Mixa 7:2 - Khoekhoegowab 2020

² ǂGomǂgomsa khoe-i xare-i ge ǃhūb ǃnâ a ǀkhai, ǂhauǃnâ khoe-i xare-i ge hâ tama hâ. Hoatsaman ge ǀaoǂnâxūn nîse ǃâuǁgoe; mâ-i hoa-i ge ǁî-i ǃgâsa-e ǁnoa-i ǀkha ra ǃkhēma.

Khoekhoegowab Elobmîs 2020

² ǂGomǂgomsa khoe-i xare-i ge ǃhūb ǃnâ a ǀkhai, ǂhauǃnâ khoe-i xare-i ge hâ tama hâ. Hoatsaman ge ǀaoǂnâxūn nîse ǃâuǁgoe; mâ-i hoa-i ge ǁî-i ǃgâsa-e ǁnoa-i ǀkha ra ǃkhēma.

Mixa 7:2 Iomraidhean Croise

Psalmdi 10:9

Gauǃkhais ân ǃnân ge xam-i khami ǀgâsan di ǃkharusa ǃâuǁgoe tsî ǁîna ǃnuis ân ǃnâ ǃkhō tsî ra ǃkharabē.

Psalmdi 12:1

Hui da re ǃKhūtse! ǃAruǀî-i ǂhanu-ai khoe-e ǀkhai; tsî i ǂhauǃnâ khoe-i xare-e hōsa tama xuige.

Psalmdi 12:2

Hoan ge ǁîǃnābe ǂhumibagu tsî ǂhumi koadi ǀkha ra gāxaǃnâgu.

Psalmdi 57:6

ǁNoa-en ge ti ǂaira ǃaroma ge ǂhomi tsî ta ge ge gama. Ti aiǃân ge ā-e ge khao tsî aitsama ǁî-i ǃnâ ge ǁnāǂgâ.

ǂKhoamîdi 1:11

ǁÎn ga mî: “Hā, î da khoe-e ǃâuǁgoe tsî ǃgam; a da xū-e i ga dī da tama i, xawe ǁgoe-am tsî ǁnāǂam;

ǂKhoamîdi 12:6

Eloxoresa khoe-i mîdi ge ǁōǁōsa ǁnoab khami ī, xawe ǂhanu-ai khoe-i mîdi ge ra huiǂui tsi.

Jesaja 3:5

Khoen ge ǁîǃnābe nî ǁgâiǀāgu, nē-e nau-i xa tsî mâ-i hoa-e ǁî-i ǀgūkhoe-i xa. ǂKhamn ge kaina nî mâǃoa tsî xū tama khoen ge ǁîn ǀhonkhoena ǃgôasiba mā tide.

Jesaja 57:1

ǂHanu-ain ge ra ǁō, xawe-i ge ǀgui-i xare-e ǃgaoǃgâ tama hâ. ǂHauǃnân ge ra ūbēhe, khoe-i xare-i nēsa ǁnâuǃā tama. ǂHanu-ain ra ǂkhababa xu ūbēhe.

Jesaja 59:7

ǁÎn ǂaidi ge ǂkhabab ǃaroma ra ǃkhoe tsîn ge ǀhapio ǀaoban nî ǂnâxūse ra ǃnoe. ǁÎn ǂâidi ge a ǂkhabadīb di, tsî hîkākās tsî khôaǂkhūs tsîra ge ǁîn ǃgangu ǃnâ hâ.

Jesaja 9:19

ǃKhūb Hoaǀgaixab ǁaib ǃnâ-us ge ǃhūb ge ǂhubihesa tsîn ge khoena ǀaes di oli-i ase nî ī; Khoe-i khoe-e ra ǀkhom-i ge nî ǀkhai.

Jeremia 16:16

“ǂGui ǁauǃkhō-aoga ta ge ra sî, nē khoena nî ǃkhōse,” tib ge ǃKhūba ra mî. “ǁNās khaoǃgâ ta ge ǂgui ǃau-aoga nî sî tsî gu ge ǁîga ǁîna mâ ǃhommi tsî mâ ǃnâub tsî mâ ǁhoaǁkhereb hoaba xu nî ǃau.

Jeremia 5:16

ǁÎn di khāǁkhâu-aogu ge ǀgaisa toroǃkhamaogu, ǀkhomoǃnâse ra ǃgamga.

Jeremia 5:26

“Eloxoresan ra ti ǁaes ǃnâ hōhe xui-ao, mâ-i hoa-i ân ra ǂui, aniǃkhō-aob ra dī xase; ǁîn ra ǁgaoǁgaosa ǁnoa-e ǁgui, ǁîn ra khoena ǃkhō.

Jeremia 8:6

ǂŌrisase ǃgâ tsî ta ge ge ǁnâu amaban ǃhoa tama ǃkhaisa; ǀgui-i tsîn ge ǁoreb â-i ǂama ǃhausen tama hâ. ǀGui-i tsîn ge ‘Tare-e ta kha dī hâ?’ ti mî tama hâ. Mâ-i hoa-i ge ǂâis tsîna hî tamase, hā-i ǃkhams ǃnâ hâ-i khami ǃgarise tita xu ra ǃkhoebē.

ǃGae-amdi 4:18

Mâ dāǃharos sida dis hoas ain ge gere ǀkhuri da, sida ǃgangu ǃnâ da ge ǃgû ǁoa is kōse. Sida ǀams ge a ǀgū, sida tsēdi ge a ǃgôatoasa, sida ǀams ge go hā.

Esekiel 22:12

ǁÎn ge sas ǃnâ ǁamaǃkhunis marina gere ū, ǀaoǂnâxūs ǃaroma. Sas ge hōǃnās tsî ǃnāsa hōǂgābasens tsîra gere ū tsî xūǃgunuxasib ǃaroma ǀgūkhoen âsa gere ǁgâiǀā, tsîs ge tita ge ǀuru, tib ge ǃKhūb Eloba ra mî.

Esekiel 24:6

Nētib ge ǃKhūb Eloba ra mî: “Tsūba si ǁnā ǃās ǀaoǂnâxūs disa; ǁnā ǀorotoa hâ sūs ǀurixasib âs ǁîsa xu ǂoa tamasa. Nē ǁgan-i ǃâsa xu naus ǁga ǁîsa xu ūǂui, ôaǂuiǃnâ tamase.

Hosea 5:1

“Nēsa ǃgâ re pristergo! ǃGaoǃgâ re sadu Israeli ommi dido! ǂGaesa ǂō re sadu gao-aob ommi dido! ǀGoraǃgâs ge a sadu di. Mispasa du ǂhamse ība tsî Tabora khobaǁguihe hâ ǂhaos ase ge ība i xuige;

Hosea 6:9

ǁKhâuǁnâ-aogu ra khoe-e ǃâuǁgoe khamis ge pristergu ǂnubisa ī; ǁîgu ge Sexems daob ai ra ǃgam, ǁîgu ge taotaosa dīga ra dī.

Mixa 2:8

Xawe du ge ti khoen ǃoagu khākhoese ge khâimâ. Sadu ge ǁnān, ǂkhîb ǃnâ ǃkharugaruna xu sarana ge ǂgaeǁnâ, ǁnān toroba xu oaǃgoaxa khami garuna xu.

Mixa 3:10

Sago ge Sionsa ǀaob ǀkha ra ǂnubi, tsî Jerusalemsa ǂhanuoǃnâsib ǀkha.

Mixa 3:2

Xawe go ge ǃgâiba ǁkhān tsî ǂkhababa a ǀnam. Ti khoena go ge khōba ǀkhauǁnâǀkhā tsî ǂkhōn âna xu ǁgan-e ra ǂgaeǁnâ.

Saxaria 11:6

“ǁKhawa ta ge ǃhūb di ǁanǂgāsabena ǀkhom tide” tib ge ǃKhūba ra mî. “Mû, tita ge mâ-i hoa-i ǁî-i ǀgūkhoe-i ǃomǁae nî ǁnā ǃkhaisa nî ǃaroma. Tsî ǁîb gao-aob ǃomǁaen ge ǃhūba nî ǂnauǂkhū tsî ta ge ǁîna ǁîgu ǃomǁaeba xu ore tide.”

ǃNaeǃkhaidi 24:9

On ge nau Jodeǁîn tsîna Tertulub ǀkha ge ǀhûǀgui, nē go mîhen hoan a ama ǃkhaisa.

1 Samuel 24:11

Kō re ti îtse, kō re, sa sarab ǂaoba ti ǃommi ǃnâ. Sa sarab ǂaob ǀguiba ta go ǃgaoǁnâ, satsa ǃgam tamase ǃkhais xats ge ǂkhaba ǂâi-i tamas ka io mâǃoaxasi-e ta sats ǃoagu ūhâ tama ǃkhaisa a mû ǁkhā. Tita ge satsa mâǃoa tama hâ, xawets ge satsa tita ra ǃgôaǃgon, ǃgam tets nîga.

1 Samuel 26:20

Ab ti ǀaoba tā ǃnūse ǃKhūb di ǀgūsiba xu ǃhao ǃhūb ai ǂnâ. Israeli gao-aots ge go ǃgûǂoa ǀgui ǃaeda-ets nî ôase, ǃhomgu ǃnâts ra khoetsa ǃaub ani-e ǃau khami.”