Nehemia 4:7 - Khoekhoegowab 2020

⁷ Sanbalati tsî Tobiab tsî Arabiab, Amonni tsî Asdods di khoen tsîn ge Jerusalems ǂnubiǂgoab ǁkhawa ra ǂnubikhâihe tsîdi khôa hâ ǃkhaide ra omǂganhe ǃkhaisan ge ǁnâu, o kaise ge ǁaixa.

Khoekhoegowab Elobmîs 2020

⁷ Sanbalati tsî Tobiab tsî Arabiab, Amonni tsî Asdods di khoen tsîn ge Jerusalems ǂnubiǂgoab ǁkhawa ra ǂnubikhâihe tsîdi khôa hâ ǃkhaide ra omǂganhe ǃkhaisan ge ǁnâu, o kaise ge ǁaixa.

Nehemia 4:7 Iomraidhean Croise

Genesis 3:15

Sats tsî khoes hâro ǁaegu ta ge khākhoegusisa nî dī, tsîb ge sa surib tsî ǁîs di surib tsîna hoaǁae nî khākhoegu. ǁÎs surib ge sa danasa nî ǂkhūǂkhū tsî sats ge ǁîs suriba ǃnôas ai nî nâ.”

2 Gao-aogu 24:2

ǃKhūb ge ǁâtanisen hâ ǂnubis Babiloniaǁîgu, Siriaǁîgu, Moabǁîgu tsî Amonǁîgu tsîgu disa Judaba gu sī nî hîkākāse Jojakimmi ǃoagu ge sî, ǀnaib ge dīb nî ti ǁîb ǃgāgu, kēbo-aogu ǃnâ-u mî hâ i khami.

2 Kroniks 20:1

Moabǁîn tsî Amonǁîn di toroǂnubira ge Meunǁîn ǀkha ǀhao hâse Josafati ǃoagu ge khâimâ.

Esra 5:8

“Gao-aotsa ge ge ra ǂanǂan, Judab di ǃhūǃâs ǁga ge ge ǃgû hâ i ǃkhaisa. Tsî ge ge ǁnāpa kai Elob di Tempeli, kai ǀuidi ǀkha ra ǂnubikhâihe tsî gu ǃnaoga ǂnubiǂgoagu ǃnâ ra ǁguihe ǃkhaisa ge mû. Nē sîsenni ge kai ǃûiǃgâs ǀkha ra dīhe tsî ǃgâise ra aiǃgû.

Nehemia 2:10

Xawe kha ge Sanbalati, Bet-Horons dib tsî Amonǁî ǂamkhoeb Tobiab tsîkha, khoe-i go Israelǁîn ǃgâib ǃoa i nî sîsense hāsa ǁnâuo, kaise ge tsūbahe.

Nehemia 2:19

Xawe gu ge Sanbalati, Tobiab tsî Arabiaǁîb Gesemmi tsîga tare-e da ra dī ǂgaosa gu ge ǁnâuo, âiǂui da tsî ǃhō rase ge mî: “Tare xū-e koma nē du ra dī-e? Gao-aob ǃoagu du ra khâikhâisen ǂgao?”

Nehemia 4:1

Sanbalati ge Jodeǁîda ǂnubiǂgoaba ra ǂnubikhâi ǃkhaisab ge ǁnâu, o kaise ǁaixa tsî sida ge ǃhōtsoatsoa.

Nehemia 4:6

ǁNāti da ge ǂnubiǂgoaba ǂnubis ǀkha aiǃgû tsî ǁîba ǃkhareǀgapib kōse ǂnubikhâise, khoen ge kaise sîsenturaxa i xui-ao.

Nehemia 4:8

Tsîn ge ǁîn hoana ge ǀapeǀhao, în Jerusalemsa hā ǁnāǂam tsî ǀgaruǀgarusiba hā-ū,

Nehemia 6:16

Sida khākhoen, sida ǂnamipe hâ ǃhaodi ǃnâ hân ge nēsan ge ǁnâuo, ǂkhabuǂâi tsî ge ǀgaioǃnâ. ǁÎn ge Elob huib ǀkha da ge nē sîsenna dī ǃkhaisa ge mûǂan.

Jeremia 41:10

ǁNās khaoǃgâb ge Ismaela Mispas ǃnâ ge ǃgau hâ i gaoǀgôadi tsî khoen, ǃûi-aogu di danab Nebusaradanni ge Ahikammi ôab Gedaljab mûǂams ǃnaka ǁnāxūn hoana ǃkhōsabese ge ǃgû-ū. Netanjab ôab Ismaeli ge ǁîna ǃkhōsabese ū tsî Amonǁîn ǃoa ge ǃgû-ū.

Amos 1:13

“Amonǁîn ge ǃnākorobe ge ǃûǂam tsî ta ge ǁnās ǃaroma ǁîn di ǁkharaba ǁkhaedawa tide. ǁÎn ge ǀgamǀkhā khoedi Gileadi dide ge ǁaraǁkhowa-am, ǁîn di ǀkhariban nî kaikaise.

Amos 1:8

Tita ge Asdods tsî Askelons tsîra di ǂgaeǂgui-aokha nî hîkākā. Ti ǃomma ta ge Ekrons ǃoagu nî ūkhâi tsî ǃgau hâ Filisteǁîn ge nî ǁō” tib ge ǃKhūb Eloba ra mî.

Amos 3:9

Nē ǃkhaisa Asdods di gao-omgu tsî Egipteb di gao-omgu ǃnâ ǂanǂan: “Samarias ǂnamipe ǁgoe ǃhomgu ai ǀhao, î kai ǀgomaxasib tsî ǁgâiǀāb ǁîs ǃnâ hâba mû re.”

ǃNaeǃkhaidi 5:33

ǀApemāǃnans di ǁanin ge kaise ǁîgu di ǃereamǀgaub xa ǂkhîoǃnâ tsî ǁîga ǃgamsa ge mîǀgui.

ǂHaiǂhais 12:17

Tsîb ge draka kaise nē khoes ǃoagu ǁaixa tsî nau ôananôagub ǁîs dib ǃoagub sī nî ǃkhamse ge ǃgû, hoan hîa Elob di mîmāde ǁnâuǀnam tsî Jesub ge ǂhaiǂhai amab ǃnâ ǂgomǂgomsana.

1 Samuel 11:2

Xaweb ge Nahasa ǁîn ǃoa ge mî: “Ti ǂgaoǀkhāsa du ga dī, o ta ge sadu ǀkha ǃgaeǀhao-e nî dī. Tita ge sadu hoadu di amǀkhāb mûde nî ǁhoroǂui, îs nēsa Israeli hoab di taosib ase ī.”