Nehemia 9:6 - Khoekhoegowab 2020

⁶ “Sats ǀguits ge a ǃKhū; sats ge ǀhommi tsî ǀgamiron tsîna ge kuru. Sats ge ǃhūbaib tsî hurib tsî ǁîkha ǃnâ hân hoana kuru tsî ǁîn hoana ûiba ge mā. ǀHomsi ǂnubis ge satsa ra ǀgoreǀî.

Khoekhoegowab Elobmîs 2020

⁶ “Sats ǀguits ge a ǃKhū; sats ge ǀhommi tsî ǀgamiron tsîna ge kuru. Sats ge ǃhūbaib tsî hurib tsî ǁîkha ǃnâ hân hoana kuru tsî ǁîn hoana ûiba ge mā. ǀHomsi ǂnubis ge satsa ra ǀgoreǀî.

Nehemia 9:6 Iomraidhean Croise

Genesis 1:1

Tsoatsoas ǃnâb ge Eloba ǀhommi tsî ǃhūbaib tsîkha ge kuru.

Genesis 1:9

Ob ge Eloba “A gu ǀhommi ǃnaka hâ ǁgamga ǀguipa ǀhaoǀhaosen, îb ǂnâsa ǃhūba mûsa” ti ge mî. Tsî-i ge ǁnāti ge ī.

Genesis 2:1

ǁNātis ge hoaraga ǀhommi tsî ǃhūbaib tsî ǁîkha ǃnâ hân di ǂnubihesa ge dītoahe.

Genesis 32:2

Ob ge ǁîgab ge mû, o “Nēs ge Elob di ǂnubisa” ti mî tsî ǁnā ǃkhaiba Mahanaim ti ge ǀonǂgai.

1 Gao-aogu 22:19

ǃAruǀîb ge Mikajaba ge mî: “ǃGâ nēsi tare-eb ǃKhūba ra mîsa. Tita ge ǃKhūba trons âb aib ǂnôase ge mû tsî ǀhomǃgāgu ge ǁîb di hoa ǀkhākha ai ge mâ i.

1 Gao-aogu 8:27

“Sats Elotsa kha ǃhūbaib ai ǁan ǁkhāts a? ǀHommi, ā hoan xa ǀgapi ǀhommi ge satsa a ǃkhōǂgā ǁoa, o mâtib nē Tempeli tita go ǂnubiba satsa nî ǃkhōǂgā ǁkhā?

2 Gao-aogu 19:15

tsî ge ǀgore: “ǃKhū Israeli di Elots, trons âts xerugu ǂamai hâtse, sats ǀguits ge ǃhūbaib di gaosigu hoagu ǂama a Elo. Sats ge ǀhommi tsî ǃhūbaib tsîkha ge kuru.

2 Gao-aogu 19:19

ǃKhū sida Elotse, nēsi ǁnâi Asiriaǁîna xu huiǂui da re, îdi ǃhūbaib di ǃhaodi hoade sats ǃKhūts ǀguits a Elo ǃkhaisa ǂan.”

Nehemia 9:5

ǁNās khaoǃgâ gu ge Leviǁîgu, Jesuab, Kadmieli, Banib, Hasabnejab, Serebjab, Hodiab, Sebanjab tsî Petahiab tsîga ge mî: “Khâi, î du ǃKhūb, sadu Eloba koa; koa bi re, ǀamosiba xu ǀamosib kōse. An hoana sa ǂkhaisa ǀonsa koa, ǁîs, koas hoasa ǃnāǂam hâsa.

Psalmdi 102:25

ǃKharu ge ǁaeb aiǃâts ge satsa ǃhūbaiba ge ǃgaoǃgao; ǀhommi ge a sa ǃomkha di sîsen.

Psalmdi 103:21

ǃKhūba koa re ǁîb di ǂnubiso hoaso; ǁîb ǃgādu, sîsenni âba ra dīdo.

Psalmdi 115:15

ǃKhūb xa du ǀkhaehe re; ǁnāb ǀhommi tsî ǃhūbaiba ge kurub xa.

Psalmdi 124:8

Sida huib ge ǃKhūba xu ra hā, ǁnāb ǀhommi tsî ǃhūbaiba ge kuruba.

Psalmdi 146:6

ǀHommi tsî ǃhūbaib, hurib tsî ǁîb ǃnâ hân hoana ge kurub; ǀamose a ǂgomǂgomsaba.

Psalmdi 24:10

Tariba kha nē ǂkhaisib di gao-aoba? ǃKhūb Hoaǀgaixab, ǁîb ge a ǂkhaisib di gao-ao!

Psalmdi 33:6

ǃKhūb ams di mîde xu gu ge ǀhomga ge ǂnubihe; tsî ǁîgu di ǂnubis hoasa ǁîb ams di ǀomma xu.

Psalmdi 36:6

Sa ǂhanu-aisib ge ǀgaisa ǃhomgu khami ī; sa ǂhanu-aisib ge ǃgam ǁgammi khami ī; tsî sats ǃKhūts ge khoesib, ǀgurun tsî xamarina ra sâu.

Psalmdi 86:10

Sats ge a kai tsî buruxana ra dī sats ǀguits ge a Elo.

Jesaja 37:16

“ǃKhū, Hoaǀgaixats, Israeli Elots, xerugu ǂamai trons ai ǂnôatse, sats ge ǀguri a Elo, ǃhūbaib gaosigu hoagu ǂama; sats ge ǀhommi tsî ǃhūbaib tsîkha ge kurutsa.

Jesaja 37:20

ǁNā-amaga, ǃKhū sida Elotse, Asiriaǁîna xu ǃnoraǃnora da re, î gu ǃhūbaib gaosigu hoaga sats ǀguits a ǃKhū ǃkhaisa ǂan re.”

Jesaja 43:10

“Sadu ge ti ǃkhō-amaodo, tsî ti ǃoaba-aodu, ǁhûiǂui ta gedo, tib ge ǃKhūba ra mî; tita ǂan tsî du tita ǃnâ nî ǂgomse tsî tita a ǁÎ ǃkhaisa du nî ǁnâuǃāse. Tita aiǃâ i ge elo-i xare-e ge ǀkhai i, tamas ka io i ge tita khaoǃgâs tsîna hâ tide.

Jesaja 44:6

Nētib ge ǃKhūb, Israeli di Gao-aob tsî ǁîb Ore-aob, ǃKhūb Hoaǀgaixaba ra mî: “Tita ge ǂGurota tsî ǀUnita; tita xōǀkhā i ge ǀkhara elo-e a ǀkhai.

Jesaja 44:8

Tā ǃao tamas ka io ǃhuri! ǀNai ta kha ǁnāsa mîba tsî ǂanǂan du tama hâ? Sadu ge ti ǃkhō-amaodo! Ti xōǀkhā ǀkhara elo-e hâ-e? ǀKhara ǃgareǀui-i a ǀkhai, ǀnî-i xare-e ta ǂan tama.”

Jesaja 45:12

Tita ge ǃhūbaiba ge kuru ta, ti ǃomkha ge ǀhomma ge khoraǂuikha tsî ta ge ǀhommi ǃnâdi hoade ge mîmā.

Jeremia 32:17

ǃKhū Elotse, sats ge ǀhommi tsî ǃhūbaib tsîkha sa kai ǀgaib tsî ǀgaisa ǃommi ǀkha ge kuru. ǀGui xū-i tsîn ge satsa ǃgomba tama hâ.

Esekiel 20:11

Tita ge ǁîna ti ǂnûiǂgāde mā tsî ti ǂhanuga ge ǂanǂan. ǁÎde ga ǃkhōǀgaipe khoe-i hoa-i ge ǁîde xu nî ûi.

Jona 1:9

Ob ge Jonaba ge ǃeream: “Hebreǁîta ge. Tita ge ǃKhūb ǀhommi di Elob, hurib tsî ǂnâsa ǃhūb tsîkha ge dība ra ǃoaba.”

Johaneb 10:30

Tita tsî ti Îb tsîkhom ge a ǀgui.”

ǃNaeǃkhaidi 4:24

Tsî hoaraga xūnan ge ǁnâutoas khaoǃgân ge ǂgomsabena ǀguiǂâixase Elob ǃoa nî ǀgorese ǀhao tsî ge mî: “ǀHonkhoetse, sats kuru-aots ǀhommi tsî ǃhūbaib, ǁgammi tsî ǁîb ǃnâ hân ditse.

Deuteronomium 10:14

Hoan xa ǀgapi ǀhommi, ǃhūbaib tsî ǁîb ǃnâ hâ xūn hoan ge a ǃKhūb sadu Elob di.

Deuteronomium 32:39

“ ‘Mûǂan re tita a ǃKhū; tsî ǀkhara elo-i ge ti xōǀkhā ǀkhaisa. Tita ge ǃgam tsî ǁkhāti ra ûi-ûi, tsui tsî ta ra ǂuruǂuru; khoe-i xare-i ge ti ǁôaba ǁkhae ǁoa.

Deuteronomium 6:4

“Israelse, nēsa hoaǁae ǂâihō! ǃKhūb Elob ǀguib ge a sada ǃKhū.

Hebreǁîn 1:3

ǁÎba xub ge Elob di ǂkhaisiba ra ǀkhâuǂoaxa tsîb ge a Elob di ǂhunuma ī, hoa xūna ǁîb mîs di ǀgaib ǀkha ra taniba. ǁOren di ǃanuǃanusab ge dītoa, ob ge ǀhommi ǃnâ amǀkhāb ǁôab Hoaǀgaixab dib tawa sī ge ǂnû.

Hebreǁîn 1:6

Tsî ǁkhawa, ǂguroǃnaesabab ra ǃhūbaib ǃnâ hā-ū, ob ge ra mî: “Hoa ǀhomǃgāgu Elob diga a gu ǁîba ǀgoreǀî.”

ǂHaiǂhais 14:7

Tsîb ge ǃgari dommi ǀkha ge mî: “Eloba ǃao, î ǁîba ǃgôasiba mā, ǀgoraǃgâs di ǁaeb go ǀoa xuige. ǀGoreǀî re ǁîb ǀhommi, ǃhūbaib, hurib tsî ǁgamǀaudi tsîna ge dība.”

ǂHaiǂhais 4:11

“Sida ǃKhū tsî Elotse! Sats ge anu ǂkhaisib, ǃgôasib tsî ǀgaib tsîna ǃkhōǃoasa. Sats ge hoaraga xūna kuru xui-ao, tsî sa ǂâisa xun ge ge kuruhe tsî hâ.”