Nehemia 2:5 - Khoekhoegowab 2020

⁵ tsî ǁnās khaoǃgâ gao-aob ǃoa ge mî: “Gao-aots ga tita ǀkha ǂkhîǂâixa tsî ti ǂgansa ūǃoao, mā-am te re, î ta Judab ǃhūb ǁga, ti aboxan ǁîs tawa ǁkhōhe hâ ǃās ǃoa ǃgû tsî ǁîsa ǁkhawa ǂnubikhâi ǁkhā.”

Khoekhoegowab Elobmîs 2020

⁵ tsî ǁnās khaoǃgâ gao-aob ǃoa ge mî: “Gao-aots ga tita ǀkha ǂkhîǂâixa tsî ti ǂgansa ūǃoao, mā-am te re, î ta Judab ǃhūb ǁga, ti aboxan ǁîs tawa ǁkhōhe hâ ǃās ǃoa ǃgû tsî ǁîsa ǁkhawa ǂnubikhâi ǁkhā.”

Nehemia 2:5 Iomraidhean Croise

2 Samuel 14:22

Ob ge Joaba gao-aob aiǃâ ǃhūb kōse ǃgamǃgâ tsî gao-aob ǃoa ge mî: “Ab ǃKhūba ǀkhae tsi re. Nēsi ta ge a ǂan tita ǀkhats a ǂkhîǂâixa ǃkhaisa, ǂgan ta go khamits go dī amaga.”

Esra 5:17

“ǃGôahesa gao-aotse, ǁnās xats ga ǃgâibaheo, as gao-aogu ǃnaeǃkhaidi xoaǁguigu, Babilons ǃnâ hâgu ǃnâ ôaǃnâsa dīhe, ǂanǂuihe i nîse, iseb ge gao-aob Koresa nē Tempeli Jerusalems ǃnâ nî ǂnubikhâihe ǃkhaisa mîmāsa; ǁnās khaoǃgâ gao-aots di mîǁguiba ǂanǂan ge re.”

Nehemia 2:4

Ob ge gao-aoba ge dî: “Tare-ets ra ǂgao?” O ta ge ǀhommi di Elob ǃoa ǀgore

Nehemia 2:6

Ob ge gao-aoba, gao-aos tsîn ǁîb xōǀkhā ǂnôa hîa, ti ǂgansa ge mā-am te. ǁÎb ge mâtikō ǁaeba ta nî ǃgûs tsî mâ ǁaeb ai ta nî oaǀkhīs tsîna ge dî te, o ta ge ge mîba bi.

Ester 1:19

ǁNā-amaga gao-aotsa iga ǃgâibao, gaosi ǂanǂansa māǂui, îs xoamâihe, Persiab tsî Mediab tsîkha di ǂhanugu, ǀkharaǀkharahe ǁoaga ǃoa, îs Vastisa tā tātsē ǁkhawa gao-aots aiǃâ hā; îts gao-aotsa ǁîs di gao-aosisa ǀnî khoes, ǁîs xa ama-aisa mā.

Ester 5:8

Gao-aots ga ǁnātikōse ǃgâi tsî ti ǂgansa ūǃoao, o kho sats tsî Hamanni tsîkho ǁkhawa ǁari ta nî aiǂhomiba kho ǂûǁaes ǃoa hā re. O ta ge ti ǁkhoreba nî ǂanǂan tsi.”

Ester 7:3

Os ge Gao-aos Estersa ge ǃeream: “ǃGôahesa gao-aotse, nēs ga ǃgâiba tsio, o ta ge ǃgamǃgamsens ǀkha ra ǂgan tsi tita tsî ti khoen tsîda ǃgamǂuihe tidesa.

Ester 8:5

tsî ge mî “Gao-aotsa iga ǃgâiba tsîts ga tita ǀkhomxa, o Hamanni, Hamedatab Agagǁîb ôab di mîmāde nî ǁkhae-e ǂanǂan-e xoaǂui, î di ǁîb di ǀapedi hoaraga Jodeǁîn nî gaosib ǃnâ ǃgamǂuihe ǃkhais dide tā dīǀoaǀoahe.

ǂKhoamîdi 3:4

ǁNā ǀgaub ai ǀguits ge Elob tsî khoen tawa ǀkhommi tsî ǃgâiba nî ǃkhōǃoa.

Daniel 9:25

ǃGâisets ge nî ǁnâuǃā, Jerusalemsa ǁkhawa ǂnubikhâis di mîmās ge māǂuihesa xu, Elob xa ǁhûiǂuihe hâ ǂgaeǂgui-aob nî hās kōse gu ge hû ǃnādi di hû kuriga nî ǃkharu. Jerusalems ge ǁkhawa ǃgangu tsî ǀgaisa omgu ǀkha ǂnubikhâihe tsî hû ǃnādi di disiǀgamǀa kuriga nî mâ, xaweb ge nēba nî ǃgom ǁae.

Mateub 23:27

“Kaise i ge nî ǃhuriǃhurisa sa ǀgamaixa Moseb ǂhanub di ǁkhāǁkhā-aogo tsî Farisego ǃaroma! Sago ge ǁāǃuriǃurihe hâ ǀhobaǀuigu, ǃaugaba xu îsase ra mûsengu khami ī, xaweb ge ǂganagaba ǁō hâ khoen di ǂkhōn tsî mâ ǃanuoǃnâsi-i hoa-i xa ǀoa hâ.

ǂKhanis Ruts dis 2:13

Os ge ge mî: “Sats ge nētikōse ra ǃgâidī te ǃgôahesatse, ǁkhaeǂgao te tsîts ge khoexaǃnâse go ǃhoa-ū te, ǃgādi âts di ǀguis tsîna ta hî tama xawe.”