâ da nî ǁōse ǁnā ǃhūb ǁga ra ǂgaeǂgui da? Sige taradi tsî ǀgôaron tsîn ge nî ǃkhōhe. ǃGâi tama i kha ga hâ Egipteb ǃoa oasa?”


ǁNās khaoǃgâb ge Moseba, Datanni tsî Abiram hâkha ge ǂgai kai, xawe kha ge ǁîkha ge mî: “Sī khom tide!


ǃGâi ǃû-ais ai du ra ǃû ǃkhaisa ǂâuba du tama, o du ǃgau hâ ǃâb ǃû-ais diba sadu ǂaidi ǀkha nî dāǂkhū; tsî ǃanu ǁgamma du ka ā, o ǃgau hâba sadu ǂaidi ǀkha dāǂgomaǂgoma?


xawe hoaraga ǁkhâba, sadu ǂguidi ǃnâ i nî ǂoa tsî ǀaesen kai dus kōse. Nēs ge sadu ǃKhūb sadu ǁaegu hâba du ǂhara tsî Egipteb ǁga ǁkhawa oasa gere ǁkhore ǃkhais ǃaroma nî ī.’ ”


ǁÎgu ge Moseba ge mîba: “Sigets ge sî khami ge ge ǃhūba sī ôaǃnâ tsî ge mû amaseb ǃkhū hâ tsî ǂûtanixa ǃkhaisa; nēn ge ǁîb di ǂûna.


Lean sinn:

Sanasan


Sanasan