Nehemia 13:12 - Khoekhoegowab 2020

¹² On ge hoaraga Israelǁîna ǁkhawa disiǁîǃâs ǃhoro-i, ǂauxûi-i tsî ǀkhera-oli-i disa ge hā-ūtsoatsoa.

Khoekhoegowab Elobmîs 2020

¹² On ge hoaraga Israelǁîna ǁkhawa disiǁîǃâs ǃhoro-i, ǂauxûi-i tsî ǀkhera-oli-i disa ge hā-ūtsoatsoa.

Nehemia 13:12 Iomraidhean Croise

2 Kroniks 31:4

Gao-aob ge ǁkhāti Jerusalems di ǁanǂgāsabena ge mîba, în pristergu tsî Leviǁîgu tsîga ǁîgu nî māhese ī ǃâsa mā, î gu ǀoasa ǂâisa ǃKhūb ǂhanub di ǂgaoǀkhādi ai ǂnûi ǁkhā.

2 Kroniks 31:5

ǁNā mîs ge ǂanǂanhe, on ge Israelǁîna ǁîn di ama-ai ǃhoro-i, ǂauxûi-i, ǀkhera-oli-i, dani-i tsî nau ǃhanaǂûn tsîna ge hā-ū. ǁÎn ge ǁkhāti disiǁîǃâs, ūn hâ xūn hoan disa ge mā.

Nehemia 12:44

ǁNā ǁaeb ai gu ge Tempeli mādi, disiǁîǃâdi tsî ǂguro ǃhoro-i tsî ǂguro haiǂûn, kurikorobe ra ǁguibahen tsîn di sâuǃnâ-omdi ǂama aoga ge mâihe. Nē aogu ge ǂhanub ra ǂgaoǀkhā mādi, pristergu tsî Leviǁîgu nî māhese ide, ǃādi ǂnamipe ǁgoe ǃgaroǃādi tawa nî ǀhaoǀhao. Hoaraga khoen Judab din ge pristergu tsî Leviǁîgu tsîgu ǀkha ge ǂkhîǂâixa i,

Levitikus 27:30

Disiǁîǃâs ǃhūb di ǂûn dis, nēsi i ga ǃhoros tamas ka io haiǂûs kas hoasa i ge a ǃKhūb di.

Maleaxi 3:10

Hoaraga disiǁîǃâsa sâuǃnâ-omsa ǃoa hā-ū re, în ǂûna ti ommi ǃnâ hâ, î ǁnās ǀkha tita ǃâitsâ, tib ge ǃKhūb Hoaǀgaixaba ra mî. ǃÂitsâ te, î mû ise ta ǀhommi di mûǂuidaode ǁkhowa-am tsî ǃnāǂamsa ǀkhaeba ǁhōǂuiba du tidesa.

Maleaxi 3:8

Khoe-e Eloba gāxaǃnâ ǁkhā-e? Xawe du ge sado tita gāxaǃnâ tsî ‘Mâti da ra gāxaǃnâ tsi?’ ti ra dî. Disiǁîǃâs tsî ǁguibas tsîra ǃnâ du ge ǁnāsa ra dī.

Deuteronomium 14:22

“Mâ kurib hoaba sa ǃhanaǂûn di hōǂgāsa xu disiǁîǃâsa ǂnûiǂui.