Mixa 7:3 - Khoekhoegowab 2020

³ ǃOmkha ân ge ǂkhabadīb ǃoa a ǂhomisa. ǂGaeǂgui-aogu tsî ǂhanuǂhanu-aogu tsîn ge ǁamaǃkhunimariba ra ǂgan; ǂamkhoegu ge ǁîgu ra ǂgao xūn xa ǀgui ra ǃhoa tsî gu ge ǁnā xūn ǃnâ ra ǀhûǀgui.

Khoekhoegowab Elobmîs 2020

³ ǃOmkha ân ge ǂkhabadīb ǃoa a ǂhomisa. ǂGaeǂgui-aogu tsî ǂhanuǂhanu-aogu tsîn ge ǁamaǃkhunimariba ra ǂgan; ǂamkhoegu ge ǁîgu ra ǂgao xūn xa ǀgui ra ǃhoa tsî gu ge ǁnā xūn ǃnâ ra ǀhûǀgui.

Mixa 7:3 Iomraidhean Croise

ǂKhoamîdi 16:30

Mûǂgami ra khoe-i ge ǂkhaba ǀapede ūhâ; ǁî-i amǁgaukha ra ǁkhamǀhao-i ge ra ǂkhabadī.

ǂKhoamîdi 17:23

ǂKhabadī-ao-i ge ǀhôagao hōǂgāsa ra ǃkhōǃoa, ǂhanu-aisiba mâǃoas ǃaroma.

Jesaja 1:23

Sadu ǂgaeǂgui-aogu ge khâikhâisen tsî ǃnari-aogu ǀkha ge ǀhōsagu. Hoagu ge ǀhôagao ǁaxasiga ge ǀnam tsî matare-oahesa ra ǁgūba. ǁÎgu ge ǃguniǀgôana khâimâba tama, tsî ǃoataradi ǂhanuga ǂnoaba tama hâ.

Jesaja 26:21

ǃKhūb ge ǁîb hâǃkhaisa xu ra hā ǃhūbaib ǁanǂgāsabenab ǁîn ǁoren ǃaroma nî ǁkharase; ǃhūbaib ge ǃaruǀî ǀaoǂnâxūsa ǃgū-ai tide xawe ǃgamhe hâna nî ǂhaisa kai.

Jesaja 3:5

Khoen ge ǁîǃnābe nî ǁgâiǀāgu, nē-e nau-i xa tsî mâ-i hoa-e ǁî-i ǀgūkhoe-i xa. ǂKhamn ge kaina nî mâǃoa tsî xū tama khoen ge ǁîn ǀhonkhoena ǃgôasiba mā tide.

Jesaja 32:7

ǀHôagao khoe-i ǀgaugu ge a ǂkhaba; ǁîn ge mâtin ǀgâsa khoena ǂhumib ǀkha nî ǀhôagaoǃnâ ǀgausa ra ǀape, ǀgâsa khoen di ǀkhomas ga ǂhanu-ai xawe.

Jesaja 5:23

Sadu ǀhapixa-e ǃnoraǃnora tsî ǀhapio khoe-e ǁî-i ǂhanuba ra ǀhanado.

Jeremia 3:5

ǀAmoseb kha nî ǁaixahâhâ? ǁAib âbab ǀamose nî ūhâ? ǁNāsas ge sasa ra mî, xawes ge ǂkhababa ra sîsen.”

Jeremia 4:22

Ob ge ǃKhūba ra mî: “Ti ǁaes ge a gâre titan ge a ǀū. ǁÎn ge gâ ǀgôan, ǁnâuǃā-e ūhâ taman khami ī. ǁÎn ge ǂkhabase dīs di ǂansa ūhâ, xawen ge ǃgâise dīsa a ǀū.”

Jeremia 8:10

ǁNā-amaga ta ge ǁîgu tarade ǀnî aoga mā tsî ǁîgu ǃhūba ǀasa ǀhonkhoena nî mā, kain tsî ǂkharin hoan ge a xūǃgunuxa, kēbo-aoba xu pristeri kōsen ge a ǂhanuoǃnâ.

Esekiel 22:12

ǁÎn ge sas ǃnâ ǁamaǃkhunis marina gere ū, ǀaoǂnâxūs ǃaroma. Sas ge hōǃnās tsî ǃnāsa hōǂgābasens tsîra gere ū tsî xūǃgunuxasib ǃaroma ǀgūkhoen âsa gere ǁgâiǀā, tsîs ge tita ge ǀuru, tib ge ǃKhūb Eloba ra mî.

Esekiel 22:27

ǁÎb di ǂgaeǂgui-aogu ge ǂhiran, amǀnē-i âna ra ǀkhauǃān khami ǀaoǂnâxū tsî ûiba ra hîkākā ǂhanuoǃnâ hōǂgābasens ǃaroma.

Esekiel 22:6

Mâ gaoǀgôab Israeli dib sas ǃnâ hâb hoab ge ǀgaib âba sîsenū tsî gere ǀaoǂnâxū.

Esekiel 34:21

Sadu ge ǂkhabusana ǃnammi tsî ǃhōb tsîkha ǀkha ǂhābē tsî sadu ǁnâgu ǀkha ra ǃkhā, ǁîna du nî saurubēs kōse.

Esekiel 9:9

Ob ge ǁîba tita ǃoa ge mî: “Israeli tsî Judab khoen di ǁoreb ge ǃnāǂamsase a kai. ǃHūb ge ǀaoǂnâxūs xa ǀoa hâ tsî ǃās ge ǀhôagaoǁaxasigu xa ǀoa hâ; ǁîn ra mî amaga: ‘ǃKhūb ge ǃhūba ǀuru hâ, ǃKhūb ge mû tama hâ.’

Hosea 4:18

Ātoan ga on ge ra ǀai; ǁîn ge ǃgôaoǃnâsiba ǂkhaisib xa a ǀnam.

Hosea 7:3

ǂKhabab ân ǀkhan ge gao-aoba ra ǃgâiǃgâiǂgao; tsî ǂhumib ân ǀkha gaoǀgôaga.

Amos 5:12

Tita ge mâtikōse di sadu ǃûǂamde a ǂgui tsî mâtikōseb sadu ǁoreba a kai ǃkhaisa a ǂan. Sadu ge ǂhanu-aina ǁgâiǀā tsî ǁamaǃkhunimari-e ra ū tsî ǂhâ hâna ǀgoraǃgâǃkhaidi tawa ra ǁkhaebē.

Mixa 2:8

Xawe du ge ti khoen ǃoagu khākhoese ge khâimâ. Sadu ge ǁnān, ǂkhîb ǃnâ ǃkharugaruna xu sarana ge ǂgaeǁnâ, ǁnān toroba xu oaǃgoaxa khami garuna xu.

Mixa 3:11

ǁÎs di ǂgaeǂgui-aogu ge ǁamaǃkhunis ama ǀgoraǃgâs âga ra dī. ǁÎs di pristergu ge ǃkhōǃoamaris ai ra ǁkhāǁkhā. ǁÎs di kēbo-aogu ge matarehes ǃaroma ra kēbo. Xawe gu ge ǃKhūb ǁîgu ǀkha hâ ti koasen tsî ra mî: “ǃKhūb sige ǀkha hâ tsî ge ǂōǂōsi-i xare-i xa hāǂamhe tide.”

Mixa 3:2

Xawe go ge ǃgâiba ǁkhān tsî ǂkhababa a ǀnam. Ti khoena go ge khōba ǀkhauǁnâǀkhā tsî ǂkhōn âna xu ǁgan-e ra ǂgaeǁnâ.

Mateub 26:15

tsî ge dî: “Sago ta ga Jesuba māǁnâo, tare-e go nî matare te?” O gu ge Judaba ǃnonadisi ǀhaiǀuri maride ge matare.

1 Korinteǁîn 4:5

ǁNā-amaga tā ǁaeb hā tama hîa, ǃKhūb nî hās aiǃâ ǀgoraǃgâ. ǁÎb ǁkhāti ǂganǃgâsib ǃnâ hâ xūna ǃkhaenaba xu ǃnâb ǃoa ūhā tsî ǂgaogu di ǀapeǀape-aide nî ǂhaiǂhaiba. ǁNā ǁaeb ai i ge mâ-i hoa-e Eloba xu karesa nî ǃkhōǃoa.