Nehemia 9:16 - Khoekhoegowab 2020

¹⁶ Xawen ge sida aboxana ǀgapiǂâixa tsî ge ǃnâudanaxa, tsîn ge sa mîmāde ǁnâuǀnam ǂgao tama ge i.

Khoekhoegowab Elobmîs 2020

¹⁶ Xawen ge sida aboxana ǀgapiǂâixa tsî ge ǃnâudanaxa, tsîn ge sa mîmāde ǁnâuǀnam ǂgao tama ge i.

Nehemia 9:16 Iomraidhean Croise

2 Gao-aogu 17:14

Xawen ge ǃgâ ǂgao tama ge i; ǁîn ge ǁîn aboxagu ǁkhāgu khami ge ǃnâudanaxa i tsî ǃKhūb, ǁîn di Eloba ge ǂgomǃgâ tama hâ i.

2 Kroniks 29:6

Sada aboxagu ge ǃKhūb sada Eloba ǁnâuǀnamoǃnâ tsî ǁîba ǃgâiba tamana ge dī. ǁÎgu ge ǁîba ǁnāxū tsî ǁîb di ǁanǃkhaisa ǁâba ge mā.

2 Kroniks 30:8

Tā ǁîn khami ǃnâudanaxa, î du ǃKhūba ǁnâuǀnam. Tempeli, ǃKhūb sadu Elob ge ǀamos kōseb ǃanuse nî hâse khaib ǃoa hā, î ǁîba ǀgoreǀî, ob ge ǃaruǀî sadu ǀkha ǁaixa tide.

2 Kroniks 36:13

Sedekiab ge gao-aob Nebukadnesari, ǁîbab ǂgomǂgomsase nî hâbase ge Elob ǀons ǃnâ nū kai bib ǃoagu ge khâikhâisen. ǁÎb ge ǃnâudanaxasib âb ǃnâ ǃKhūb, Israeli di Elob ǃoa ǃhobasen ǂgao tama ge i.

Nehemia 9:10

Sats ge buruxa dīga gao-aob ǃoagu ge dī, tsî ǁîb ǂamkhoegu tsî ǁîb khoen ǃoagu, mâtin ge sa ǁaesa ǁgâiǀā ǃkhaisats ge ǂan i xui-ao. Sa ǀons ge kaise ge ǂansa, nētsēs kōses īse.

Nehemia 9:29

Sats ge ǁîna a ǃkhâikhom, în sa ǂhanub ǃoa oa, xawen ge ǃnâudanaxa tsî sa mîmāde ǁnâuǀnam tama ge i. ǁÎn ge sa ǂhanugu ǃoagu ge ǁore; sa ǂhanugu, ǁîga ǁnâuǀnamsa xu i khoe-e nî ûiga. ǁÎn ge ǃnâudanaxa tsî ge ǁnâuǀnamoǃnâ i.

Psalmdi 106:6

Sida aboxan ǀkha da ge ǀguipa ge ǁore, sida ge ǂkhabase ge dī.

Psalmdi 81:8

Ti khoedo, ǁnâu re, a ta ǃkhâikhom du re! Israeltse, îts ga koma ǃgâ te.

Eksodus 15:26

ǁÎb ge ge mî: “ǃGâise du ga ǃKhūb sadu Elob mûǁae a ǂhanu xūna dī tsî mîmādi âba hoaǁae ǃkhōǀgaipe, o ta ge ǀguis khama i ǁkhara-ai-i Egipteǁîn ǂama ta ge hā kai hâ i-i tsîn ǀkha ǁkhara du tide. Tita ge ǃKhūta sado ra ǂuruǂuru ta.”

Eksodus 32:9

Tita ge mâtikōsen nē khoena a ǃnâudanaxa ǃkhaisa a ǂan.

ǂKhoamîdi 29:1

ǂGōǀauhe-i ga xawe ǃaruǀî ǀgui ra karokarosen khoe-i ge aitsama ra hîkākāsen tsî tātsē ǂuru ǁkhā tide.

Jesaja 48:18

“Ae, ti mîmādets ga ǃgâ hâo! Ob ge sa ǂkhîba dâu ra ǃāb khami ga ī hâ tsî sa ǃgâiǃgâba hurib ǃgabigu khami!

Jesaja 48:4

Tita ge karosa du a ǃkhaisa a ǂan tsî sadu ǃaoba ǀurib khami tsî sadu ǃūs brons-i khami karosa ǃkhaisa.

Jesaja 63:10

Xawen ge ǁîna khâikhâisen tsî ǁîb ǃanu Gagaba ge ǃoaǃoa. ǁNā-amagab ge ǁîn khākhoese ǁîn ǃoagu ge dawasen; ǁîb ǂûb ge ǁîn ǃoagu gere ǃkhamma.

Jeremia 19:15

“Nētib ge ǃKhūb Hoaǀgaixab, Israeli Eloba ra mî: ‘Mû tita ge nē ǃās ai, tsî ǁîs di ǃārodi ai ǂkhabab, ǁîdi ǃoagu ta ge mî hâ iba nî hā-ū, ǁîn ge ǃaodi âna karokaro tsî ti mîde ǃgâsa ǂkhā xui-ao.’ ”

Jeremia 2:31

Ti ǁaese ǃKhūb di mîsa ǃgaoǃgâ re. Israela ta kha ǁnâi ǃgaroǃhūse tamas ka io ǃkhaenab di ǃhūse ge dī? Tare-i ǃaromas ti ǁaesa ‘Sida ge a ǃnorasa, ǃaruǀî da ge sa ǃoa oa tide?’ ” ti ra mî.

Jeremia 7:26

Xawe i ge ǀgui-i tsîna ǃgâ te tamas ka io ge ǃgaoǃgâ tama i tsî ge ǂnîǃaoxa. Tsîn ge ǁîn aboxan ǃgâ-ai ge ǁore.

Esekiel 5:6

Xawes ge ǁîsa ti ǂhanugu tsî ǂnûiǂgādi ǃoagu ge khâikhâisen, ǁîs ge ǁaedi tsî ǁîs ǂnamipe hâ ǃhūgu hoagu ǃgâ-ai a ǂkhaba. ǁÎs ge ti ǂhanugu tsî ǂnûiǂgādi tsîna ge ǂhara.

ǃNaeǃkhaidi 7:51

“Sa ǃnâudanaxado! Sadu ge ǂgaogu âdu ǃnâ ǀūbe tsî ǃAnu Gagaba ra mâǃoa sadu di aboxagu ge aiǃâ gere dī khami?

Romeǁîn 2:5

Xawe sa karokarosens tsî sa ǃhobasen ǂgao tama ǂgaob ǀkhats ge ǁaiba sa ǃoagu aitsama ra ǀhaoǀhaobasen, Elob ǁaib di Tsēs ǁîs ais ǂhanu-ai ǀgoraǃgâsa nî ǂhaiǂhaihes kōse.

Deuteronomium 31:27

Tita ge mâti du a khâikhâiǃnâxa tsî ǃnâudanaxa ǃkhaisa a ǂan. Nēpa ta ganupe sadu ǁaegu ûib ǃnâ hâ, hîa xawe du kom sadu ǃKhūb ǃoagu khâikhâiǃnâxa tsî a karosaǂgaoxa, o mâtikō ǃnāsase tita ga ǁō-o!

Deuteronomium 32:15

“Israelǁîn ge ǃkhūn ge xawe ge khâikhâisen; ǁîn ge kau, gâre tsî ge ǂûǃnā hâ i. ǁÎn ge Elob, ǁîn Kuru-aoba ǂhara, tsî ǃGareǀuib, ǁîn ǃgâiǃōsib diba ge ǀūxū.

Deuteronomium 5:29

An ǁîna hoaǁae ǁnātikō ǃgôasiba ūhâba te tsî ti mîmādi hoade ǁnâuǀnam, ǁîn tsî ǁîn surib tsîn ǃgâi ûiba ǀamos kōse nî ūhâse.

Deuteronomium 9:13

“ǃAruǀîb ge ǃKhūba tita ǃoa ge mî: ‘Tita ge mâtikōsen nē khoena a ǃnâudanaxa ǃkhaisa a ǂan.

Deuteronomium 9:27

Sa ǃgāgu Abrahammi, Isaki tsî Jakob hâgu xa ǂâi re, î tā sa ǁaes di karokarosens, ǂkhabasib tsî ǁoren tsîn ai ǂâis âtsa ǂnûi re.

Deuteronomium 9:6

ǂÂis ǃnâ du nî ūhâs ge ǃKhūb sado nē ǃhūba sadu ǃoaǂuisa xu mā tamasa. Sadu a ǃnâudanaxa khoe amagas ge.

Hebreǁîn 3:13

Xawe mâ tsēs hoas ai ǂgaoǂgaoǃnâgu, î du “Nētsēs” ti ra mîhes kōse, tā ǀgui-i âdu tsîna ǁoreb di ǂgaeǂhapus xa ǃnâudanaxa kaihe.

Hebreǁîn 3:15

Nēti ra mîhe xui-ao: “Nētsē, ǁîb di domma du ga ǁnâu, o sadu ǂgaoga tā karokaro, Eloba ra mâǃoan khami.”