Nehemia 5:2 - Khoekhoegowab 2020

² ǀNîn ge “Sida omaris ge ǂgui khoena ūhâ, tsî da ge ǃhoro-e ǂhâba hâ, î da ûitsamase hâ ǁkhā” ti gere mî.

Khoekhoegowab Elobmîs 2020

² ǀNîn ge “Sida omaris ge ǂgui khoena ūhâ, tsî da ge ǃhoro-e ǂhâba hâ, î da ûitsamase hâ ǁkhā” ti gere mî.

Nehemia 5:2 Iomraidhean Croise

Genesis 41:57

On ge ǃhūga xu khoena, kaiseb ge ǃâtsūǀkhāba hoaraga ǃkhain ai ǁkhō i xui-ao Egipteb ǁga, ǃhoroba nî Josefa xu ǁamase gere hā.

Genesis 42:2

Tita ge Egipteb ǃnâ i ǃhoro-e hâ ti go ǁnâu, xuige khâi î go ǁnāǀî ǃgû tsî ǃhoro-e sī ǁama, î da tā ǁō.”

Genesis 43:8

Ob ge Judaba ǁîb îb, Israela ge mîba: “Axaba tita ǀkha sî re, o ge ge ǁnātimîsi khâi nî ǃgû. Tsî i ge ǀgui-i sada di-i tsîna ǃâs xa ǁō tide.

Genesis 47:19

Mâti i kha sida tsî sida ǃhanaga sa aiǃâ nî ǁō? Toxopa xū-e dī, î sida tsî sida ǃhanaga ū î ǂû-e mā da re. Sida ge nî Faraob di khobo, tsîb ge ǁîba nî sida ǃhanagu di ǀhonkhoe; î ǃhoroba mā da ûi da nîse tsî ǃkhomna, sida ǃhanagu ǃnâ da nî tsorose.”

2 Gao-aogu 4:1

Kēbo-aogu ǀguib di ǃoataras ge Elisab tawa sī tsî ge mî: “Ti aob ge ge ǁō. Sats tsîn a ǂanseb ge ǁîba ge eloǃaoǃgâxa khoe i, xaweb ge nēsi ǁîb ge surude hâ i khoeba ti ôakha, ǁnā surudeb ǃaroma hā ǂgao, îb ǁîkha khobodī.”

Nehemia 5:3

Naun ge “Sida ge sida ǃhanagu, sida draibeǃhanagu tsî sida omdi tsîna ǃâtsūǀkhāb ǃnâ da ǁō tidega surudeb ai ge māxū” ti gere mî.

Hagai 1:6

Kaise du ge tsoro, xawes ge ǃgaos âdo a ǂkhariro. ǂÛ du nî ǂû-e du ūhâ, xawe i ge ǂâuba du tama hâ. Ā du ra, xawe du ge khanu tama hâ. Sarana du ra ana, xawe du ge ǃnae tama hâ. Sîsenao-i ra ǃkhōǃoa mari-i ge ǁhū hâ ǁhō-i ǃnâ ra ǃkhōǃoahe.”

Maleaxi 2:2

ǃGâ ǂgao tama go ga i tsî ti ǀonsa ǃgôasiba mās ai ǂâisa ǂnûi tama i, tib ge ǃKhūb Hoaǀgaixaba ra mî, o ta ge ǀâxareba sago ǂama nî sî. Tita ge sago ǀkhaega nî ǀâxarexū, ā tita ge ǁîga ǀnai ǀâxarexū hâ, sago ge ǁîs ai ǂâisa ǂnûi tama i amaga.

Deuteronomium 23:19

“Mari-i tamas ka io ǂû-i tamas ka iots ga tare-i ǀgui-e sa ǃgâsa Israelǁî-e ǀkhupi, o tā sâuhōǂgāmarisa ǁî-e matare kai.