Nehemia 5:13 - Khoekhoegowab 2020

¹³ ǁNās khaoǃgâ ta ge ti gamanab ai ta ge ǃgae hâ i ǁgarusa ūǁnâ tsî ǃgubuǂuiǃnâ tsî ge mî: “Nētib ge Eloba, mîmâib go khami ga dī tama i khoeb hoab ǀkha nî dī. ǁÎb ge sago omdi tsî sago xūn hoana nî ūxū go tsî ǀgui xū-i tsîna ǁnāxūba go tide.” On ge ǁnāpa ge hâ i khoen hoana “Amen” ti mî tsî ǃKhūba ge koa. Tsî ǂgaeǂgui-aogu ge mîmâi gu ge khami ge dī.

Khoekhoegowab Elobmîs 2020

¹³ ǁNās khaoǃgâ ta ge ti gamanab ai ta ge ǃgae hâ i ǁgarusa ūǁnâ tsî ǃgubuǂuiǃnâ tsî ge mî: “Nētib ge Eloba, mîmâib go khami ga dī tama i khoeb hoab ǀkha nî dī. ǁÎb ge sago omdi tsî sago xūn hoana nî ūxū go tsî ǀgui xū-i tsîna ǁnāxūba go tide.” On ge ǁnāpa ge hâ i khoen hoana “Amen” ti mî tsî ǃKhūba ge koa. Tsî ǂgaeǂgui-aogu ge mîmâi gu ge khami ge dī.

Nehemia 5:13 Iomraidhean Croise

2 Gao-aogu 23:3

ǁÎb ge ǂkhâǃnâhaib tawa mâse ǃgaeǀhao-e ǃKhūb ǀkha dī, tsî ge mîmâi ǃKhūba ǁnâuǀnam, ǁîb ǂhanugu tsî mîmādi tsîna hoaraga ǂgaob tsî ǀoms ǀkha ǃkhōǀgaipe, tsîb ǃgaeǀhaos ǂkhanis ǃnâ a xoasa xūna ǂkhanis ǃnân a xoamâisa khami nî dīsa. Tsîn ge hoaraga khoena nē ǃgaeǀhaosan nî ǃkhōǀgaipe ǃkhaisa ge mîmâi.

1 Kroniks 16:36

Koa re ǃKhūb, Israeli di Eloba! Koa bi re nēsi tsî ǀamos kōse! Os ge hoaraga ǁaesa “Amen!” ti mî tsî ǃKhūba ge koa.

Nehemia 8:6

Esrab ge “ǃKhūb, kai Eloba koa re” ti a mî, on ge hoaraga khoena ǃomgu âna ūkhâi tsî “Amen, Amen” ti mî tsî ǃhūb kōse ge ǃhonǁgoa.

Psalmdi 119:106

Tita ge nūsa ge dī tsî ta ge ǁîs ai mâ: Sa ǂhanu-ai ǀgoraǃgâde ta nî saosa.

Psalmdi 50:14

Ganganǁguiba-e Eloba ǁguiba, î Hoan xa ǀGapiba sa mîmâide dība.

Psalmdi 76:11

Mîmâisa dī î sadu ǃKhūb Eloba dīǀoaǀoaba re; ǁîb ǂnamipe hâdu hoado ǀkhaexū-e ǁnāb ǃaohesa anu hâba ūsība re.

ǂKhoamîdi 28:4

ǂHanuba ra ǃharaxūn ge eloxoresana ra koa, xawe ǁnān ǂhanuba ra ǁnâuǀnamn ge ǂhanuoǃnân ǃoagu ra ǃkham.

Aoǁnâ-aob 5:5

ǃGâi i ge a mî tama isa, mîmâi tsîs nî dīǀoaǀoa tama is xa.

Numeri 5:22

A-i nē ǁgam-e sa ǃnāb ǃnâ ǂgâ tsî ǁîba xâiǀoa kai tsî ǁgoe-ūgus di turaba ǃgam.” Taras ge sao rase nî ǃeream: “ǃKhōǃgâ ta ra; ab ǃKhūba ǁnāsa dī.”

Mateub 10:14

Om-i tamas ka io ǃā-i ǃnâ go ga ǁkhoreǁharehe tama i tsîn ga sago ǃgâsa ǃnâudanaxabao, sago di ǂaidi ǃnaka hâ tsaraba ǃgubuǁnâ, î ǁnāpa xu ǃgû.

ǃNaeǃkhaidi 13:51

O kha ge ǁîn ǃoagu tsaraba ǂaidi âkha xu ǃgubuǁnâ tsî Ikoniums ǁga ge ǃgû.

ǃNaeǃkhaidi 18:6

Xawen ge Jodeǁîna mâǃoa tsî ǃkhāǃkhā bi, ob ge Pauluba tsaraba ǁîb di anaǂamsaraba xu ǃhaebeǁnâ tsî ge mî: “Sadu di ǀhapisa aitsama ū tita ge ǀhapio. Nēsisa xu ta ge Jodeǁî taman* ǁga nî ǃgû.”

1 Korinteǁîn 14:16

Sats ga gagas ǃnâ koasa māo, mâtin kha ǁnān hîa ǁnâuǃā tsi tamana, gagas ǀkhats ga gangano sa gangans ai “Amen” ti nî mî ǁkhā, tare-ets ra mî ǃkhaisan a ǀū hîa?

1 Samuel 15:28

Ob ge Samuela ǁîb ǃoa ge mî: “ǃKhūb ge nētsē Israels di gaosisa satsa xu ǀkhauǁnâ tsî ǀnî khoeb sats xa ama-aiba go mā.