Nehemia 8:3 - Khoekhoegowab 2020

³ Tsîb ge ǁnāpa, ǁGamdao-ams ǀgūse ǁgoe ǂgās ai, ǃnauǁgoagasa xu karab kōse ǁîsa xu ǁîna ge khomaiba tsîn ge ǁîna ǃgaoǃgâxase gere ǃgâ.

Khoekhoegowab Elobmîs 2020

³ Tsîb ge ǁnāpa, ǁGamdao-ams ǀgūse ǁgoe ǂgās ai, ǃnauǁgoagasa xu karab kōse ǁîsa xu ǁîna ge khomaiba tsîn ge ǁîna ǃgaoǃgâxase gere ǃgâ.

Nehemia 8:3 Iomraidhean Croise

Nehemia 10:29

ge ǁîn ǂgaeǂgui-aogu ǀkha ǀhûpe ge nū, ǁîsan ga khôa, ob ǀâxareba ǁîn ǂama nî hāse, Elob ge ǁîb di ǃgāb Moseb ǃnâ-u mā ǂhanub, Elob dib ǃoan nî ûisa; ǃKhūb, sida ǃKhūb di mîmāde ǁnâuǀnam tsî ǁîb ǂhanugu tsî ǂnûiǂgāde nî ǃkhōǀgaipesa.

Nehemia 13:1

Moseb di ǂhanuban ge khoena khomaibahe, o i ge ǁnāpa Amonǁîn tsî Moabǁîn tsîn ge Elob ǀhaohâb ǃnâ ǂgâ tide ti a xoasa ǃkhai-e ge hōhe.

Nehemia 8:1

Hûǁî ǁkhâb ge hā, ǁaeb ain ge Israelǁîn hoana ǀnai ǁîn di ǃādi ǃnâ ge ǁan hâ i. Tsîn ge ǂguro tsēs ǁnā ǁkhâb dis ai ǁîn hoana ǀguiǂâixase Jerusalems ǃnâ, ǁGamdao-ams ǀgūse ǁgoe ǂgās tawa ge ǀhao. Tsîn ge xoaǂanseb, prister Esrab, ǃKhūb ge Moseb ǃnâ-u Israela mā ǂhanub ǂansabeba ge ǂgan, îb ǂhanub ǂkhanisa sī ū.

Nehemia 8:18

ǂGuro tsēs ǁâudīb disa xu ǀuniga tsēs kōsen ge mâ tsēs hoasa, Elob ǂhanuba xu gere khomai. ǁÎn ge hû tsēdi ǁaeba ge tsēdī tsî ǁkhaisaǁî tsēs ai ǂhanub ǂgaoǀkhās ǃoa ge ǀamǀam.

Nehemia 8:4

Esrab ge ǃnaomâ-aiǂgapab, ǁnās ǃaroma ge kuruhe hâ ib ai ge mâ i. ǁÎb di amǀkhāb ai gu Matitiab, Semab, Anajab, Uriab, Hilkiab tsî Maasejab tsîga ge mâ i, tsî ǁîb di ǁareǀkhāb ai gu ge Pedajab, Misaeli, Malkiab, Hasummi, Hasbadanab, Saxariab tsî Mesulam hâga ge mâ i.

Nehemia 8:5

Esrab ge ǀgapise mâ-aiǂgapab ai ge mâ i tsîn ge hoaraga khoena ǁîba gere kō. Tsîn ge ǂkhanisab ge khowao, ǁîn hoana ge khâimâ.

Markub 12:37

Davidi tsîn ge ǁîba ‘ǃKhūb’ ti ra ǂgai; mâtib kha ǁnâi ǁîb di ôa ǁkhā?” Tsîn ge ǁîb gere ǁkhāǁkhā khoena ǃaruǀîǀgui ǁîba ǃgâs di turaba ge hō.

Lukab 19:48

xawe gu ge xū-i xare-e ǁîb ǃoagu hō tama ge i nēsa gu nî dīse, hoaraga ǁaes gere turaxase ǁîba ǃgâ amaga.

Lukab 8:18

“ǂAn mâti du ra ǃgâsa, ūhâ-i ge ǃnāsase nî māhe, xawe ūhâ tama-i ge ū-i hâ ti i ra ǂâin tsîna nî ūxūhe.”

ǃNaeǃkhaidi 13:15

Moseb ǂhanub* tsî kēbo-aogu di xoade xu i ge khomaihes khaoǃgâ gu ge sinagogeb di ǂgaeǂgui-aoga ǁîkha nēti ge haisiba: “ǃGâsakho, ǂgaoǂgaoǃnâs mî-e kho ga khoena ūhâba, o kho ǃhoa re.”

ǃNaeǃkhaidi 13:27

Jerusalems di ǁanǂgāsaben tsî ǁîn di danaǂgaeǂgui-aogu tsîn ge Jesuba ge mûǂan tama hâ i, tsîn ge ǁkhāti Sabbattsēkorobe gere khomaihe kēbode ge ǁnâuǃā tama hâ i. Xawen ge ǁnā kēbodi nî dīǀoaǀoahese ǁîba ǁōb ǃoa ge ǀgoraǃgâ.

ǃNaeǃkhaidi 15:21

Moseb ǂhanub kom Sabbattsēkorobe Jodeǁîn di sinagogegu* ǃnâ mâ ǃās hoas ǃnâ aoǁnâheo.”

ǃNaeǃkhaidi 16:14

Tsîs ge ǁîdi ǃnâ Lidias ti ǀon hâ khoes Tiatiras dis, ǃgomǀgausa ǂhoaǀapa sarana gere ǁamaxūsa ge hâ i. ǁÎs ge ge eloǃoaba-ao i. Tsî siges ra ǃgâ hîab ge ǃKhūba ǂgaob âsa ge ǁkhowa-am, Paulub ra mînas nî ǃkhōǃoase.

ǃNaeǃkhaidi 17:11

Tesalonikas di khoen xan ge ǁîna ge ǁnâuǃāxa i, tsîn ge ǁîna turaxasib ǀkha mîsa ǃkhōǃoa tsî tsēkorobe Xoade gere ôaǃnâ, nē xūn a ama ǃkhaisa nî ǂanǂuise.

ǃNaeǃkhaidi 20:11

Tsîb ge ǁnās khaoǃgâ oaǂoa, pereba khôa tsî ge ǂû. ǁÎn ǀkhab ge ǁgoas kōse ǃhoas khaoǃgâb ge ge ǃgû.

ǃNaeǃkhaidi 20:7

Tsî Sabbattsēs* di ǃuia da pereba nî khôase ǀhao hâ hîab ge Pauluba ǁîna gere ǃhoa-ū. Sao ra tsēb nî ǃgûse ge ī i xui-aob ge ǁîba tsuxuǃgâb kōse ge ǃhoa.

ǃNaeǃkhaidi 28:23

Tsîn ge tsē-e ǂnûiǂui tsî ǁnā tsē kai ǃgôab ǃnâ Paulub di hâǃkhais tawa ge sī. Tsîb ge ǁgoasa xu ǃuis kōse Elob Gaosib xa ǁîna gere ǃkhō-amba. Tsîb ge ǁîna ǃhoadan ǂgao tsî Jesub xa hâ ǁgaeǁgaedi hîa Moseb ǂhanub* tsî Kēbo-aogu ǃnâ ǃkhōǂgāsade gere mâi-aiǃâ.

Deuteronomium 31:9

Moseb ge nē ǂhanuba xoamâi tsî Leviǁî pristergu, ǃGaeǀhaos ǂGaes ǃKhūb disa gere tanigu tsî Israelǁîn ǂgaeǂgui-aogu tsîga ge mā.

1 Tesalonikaǁîn 2:13

Tsî ge ge ǁkhāti nēs ǃaroma ǀûs ose Eloba ra gangan ǁîb di mîs hîa du ge sige xu ǁnâusa du ge ǃkhōǃoa ǃkhais ǃaroma; khoe-i di mîs ase tama, xawe ama mîs Elob dis ase, ǁîs amase a Elob di amaga. Tsîs ge ǁkhāti sadu hîa ǂgom hâdu ǃnâ ra sîsen.

Josua 8:35

Mâ mîmās Moseb dis hoasab ge Josuaba hoaraga ǂnubisa ge khomaiba. ǁÎn ǃnân ge tarekhoedi, ǀgôan tsî ǃhaokhoen, Israelǁîn ǁaegu ge hâ in tsîna ge hâ i.

ǂHaiǂhais 2:29

“ǂGaera ūhâ-e, a-i ǁnâu, Gagab ra kerkhegu ǃoa mîna.

ǂHaiǂhais 3:22

ǂGaera ūhâ-e, a-i ǁnâu Gagab ra kerkhegu ǃoa mîna!”