Nehemia 13:25 - Khoekhoegowab 2020

²⁵ Tita ge ǁîga ǂgōǀau, ǁîga ǀâxare, ǀnîga ǂnau tsî ǀûn âga ge tsuruǂui. Tsî ta ge ǁîga Elob ǀons ǃnâ ge nū kai ǁkhawa gu ǁîgu kas, ǁîgu ôan kas hoasa ǃhaokhoen ǀkha ǃgameǃnâgu kai tidesa.

Khoekhoegowab Elobmîs 2020

²⁵ Tita ge ǁîga ǂgōǀau, ǁîga ǀâxare, ǀnîga ǂnau tsî ǀûn âga ge tsuruǂui. Tsî ta ge ǁîga Elob ǀons ǃnâ ge nū kai ǁkhawa gu ǁîgu kas, ǁîgu ôan kas hoasa ǃhaokhoen ǀkha ǃgameǃnâgu kai tidesa.

Nehemia 13:25 Iomraidhean Croise

2 Gao-aogu 2:24

Ob ge Elisaba dabasen, ǁîga kō tsî ǁîga ǃKhūb ǀons ǃnâ ge ǀâxare. O kha ge ǀgam bērkha haiǀgomsa xu ǂoaxa tsî hakadisiǀgamǀa gu ǁnā axagu diga ge ǀkhauǃā.

Esra 10:5

Ob ge Esraba khâimâ tsî pristergu tsî Leviǁîgu tsî ǁaes tsîn di ǂgaeǂgui-aoga ge nū kai, Sekanjab go mî khamin nî dīsa, on ge ge nū.

Esra 7:26

Elob di ǂhanub kas, gao-aob di ǂhanub kas hoasa ga ǁnâuǀnam tama i khoe-i hoa-i ge ǁkhō ǁkharaba nî ǁgui-aihe: ǁŌb ǁkharab kas, ǃhūba xu ǃhaeǂuis kas, xūn â-e ǁkhâuǁnâs kas, ǃkhō-oms ǁkharab kas hoasa.”

Nehemia 13:11

Tita ge ǂamkhoega ge ǀau, Tempela gu ge ǀûǀkhā hâ i ǃkhais ǃaroma. Tsî ta ge ǁnās khaoǃgâ Leviǁîgu tsî ǁnae-aogu tsîga ǀhaoǀhao tsî ǁkhawa ǁîgu sîsenni ǃnâ ge mâi-oa.

Nehemia 13:17

Tita ge Jodeǁî ǂgaeǂgui-aoga ǂgōǀau tsî ge mî: “Kō re, mâtikō ǂkhabadība go ra dīsa. Sago ge Sabbattsēsa ra ǃanuoǃnâ kai.

Nehemia 13:24

ǃKhare ǃâb ǁîgu ôan dib ge Asdodgowab tamas ka io ǀnî ǀkhara gowaba gere ǃhoa tsî Jodeǁîn di gowaba ge ǃhoa ǁoa i.

Nehemia 5:13

ǁNās khaoǃgâ ta ge ti gamanab ai ta ge ǃgae hâ i ǁgarusa ūǁnâ tsî ǃgubuǂuiǃnâ tsî ge mî: “Nētib ge Eloba, mîmâib go khami ga dī tama i khoeb hoab ǀkha nî dī. ǁÎb ge sago omdi tsî sago xūn hoana nî ūxū go tsî ǀgui xū-i tsîna ǁnāxūba go tide.” On ge ǁnāpa ge hâ i khoen hoana “Amen” ti mî tsî ǃKhūba ge koa. Tsî ǂgaeǂgui-aogu ge mîmâi gu ge khami ge dī.

Nehemia 5:6

ǁÎn di ǃgaesensa ta ge ǁnâu, o ta ge kaise ge ǁaixa.

Psalmdi 119:53

ǁAixasib ge tita ge hāǂam, ǂkhaba khoen, sa ǂhanuba ra ǁnāǃgân ǃaroma.

Psalmdi 15:4

ǁÎn ge ǁnān Elob xa ra ǂharahena ra ǃharaxū xawen ge ǁnān ǃKhūba ra ǁnâuǀnamna ǃgôasiba ra mā. ǁÎn ge hoaǁae mîmâis âna ra dīǀoaǀoa mâtikōse iga ǃgom xawe.

Eksodus 34:16

Ots ge sadu ôaga ǁîn di ôade nî ǃgame kai, ǁîga ǀai-aodi khami ǁîdi di ǁgôa-eloga ǀgoreǀîs ǃaroma nî ǂgaeǂhapude.

ǂKhoamîdi 28:4

ǂHanuba ra ǃharaxūn ge eloxoresana ra koa, xawe ǁnān ǂhanuba ra ǁnâuǀnamn ge ǂhanuoǃnân ǃoagu ra ǃkham.

Jesaja 50:6

Tita ge ti ǁâba ǂnau te gena ge mā tsî ti xōra ǁnān ti ǀhō-amga ge ǂgaeǂuina; ti aisa ta ge mîǁgaiǁgaihes tsî ǂara-aihesa xu sâu tama ge i.

Deuteronomium 6:13

ǃKhūb sadu Eloba ǃgôasiba mā, ǁîb ǀguiba ǀgoreǀî, î ǁîb ǀons ǀguis ǃnâ mîmâisa dī.

Deuteronomium 7:3

Tā ǁîn di ǀgui-i ǀkha ǃgames, tamas ka io sadu ǀgôade ǁîn ôaga mās, tamas ka io sadu ôagu ǃaroma ǁîn di ǀgôade ūsa mā-am.

Josua 23:12

ǁNâuǀnamoǃnâ tsî du ga noxopa sadu ǁaegu hâ ǃhaodi ǀkha ǁaeǁaesen tsî ǁîn ǀkha ǃgameǃnâgu,