Nehemia 9:10 - Khoekhoegowab 2020

¹⁰ Sats ge buruxa dīga gao-aob ǃoagu ge dī, tsî ǁîb ǂamkhoegu tsî ǁîb khoen ǃoagu, mâtin ge sa ǁaesa ǁgâiǀā ǃkhaisats ge ǂan i xui-ao. Sa ǀons ge kaise ge ǂansa, nētsēs kōses īse.

Khoekhoegowab Elobmîs 2020

¹⁰ Sats ge buruxa dīga gao-aob ǃoagu ge dī, tsî ǁîb ǂamkhoegu tsî ǁîb khoen ǃoagu, mâtin ge sa ǁaesa ǁgâiǀā ǃkhaisats ge ǂan i xui-ao. Sa ǀons ge kaise ge ǂansa, nētsēs kōses īse.

Nehemia 9:10 Iomraidhean Croise

Nehemia 9:16

Xawen ge sida aboxana ǀgapiǂâixa tsî ge ǃnâudanaxa, tsîn ge sa mîmāde ǁnâuǀnam ǂgao tama ge i.

Nehemia 9:29

Sats ge ǁîna a ǃkhâikhom, în sa ǂhanub ǃoa oa, xawen ge ǃnâudanaxa tsî sa mîmāde ǁnâuǀnam tama ge i. ǁÎn ge sa ǂhanugu ǃoagu ge ǁore; sa ǂhanugu, ǁîga ǁnâuǀnamsa xu i khoe-e nî ûiga. ǁÎn ge ǃnâudanaxa tsî ge ǁnâuǀnamoǃnâ i.

Psalmdi 83:18

În ǂan sats ǀons âts a ǃKhūts, ǀguits a Hoan xa ǀGapi hoaraga ǃhūbaib ai ǃkhaisa.

Eksodus 18:11

Nēsi ta ge ǃKhūb nau elogu hoagu xa a kai ǃkhaisa a ǂan, Israelǁînab ge Egipteǁîn xa ǃgôaǁnâhes di ûiba xu ǃnoraǃnora xui-ao.”

Eksodus 3:20

Ti ǀgaisa ǁôab ǀkha ta ge hoaraga buruxa dīn hîa ta nî dīn ǀkha Egipteǁîna nî tsûtsû tsî ǁnās khaoǃgâ ǀguib ge Egipteb gao-aoba nî ǃgû kai du.

Eksodus 5:2

Xaweb ge Faraoba “Tariba nē ǃKhūba, o ta tita ǁîb domma ǁnâuǀnam tsî Israelǁîna nî ǃnoraǃnora? Tita ge ǃKhūba a ǀū tsî ta Israelǁîna ǃnoraǃnora tide” ti ge mî.

Eksodus 7:1

Ob ge ǃKhūba Moseb ǃoa ge mî: “Mû, tita ge Elob khami Faraob aiǃâ nî dī tsi tsîb ge sa ǃgâsab Aronna kēbo-aob ase nî sa mîgowaba-ao.

Eksodus 9:16

Xawe ta ge sa ûiba ti ǀgaiba ta nî ǁgau tsi tsîs ti ǀonsa hoaraga ǃhūbaib ai nî ǂanhese ge sâu.

Jesaja 42:20

ǁÎb ge ǂgui xūna ge mû, xawe ǁîna ǃgaoǃgâ tama ge i. ǂGaera âb ge ǁkhowa-amsa, xaweb ge ǁnâu tama hâ.”

Jesaja 63:12

ǁNāb ǁîb ǂkhaisib ǁôab ǀkha Moseb amǀkhāb ai ge hâ iba, ǁnāb ǁgamma ge ǁîn mûǁae ǀgora tsî ǁnās ǀkha ǀamosib kōse ǀonsa kurubasenna,

Jesaja 63:14

ǂÛtanixa ǃgoaǃnāb ǃnâ ge ǁgôa goman khamib ge ǃKhūb Gagaba ǁîna sâsasiba ge mā. ǁNātits ge sa ǁaesa ge ǂgaeǂgui, sa ǀonsats nî ǃgôasiba hōbase.

Jeremia 32:20

Sats ge buruxa dīgu tsî saode Egipteb ǃnâ ge dī hâ i tsîts ge ǁnāsa ǃaruǀî Israeli ǃnâ tsî nau khoen ǃnâ ra dī tsîts ge ǀon-e ge dībasen, nētsēs kōse.

Esekiel 20:9

Xawe tita ge ti ǀons ǃaroma ge dī, îs ǁîsa tā sadu ǁanǃnâ hâ ǁaedi xa ǃanuoǃnâ kaihe. ǁÎn mûǁae ta ge ti ǁaesa Egipteba xu ǂgaeǂguiǂuis ǀkha ge ǂanǂansen.

Daniel 4:37

“O ta ge nēsi tita Nebukadnesarta Elob, ǀhommi di gao-aoba koa, kare tsî ǃgôasiba ra mā. ǁÎb ra dī xūn hoan ge ǂhanu tsî a ǂhanu-ai, tsîb ge ǀgapiǂâixana a ǃgamǃgam ǁkhā.”

Daniel 5:23

Sats ge ǃKhūb ǀhommi dib ǃoagu ǀgapiǀgapisen tsî ǁîb di Tempela xu ge hā-ūhe xapana go ǂgâxa-ū, tsî du ge sats, sa ǂamkhoegu, sa taradi tsî sa xōǀkhātaradi tsîdo ǁîn ǃnâ ǂauxûiba goro ā. Tsîts ge ǃhuniǀurib, ǀhaiǀurib, brons-i, ǂnūǀurib, hain tsî ǀuin ǀkha kurusa elogu, mû ǁoa, ǁnâu ǁoa tsî xū-i xare-e ǂan tamaga goro koa. Xawets ge ǁîb di ǃomǁaeb sa ûib kas, ǁōb kas, dīts ra xūn hoan kas hoasa hâ Eloba ǃgôasiba mā tama go i.

Daniel 9:15

“ǃKhū sida Elotse, sats ge sa kai ǀgaib ǀkha sa ǁaesa Egipteba xu ǂgaeǂguiǂui tsî kai ǀonsa ge dībasen, nētsēs kōses ǂansa khami. Sida ge ǁore ge da, sida ge tsūse ge dī da.

ǃNaeǃkhaidi 7:36

Tsîb ge ǂgui buruxa sîsengu tsî saodi Egipteb ǃnâ tsî ǀApahurib tawa tsî ǃgaroǃhūb ǃnâb ge hakadisi kuriga dīn ǀkha ǁîna ge ǂgaeǂguiǂui.

Romeǁîn 9:17

Xoas ra Faraob ǃoa mî xui-ao: “Nēs ǃaroma ta ge sa ǃnâ ta nî ǀgaiba ǁgauga ra ǂkhaiǂkhai tsi, îs ti ǀonsa hoaraga ǃhūbaib ǃnâ aoǁnâhe.”

Deuteronomium 4:34

ǀNî elo-e hâ-e khâimâ tsî ǀnî ǃhaode xu khoena sī ǁî-i dise ge ūbasen-e, ǃKhūb sadu Elob ge Egipteb ǃnâ sado dība khami? Sadu mûǁaeb ge ǁîba kai ǀgaib tsî ǁkhāsiba gere sîsenū; ǁîb ge tsûtsû-aidi tsî torob tsîna gere hā kai, saodi tsî buruxa dīna gere dī, tsî ǃhuriǃhurisa xūna gere ī kai.

Deuteronomium 7:19

ǃHuriǃhurisa tsûtsû-ain, buruxa dīn, tsî kai ǁkhāsib tsî ǀgaib ǃKhūb sadu Elob ge sado ǃnoraǃnora-ūn, sadu mûǁae gere īna ǂâihō re. ǁÎb ge Egipteǁînab ge hîkākā khami sadu ra ǃao ǁaedi hoade nî hîkākā.

1 Petrub 5:5

ǁNās ǁkhās xase sadu ǂkhamdo kaikhoena ǃnaka hâba, î du hoado ǃnaka hâbagu, î du ǃgamǃgamsensa ana: “Elob ge ǃguriǂgaoxa khoena ra mâǃoa, xaweb ge ǃgamǃgamsen rana ǀkhomma ra mā.”