Nehemia 8:16 - Khoekhoegowab 2020

¹⁶ On ge khoena ǁnâuga sī ū tsî omrode ge dībasen, ǁîn omǂamǃnâdi ai tsî omǂnamigu ǃnâ, Tempeli omǂnamib ǃnâ tsî ǁGam Dao-ams tsî Efraim Dao-ams tsîra tawa hâ ǂgādi ais tsîna.

Khoekhoegowab Elobmîs 2020

¹⁶ On ge khoena ǁnâuga sī ū tsî omrode ge dībasen, ǁîn omǂamǃnâdi ai tsî omǂnamigu ǃnâ, Tempeli omǂnamib ǃnâ tsî ǁGam Dao-ams tsî Efraim Dao-ams tsîra tawa hâ ǂgādi ais tsîna.

Nehemia 8:16 Iomraidhean Croise

2 Samuel 11:2

ǀGuitsēb ge Davida karaǁaeb ai sâǁgoeb ge hâ ipa xu khâi tsî gao-ommi ǂamǃnâ gere ǃgûma. ǁNāpa xub ge khōsen ra khoesa ge mû; ǁîs ge kaise ge îxa i.

2 Gao-aogu 14:13

Tsîb ge Israeli gao-aob, Joasa Amasiaba ǃkhōsis ǃnâ ū, tsî Jerusalems kōse sī tsî ǃās di ǂnubiǂgoaba, Efraimdao-amsa xu ǁHôadao-ams kōse, ǁaubexa ǀgamkaidisi metergu kōse gaxu ǃkhaiba ge khôaǁnâ.

2 Kroniks 20:5

Judab tsî Jerusalems tsîra di khoen hoan ge ǀasa omǂnamib, Tempeli dib ǃnâ ge ǀhao. Ob ge gao-aob Josafata ǁîn aiǃâ sī mâ

2 Kroniks 33:5

Tempeli di omǂnamikha ǃnâb ge ǀgamirodi nî ǀgoreǀî-aihe altarde ge ǂnubi.

Nehemia 12:37

ǀAus Dao-ams tawa gu ge ǃapa-ūdadi, Davidi ǃĀs ǃoa ra ǂoadi ǀkha Davidi gao-omma ǃkharu tsî ǁGams Dao-ams, aiǂoasǀkhāb ai ǂnôas tawa hâ ǂnubiǂgoab ǁga ge oa.

Nehemia 12:39

tsî da ge ǁnāpa xu Efraim Dao-ams, ǀOro Dao-ams, ǁAun Dao-ams, Hananeli ǂGō-ommi tsî Kaidisigu ǂGō-ommi tsîga ǃkharu tsî Gūn Dao-ams kōse ge sī. Tsî da ge Tempeli dao-ams ǀgūse sī ge mâ.

Nehemia 8:1

Hûǁî ǁkhâb ge hā, ǁaeb ain ge Israelǁîn hoana ǀnai ǁîn di ǃādi ǃnâ ge ǁan hâ i. Tsîn ge ǂguro tsēs ǁnā ǁkhâb dis ai ǁîn hoana ǀguiǂâixase Jerusalems ǃnâ, ǁGamdao-ams ǀgūse ǁgoe ǂgās tawa ge ǀhao. Tsîn ge xoaǂanseb, prister Esrab, ǃKhūb ge Moseb ǃnâ-u Israela mā ǂhanub ǂansabeba ge ǂgan, îb ǂhanub ǂkhanisa sī ū.

Nehemia 8:3

Tsîb ge ǁnāpa, ǁGamdao-ams ǀgūse ǁgoe ǂgās ai, ǃnauǁgoagasa xu karab kōse ǁîsa xu ǁîna ge khomaiba tsîn ge ǁîna ǃgaoǃgâxase gere ǃgâ.

Jeremia 19:13

Jerusalems omdi tsî Judab gao-aogu omdi tsî hoaraga omdi, ǁîdi ǂamǃnâgu ai di khauǁguibade ǀgamirode gere dībahe tsî ǂauxûiba ǁgôa-elogu ǁguibas ase gere ǂnâǂuihedi ge Tofeti ǁkhāb khami nî ǃanuoǃnâ.” ’ ”

Jeremia 32:29

Xaldeaǁîn nē ǃās ǃoagu ra ǃkhamn ge ǁîs ǃnâ ǂgâ tsî ǁîsa ǂhubi tsî nî khauǃkhū, ǁkhāti ǁnā omdi, ǁîdi omǂamǃnâgu, titan nî ǁaiǁaisen ge ǁîgu ai Baala gere ǀanǀanbadi tsî nau eloga ǂnâǁguibade gere dībadi tsîna nî ǂhubiǂui.

Deuteronomium 22:8

“Omsats ga om, ots ge oms ǂamǃnâba ǁkhaeb ǀkha nî omǂnami. Ots ge khoe-i ga sa oms ǂamǃnâba xu ǁnā tsî ǁō, o ǀhapixa tide.