Nehemia 9:4 - Khoekhoegowab 2020

⁴ Leviǁîgu, Jesuab, Banib, Kadmieli, Sebanjab, Bunib, Serebjab, Banib tsî Kenanib tsîgu ge mâ-aiǂgapab ai mâ tsî ǃKhūb, ǁîn Eloba ǃgarise ge ǂgaiǀî.

Khoekhoegowab Elobmîs 2020

⁴ Leviǁîgu, Jesuab, Banib, Kadmieli, Sebanjab, Bunib, Serebjab, Banib tsî Kenanib tsîgu ge mâ-aiǂgapab ai mâ tsî ǃKhūb, ǁîn Eloba ǃgarise ge ǂgaiǀî.

Nehemia 9:4 Iomraidhean Croise

2 Kroniks 20:19

Kohatǁîgu tsî Koraxǁîgu, Levib ǃhaos digu ge khâimâ tsî ǃKhūb, Israeli di Eloba ǃgari dommi ǀkha ge koa.

Nehemia 12:8

Leviǁîgu: Sao ra gu ge koatsanadi di ǁguiǂamsa ge ūhâ i: Jesuab, Binuib, Kadmieli, Serebjab, Judab tsî Matanjab tsîga.

Nehemia 3:17

Nau ǃâdi ǂnubiǂgoab didi ge sao ra Leviǁîgu xa ge ǂnubikhâihe: Banib ôab Rehummi ge sao ra ǃâsa ge ǂnubikhâi. Keilaǀkharib di ǂgaeǂgui-aob Hasabjab ge ǁîb di ǀkharib ǀons ǃnâ, sao ra ǃâsa ge ǂnubikhâi.

Nehemia 8:4

Esrab ge ǃnaomâ-aiǂgapab, ǁnās ǃaroma ge kuruhe hâ ib ai ge mâ i. ǁÎb di amǀkhāb ai gu Matitiab, Semab, Anajab, Uriab, Hilkiab tsî Maasejab tsîga ge mâ i, tsî ǁîb di ǁareǀkhāb ai gu ge Pedajab, Misaeli, Malkiab, Hasummi, Hasbadanab, Saxariab tsî Mesulam hâga ge mâ i.

Nehemia 8:7

ǁNās khaoǃgân ge khâi tsî ǁîn di ǃkhaidi ai ge mâ tsî gu ge sao ra Leviǁîgu, Jesuab, Banib, Serebjab, Jaminni, Akub, Sabetaib, Hodiab, Maasejab, Kelitab, Asariab, Josabadi, Hananni tsî Pelajab tsîga ǁîna ǂhanuba ge mîǃāba.

Nehemia 9:5

ǁNās khaoǃgâ gu ge Leviǁîgu, Jesuab, Kadmieli, Banib, Hasabnejab, Serebjab, Hodiab, Sebanjab tsî Petahiab tsîga ge mî: “Khâi, î du ǃKhūb, sadu Eloba koa; koa bi re, ǀamosiba xu ǀamosib kōse. An hoana sa ǂkhaisa ǀonsa koa, ǁîs, koas hoasa ǃnāǂam hâsa.

Psalmdi 130:1

ǃGamsiba xu ta ge sats ǃoa ra ǂgai ǃKhūtse.

Psalmdi 3:4

Tita ge ǃKhūba huib ǃaroma ra ǂgaiǀî tsîb ge ǁîba ǁîb ǃanu ǃhomma xu ra ǃeream te.

Psalmdi 77:1

Elob ǃoa ta ge huib ǃaroma ra ǂgai Elob ǃoa ta ge ra ǂgai tsîb ge ǁîba nî ǁnâu-am te.

ǃGae-amdi 3:8

Huib ǃaroma ta ra ǂgai, xaweb ge ti ǀgoresa ǁnâu tama hâ.

Johaneb 11:43

Tsîb ge Jesuba nēna mî tsî ǃgari dommi ǀkha “Lasarutse, ǂoaxa!” ti ge ǂgai.

ǃNaeǃkhaidi 7:60

ǁGoara ai ǁnāǁgoe tsîb ge ǃgari dommi ǀkha “ǃKhūtse, tā ǁîna nē ǁoreba ǃgôaba re!” ti ǂgaiǂui tsî ǁnā mîdi ǀkha ge ǁō.