Numeri 10:10 - Khoekhoegowab 2020

¹⁰ ǁKhāti ǃgâiaǂgaob ǁāxasigu tawas tsîna, ǃgōsase ǀAsa ǁKhâb ǁÂudīb tsî nau elosi ǁâudīgu tawas tsîna du ge xâiǁnâde nî xâi, khauǁguibas tsî ǂkhîbagus ǁguibara du ga ǁguiba ǁaeb ai. O ta ge tita nî hui du. Tita ge ǃKhūta sadu Elota.”

Khoekhoegowab Elobmîs 2020

¹⁰ ǁKhāti ǃgâiaǂgaob ǁāxasigu tawas tsîna, ǃgōsase ǀAsa ǁKhâb ǁÂudīb tsî nau elosi ǁâudīgu tawas tsîna du ge xâiǁnâde nî xâi, khauǁguibas tsî ǂkhîbagus ǁguibara du ga ǁguiba ǁaeb ai. O ta ge tita nî hui du. Tita ge ǃKhūta sadu Elota.”

Numeri 10:10 Iomraidhean Croise

2 Gao-aogu 4:23

“Tare-i ǃaromas nētsē ǁîb ǁga ra ǃgû ǂgao, nēs kom Sabbattsē tama i, ǀAsa ǁKhâb Kaitsē tama i ti īo?” tib ge aob âsa a dî si, os ge ǁîsa “ǂKhîǂâixa re” ti ge ǃeream.

1 Kroniks 15:28

ǁNātin ge hoaraga Israelǁîna ǃGaeǀhaos ǂGaesa Jerusalems ǁga ge ǁnū, dâxa ǁnaeb, xâiǁnâdi, simbaldi tsî harpdi tsîn di ǀōb ǀkha.

1 Kroniks 16:42

Hemanni tsî Jedutun hâkha ge xâiǁnâdi, simbaldi tsî nau ǀkhōxūn, koatsanadi gere ǁnaehe, ǁaeb ai gere sîsenūhen ǂama mûǂamsa ge ūhâ i. Jedutunni di saoǃgonaogu ge dao-amde gere ǃûi.

2 Kroniks 29:26

o gu Leviǁîga gao-aob Davidi di ǀkhōxūn ǁkhān khami i ǀkhōxūn ǀkha ge mâ tsî pristergu ge xâiǁnâdi ǀkha ge mâ.

2 Kroniks 29:28

ǁNāpa ge hâ i khoen hoan ge ge ǀgoreǀîtsoatsoa tsîn ge ǁnaeb tsî xâiǁnâdi ǀōb tsîna, khauǁguibas ge dītoahes kōse ge aiǃgû.

2 Kroniks 7:6

Pristergu ge ǁîgu aiǂhomibahe hâ ǃkhaidi ai ge mâ i, tsî Leviǁîgu ge ǁîgu ǃoa-ai ge mâ i, ǃKhūba, gao-aob Davidi ge dī hâ i ǀkhōxūn ǀkha ra koase tsî “ǁÎb di ǀnammi ge ǀamos kōse ra hâ” ti gere ǁnae, Davidi xa gu ge ǁguiǂamhe hâ i khami. Pristergu ge hoaraga khoen mâ hîa xâiǁnâde gere xâi.

Esra 3:10

Omaogu ge Tempeli di ǃgaoǃgaoba a ǁgui, o gu ge pristerga ǁîgu saraga ana tsî xâiǁnâde ǃomǁae ūhâse ǁîgu ǃkhaidi ai ge mâ i, tsî Asafi ǃhaoǃnās di Leviǁîgu ge simbaldi ǀkha ge mâ i. Tsî gu ge hoaga gao-aob Davidi ǁaeba xu hâ ǂnûiǂgāde ǃoa ǃKhūba gere koa.

Psalmdi 150:3

Koa bi re xâiǁnâs ǀōb ǀkha; koa bi re luits tsî harps ǀōb ǀkha!

Psalmdi 81:3

Xâiǁnâsa ǂkhamǁkhâb ǃnâ xâi re ǀoasa ǁkhâb ǃnâ, sada ǁâudītsēs ai.

Psalmdi 81:4

Nē-i ge Israeli ǂnûiǂgā-i, Jakob Elob di ǂhanu-e.

Psalmdi 89:15

ǀKhaehes ge hâ ǁnā ǁaes dâb di ǀōba a ǂansa; ǃKhūtse ǁîn ge sa ais di ǃnâb ǃnâ ra ǃgû.

Eksodus 28:29

“Aronni ga ǃAnu ǃKhaib ǃnâ a ǂgâ, ob ge ǁîba hoaǁae ǁkhaisaras Israelǁaes di ǃhaodi xoaǂgā-aihe hâsa nî ana, tita ǃKhūta ti khoena tātsēs tsîna ǀuru tide ǃkhais di ǁgauǁgaus ase.

Eksodus 30:16

Nē ǂkhîbagus marisa Israelǁîna xu ǀhaoǀhao, îs ti Tentommi kōǃgâs ǃoa sîsenūhe. Nē ǁgui-aimaris ge ǁîn di ûib ǃaroma ra matarehe, tsî ta ge tita ǁîna sâusa ǀuru tide.”

Jesaja 27:13

ǁNā tsēs aib ge kai xâiǁnâba nî xâihe tsîn ge Asiriaǃhūb ǃnâ ge kān tsî Egipteba xu ge sauruǂuihe hâ in tsîna hā tsî ǃKhūba Jerusalems ǃnâ ǃanu ǃhommi ai nî ǀgoreǀî.

Numeri 10:9

Torob ǃnâts ga sa ǃhūb ǃnâ sa khākhoeb ǃoagu ǁkhaubasen, ots ge nē xâiǁnâs ai ǃkhams di ǀōba nî xâi. Tita, ǃKhūta sadu Elota ge sadu khākhoen ǃoagu hui tsî nî ǁkhauba du.

Numeri 28:11

Mâ ǂguro tsēs mâ ǁkhâb hoab dis ai ǃKhūb di ǃgôasib ǃaroma khauǁguibasa sao ra ǀgaub ai dī: ǀGam ǂkham ǁgōkha, ǀgui baib, hû ǀgui kurixa ǁkhaogu, hoagu a ūoga.

Numeri 29:1

ǂGuro tsēs hûǁî ǁkhâb dis ai du ge eloǃoabas ǃaroma nî ǀhao, tsî sîsen-i xare-e dī tide. ǁNā tsēs ai di ge xâiǁnâde nî xâihe.

Mateub 11:28

Tita ǃoa hā re tsau hâ tsî ǃnao-aihe hâdu hoado, o ta ge tita nî khoakhoa du.

ǃNaeǃkhaidi 10:4

Ob ge Korneliuba ǃao rase ǀhomǃgāba kō tsî “Tare-e, ǃKhūtse?” ti ge dî. Ob ge ǀhomǃgāba ǁîba ge ǃeream: “Sats ǀgâsana ra dība ǃgâin tsî sa ǀgoredi tsîn ge Elob tawa mûhe tamase ǃkharu tama hâ.

1 Korinteǁîn 15:52

ǁAero-i ǃnâ, ǀgui mûsǀapirob ǃnâ, ǀuni xâiǁnâs ra ǀō hîa, xâiǁnâs ga xâihe on ge ǁō hâna, ǁō ǁoan ase nî ǂkhaiǂkhaihe tsî da ge sada hoada nî ǀkharaǀkharahe.

1 Tesalonikaǁîn 4:16

ǃKhūb ǂûb ge ǃgari ǂgais mîmās dis, ǂamǀhomǃgāb di dommi tsî Elob xâiǁnâs di ǀōb ǀkha ǀhomma xu nî ǁgôaxa tsîn ge Xristub* ǃnâ ge ǁōna ǂguro nî khâi;

1 Tesalonikaǁîn 4:18

ǁNā-amaga nē mîdi ǀkha ǀgaiǀgaiǃnâgu re.

Josua 4:7

o du ge ǁîna ǃGaeǀhaos ǂGaes ǃKhūb dis ge Jordanna ǃgâu, ob ge ǃāb di ǁgamma a dâuǀû ǃkhaisa nî mîba. Nē ǀuidi ge Israelǁaesa hoaǁae tare-i ge nēpa ī ǃkhaisa nî ǂâiǂâiǃnâ.”

Josua 6:4

Hû pristergu, mâb hoab xâiǁnâsa ūhâgu ge ǃGaeǀhaos ǂGaes ais ai nî ǃgû. Hûǁî tsēs ai go ge sats tsî sa toroǃkhamaogu tsîgo, pristergu xâiǁnâde ra xâi hîa ǃāsa hû ǃnāde nî ǃgûǂnami.

ǂHaiǂhais 22:17

Tsî ra ge Gagab tsî ǃgame-aos tsîra ra mî: “Hā re!” Tsî nēsa ga ǁnâun hoan ge ǁkhāti “Hā re!” ti nî mî. ǁGâ hâ-i hoa-e, a i hā tsî ûib di ǁgamma matareoǃnâse hā ū re.

1 Samuel 20:5

Davidi ge Jonatanna ǃoa ge mî: “ǁAris ge a ǀAsa ǁKhâb Kaitsē o ta ge gao-aob ǀkha nî ǂûǀhao. Xawe mā-am te, î ta ǃnonaǁî ǃuis kōse ǃaub ǃnâ sī sâusen.