Numeri 1:53 - Khoekhoegowab 2020

⁵³ Xawe Leviǁîgu ge Tentomma gu nî ǃûise ǁîb ǂnamipe nî ǂnaumâi, î i tā khoe-i xare-e ǁîb ǀgūse hā, î ta tā ti ǁaib ǀkha Israelǁîna ǂkhôadī.”

Khoekhoegowab Elobmîs 2020

⁵³ Xawe Leviǁîgu ge Tentomma gu nî ǃûise ǁîb ǂnamipe nî ǂnaumâi, î i tā khoe-i xare-e ǁîb ǀgūse hā, î ta tā ti ǁaib ǀkha Israelǁîna ǂkhôadī.”

Numeri 1:53 Iomraidhean Croise

1 Kroniks 23:32

ǁÎgu ge ǁkhāti ǃKhūb di Tentommi tsî Tempeli tsîkha ǂama ǃereamsa nî tani, tsîgu ge ǁîgu ǃgâsagu, Aronni ǃhaos di pristerga, Tempelǃoabadi tawa nî mâxōǀkhā.

2 Kroniks 13:10

“Xawe sida ge ǃKhūb sida Eloba ra ǃoaba tsî ǁîba ǁnāxū tama hâ. Aronni surib di pristergu ge ǁîgu di ǃoabade ra dī tsî Leviǁîgu ge ǁîga ra mâxōǀkhā.

2 Kroniks 13:11

ǁÎgu ge mâ ǁgoas tsî ǃuis hoasa ǃKhūba khauǁguibadi tsî ǃgâihamxūn ǀanǀanǁguibadi tsîna ra ǁguiba. Tsî gu ge ǁîba perega ǃanu tāgu ai ǁguiba, tsî mâ ǃuis hoasa ǃhuniǀuri kandelargu ai mâ ǃamǀaede ra ǃam. Sida ge ǃKhūb, sida Elob ge mîmāda khami ra dī, xawe sadu ge ǁîba ge ǁnāxū.

Jeremia 23:15

ǁNā-amagab ra ǃKhūb Hoaǀgaixaba nē kēbo-aogu xa nēti mî: Mû, tita ge ǁîna au ǂûna nîra ǂûmā, tsî ǃgāxa ǁgam-e nîra āsi, Jerusalems di kēbo-aoga xub ge hînaxaǃnâsiba ǃhūb hoab ǃnâ ǂoa xui-ao.

Jeremia 5:31

Kēbo-aogu ge ǂkhabase ra kēbo, tsî pristergu ge ǁîgu mîmāde xu ra gao, tsî ge ti ǁaes ra ǁî ǃkhais xa ǃgâibahe. Xawe tare-e du nî dī, ǀams ga hāo?”

Levitikus 10:6

Moseb ge ǃaruǀî Aronni tsî ǁîb ôakha Eleasari tsî Itamari tsîgu ǃoa ge mî: “Tā sago danade kam tama is tsî saran âgo ǀkhausa dītsâ, nēs nî sago tsîn ra ǃoa ǃkhaisa ǁgauǂui xuige. ǃOa go ka, o go nî ǁō, tsîb hoaraga ǁaib ǃKhūb diba hoaraga ǀhûhâsib ai nî hâ xuige. Xawe sago di Israelǁî ǃgâsan hoan ge ǃKhūb ge ǀaes ǀkha a ǃgam khoekha ǃaroma a ǃoa ǁkhā.

Numeri 1:50

Leviǁîga ǃKhūb di Tentommi tsî ǁîb ǃnâ hâ xūn hoan di ǃereamsa mā. ǁÎgu ge ǁîb tsî ǁîb ǃnâ hâ xūn tsîna tani, ǁîba kōǃgâ tsî hâǃkhaiba ǁîb ǂnamipe nî ǂnaumâi.

Numeri 1:54

Israelǁîn ge ǃKhūb ge Moseba mîmā xūn hoana ge dī.

Numeri 16:46

tsîb ge Moseba Aronni ǃoa ge mî: “Sa ǀaepanna ū, altars ai hâ ûitsama ǂnomde ǁîb ǃnâ ǂgā, î ǃgâihamxū-e ǂnomdi ai dī. ǁNās khaoǃgâ khoen ǁga ǃhaese ǃgû, î ǂkhîbagusa ǁîn ǀkha dī. ǃNoe re! ǃKhūb di ǁaib ge ǀnai tsoatsoa tsî ǂhīǁōb khami go ǂapaǂoa.”

Numeri 16:9

Israeli Elob ge sado nau khoen hoana xu ǀguri ǃKhūba du nî ǀgū ǁkhā, tsî ǁîb Tentommi ǃnâ ǃoaba, tsî ǀhûhâsiba ǃoabase ǁhûiǂui ǃkhaisa du kha ǁau xū-i ase ra ǃgôa?

Numeri 17:7

Moseb ge hoaraga ǀkharuga ǃKhūb di Tentommi ǃnâ ǂgâ-ū tsî ǃGaeǀhaos ǂGaes aiǃâ ge ǁgui.

Numeri 2:17

ǂGuro ǀgam ǃhaora tsî ǀuni ǀgamra tsîn ǁaegu gu ge Leviǁîga ǃKhūb di Tentomma nî tani. Mâ ǃgubis hoas ge ǂnaumâiǃnâ di hâ ǀûb tsî ǃkhaub ǃnaka nî ǃgû.

Numeri 3:23

Nē ǃhaoǃnās ge huriǂoasǀkhāb ai, Tentommi ǃgâb ai nî ǂnaumâi,

Numeri 3:29

Nē ǃhaoǃnās ge ǃkhawagasǀkhāb Tentommi dib tawa hâǃkhaiba nî ǂnaumâi,

Numeri 3:35

Nē ǃhaoǃnās ge ǀapasǀkhāb Tentommi dib tawa nî ǂnaumâi, Surieli ôab, Abihaila ǁîn ǃhaoǃnās di danakhoese ūhâse.

Numeri 3:38

Moseb, Aronni tsî Aronni ôagu tsîgu ge aiǂoasǀkhāb, ǃKhūb Tentommi di aisǀkhāb ai ǁîgu hâǃkhaiba ge ǂnaumâi. ǁÎgu ge ǃAnu ǃKhaib ǃnâ Israelǁîn ǃaroma gere dīhe ǃoabadi di ǃereamsa ge ūhâ i. Xawe ǀnî khoe-i ǁnāsa ga dī-i hoa-i ge gere ǃgamhe.

Numeri 31:30

ǃGau ra ǃâb ǀhûhâsib ra māheba xu mâ korodisi ǃkhōsabena xu ǀgui-e ǃkhō-oa tsî ǁkhās ǁkhāsa goman, dâukin, gūn tsî pirin ǀkha dī. ǁÎna Leviǁîn ǃKhūb Tentommi di ǃereamsa ūhâna mā.”

Numeri 31:47

Nē ǃâs ǀhûhâsib ra māhesa xub ge Moseba mâ korodisi ǃkhōsaben hoana xu tsî ǁkhās ǁkhāsa goman, dâukin, gūn tsî pirina xu ǀgui-e ū tsî ǃKhūb ge mîmā khami Leviǁîn, ǁîb Tentommi di ǃereamsa ge ūhâ ina ge mā.

Numeri 8:19

tsî ta ge Leviǁîna Israelǁîn di mās ase Aronni tsî ǁîb ôagu di ǃereams ǃnaka ra mâi, în Israelǁîna ǃKhūb di Tentommi ǃnâ ǃoaba tsî ǁîn ǃaroma ǂkhîbagusa dī, în ǁîna ǃAnu ǃKhaib ǀgūsen ga sī, on nî ǂgâǃnâ tsūǃgâba ǁkhaebahe.”

2 Timoteub 4:2

ǁKhoase Elob di ǃGâiǂhôasa ǁaeb tsî ǁae tamab ai ǀû tamase aoǁnâ. ǃNūǃnâxasib ǃnâ khoena ǁoren âna mûǂan kai, ǂgōǀau tsî ǂuru ǁkhāǁkhās ǀkha ǀgaiǀgaiǃnâ.

1 Samuel 6:19

ǃKhūb ge Bet-Semes khoena ǃGaeǀhaos ǂGaes ǃnân ge ǂui ǃkhais ǃaroma ge ǁkhara tsî gu ge hûdisi khoega ǁîn ǃnâ ge ǁō. On ge ge ǃoa, ǃKhūb ge ǁîna kaise ǃgomse ǁkhara xui-ao.