Mixa 4:1 - Khoekhoegowab 2020

¹ ǁAeb ge nî hā, Tempeli mâ-ai ǃhommi hoa ǃhomgu xa nî ǀgapi tsî ǃnâugu hoaga nî ǃnāba. O di ge ǁaedi hoade ǁîb ǁga nî ǃkhoe,

Khoekhoegowab Elobmîs 2020

¹ ǁAeb ge nî hā, Tempeli mâ-ai ǃhommi hoa ǃhomgu xa nî ǀgapi tsî ǃnâugu hoaga nî ǃnāba. O di ge ǁaedi hoade ǁîb ǁga nî ǃkhoe,

Mixa 4:1 Iomraidhean Croise

Jeremia 3:17

Nē ǁaeb ǃnân ge Jerusalemsa ‘ǃKhūb di Trons’ ti nî ǂgai; hoa ǁaedi ǁnāpa, ǃKhūb ǀons ǃaroma Jerusalems ǃnâ nî ǀhaose, tsîn ge ǃaruǀî ǁîn ǂkhaba ǂgaogu ǃoa ûi tide.

Psalmdi 22:27

Hoaraga ǀkhâuǀamdi ǃhūbaib didi ge ǂâihō tsî ǃKhūb ǃoa nî dabasen. Hoaraga ǃhaodi ge ǁîb aiǃâ ǃhon tsî ǁîba nî ǀgoreǀî.

Saxaria 8:3

Tita ge Sions ǃoa oa tsî Jerusalems ǁaegu sī nî ǁan tsîs ge Jerusalemsa ǂgomǂgomsasib di ǃās ti nî ǂansa, tsî ǃKhūb di ǃhomma, ǃanusib ǃhommi ti.

Psalmdi 86:9

Hoa ǁaedi sats ge kurudi ge hā tsî sa aiǃâ nî ǃhonǁgoa ǃKhūtse tsîn ge sa ǀonsa nî ǂkhaiǂkhai.

ǃNaeǃkhaidi 2:17

“ ‘Nēn ge ǀuni tsēdi ǃnâ ta nî dī xūna, tib ge Eloba ra mî: Ti Gagaba ta ge mâ-i hoa-i ai nî ǁhōǂui. Sadu ôan ge ti ǂhôasa nî kēbo. Sadu ǂkham khoegu ge aide nî mû tsî gu ge sadu di kaiga ǁhapode nî ǁhapo.

Hosea 3:5

Xaweb ge ǁaeb Israeli khoen nî ǃKhūb, ǁîn Elob tsî Davidi ǁîn gao-aob tsîna ôaba nî hā, tsîn ge ǀkhū rase, ǃgâisib ǃnâ ǃKhūb ǃoa nî hā.

Esekiel 43:12

Nēb ge ǂhanub ommi diba: ǃHommi ǂaob tsî ǁîb ǂnamipeb hoab ge hoan xa ǃanu ǃkhaise nî ī. Mû, nēb ge ǂhanub ommi diba.”

Maleaxi 1:11

“Sores ra ǁhai ǃkhaisa xu ǁîs ra ǂgâ ǃkhais kōses ge ti ǀonsa ǁaedi xa nî ǃgôahe. Mâ ǃkhais hoas ai ta ge ǁguibade ra hā-ūbahe, ǃanu ǁguibade, ti ǀons ǁaedi ǃnâ a kai xui-ao,” tib ge ǃKhūb Hoaǀgaixaba ra mî.

Saxaria 2:11

O di ge ǂgui ǁaede ǃKhūb tawa nî ǀhaoǀhaosen, tsî ti ǁaese nî ī tsî ta ge sadu ǁaegu nî ǁan tsî du ge ǃKhūb Hoaǀgaixab ge sî te ǃkhaisa nî ǂan.

Jesaja 54:2

Sa tentomsa harahara, î sa hâǃkhais ǂgāmâisaga kaikai. Tā ǃkhō-oa, sa tsuriga gaxugaxu, î ǂnauǂgāǀuriga ǀgaiǀgai.

ǂHaiǂhais 20:4

Tsî ta ge tronde ge mû tsî ǁîdi ai ǂnôan ge ǀgoraǃgâs ǁkhāsiba ge māhena. ǀOmdi ǁnān hîa Jesub ge ǂhaiǂhai amab tsî Elob di mîsan ra ǂhôa xui-ao ge ǁhāǁnâdanahen didi tsîna ta ge ge mû. ǁÎn ge ǀgurub tsî ǁîb di ība ge ǀgoreǀî tama hâ i, ǁkhātin ge ǀgurub di saosa ǃūdi ân ai tamas ka io ǃomgu ân ai ge ǃkhōǃoa tama hâ i. Tsîn ge ǁîna ûi tsî Xristub ǀkha ǀoadisi kuriga ge gaosîsen.

ǂHaiǂhais 11:15

Hûǁî ǀhomǃgāb ge ǁîb di xâiǁnâsa xâi, o gu ge ǃgari domga ǀhommi ǃnâ ge ǁnâuhe, mî raga: “Gaosib ǃhūbaib dib ge a nē sada ǃKhūb tsî ǁîb di Xristub* di tsîb ge ǁîba ǀamosib kōse nî gaosîsen!”

Hebreǁîn 1:2

Xaweb ge nē ǀuni tsēdi ǃnâ ǀGôab, hoa xūn di ǀumi-aob ǃnâ-u sada ǀkha ge ǃhoa. ǁÎb ge ǁnāb, ǁîb ǃnâ-ub ge ǃhūbaiba kuruba.

Daniel 7:27

ǀGaib tsî kaisib, ǃhūbaib gaosigu hoagu diban ge Hoan xa ǀGapi Elob di khoena nî māhe. ǁÎn di gaosib ge ǀamos kōse nî hâ tsî gu ge ǃhūbaib di ǂgaeǂgui-aogu hoaga ǁîna ǃoaba tsî nî ǁnâuǀnam.”

Daniel 2:44

ǁNā gao-aogu di ǁaeb ǃnâb ge ǀhommi di Eloba, tātsē ǀam tide gaosiba nî ǂnûiǂgā. ǁÎb ge ǀnî gaosi-i xare-i xa danhe tide, tsîb ge nau gaosigu hoaga hoaragase nî hîkākā, xawe ǁîb ǂûb ge ǀamos kōse nî hâhâ.

Jesaja 49:6

Ob ge ǃKhūba ǃaruǀî tita ǃoa ge mî: “Supuba te i ge a satsa Jakob ǁaesa nî ǂgaikhâi tsî Israels ûiǃgau ge khoena ǁkhawa ūhās di ǃgāse dīsa. ǁAedi di ǃnâse ta ge nî dī tsi, ti ores ǃhūbaib ǀkhâuǀamdi kōse nî ǂapaǂoase.”

ǂHaiǂhais 15:4

Tari-e satsa ǃao tsî sa ǀonsa ǂkhaiǂkhai tide, ǃKhūtse? Sats ǀguits ge ǃanu. Tsî di ge hoaraga ǁaede hā tsî satsa nî ǀgoreǀî, sa ǂhanu-ai sîsengu hoana a ǂhaisaba amaga.”

Mixa 3:12

ǁNā-amaga sago ǃaromas ge Sionsa ǃhana-i khami nî ǃhūǃgaohe; Jerusalems ge nî ǀuiǁkhobo kaihe tsî Tempelǃhommi ge haixa ǃkhaise nî ī.

Daniel 7:18

Xawe Hoan xa ǀGapi Elob di khoen ge gao-aosi ǂgaeǂguisa nî ǃkhōǃoa tsî ǁîsa ǀamos kōse nî ūhâ.”

Daniel 7:14

Tsîb ge ǁkhāsib tsî ǃgôasib tsî gao-aosi ǀgaib tsîna ge māhe, în hoa ǁaedi, ǃhaodi tsî gowagu di khoena ǁîba ǃoaba. ǁÎb di ǂgaeǂguis ge ǀamos kōse ra hâ tsî gaosib âb ge tātse ǀam tide.

Daniel 2:35

ǀUrib, ǂgoab, brons-i, ǀhaiǀurib tsî ǃhuniǀurib tsîn hoan ge ǂnoaǂkhūǂkhūhe tsî ǃgaos ǁaeb ai, dāǃnâǃkhais ai ǁgoe ǀapob khami ge ī kaihe. ǁÎn hoan ge ǂoab xa ge ǃgombēhe, ǀgui xū-i tsîn ǃgau tamase. Xawe ǁnā ǀuis, ība ge ǂkhūǂkhūs ge kai ǃhom kai tsî hoaraga ǃhūbaiba ge ǃgū-ai.

Daniel 2:28

Xawe ǀhommi ǃnâ hâ Elob ge ǂganǃgâsiga ra ǂhaiǂhai. ǁÎb ge ǃgoaxaǁaeb ǃnâ nî ī xūna sats gao-ao Nebukadnesartsa go ǂanǂan. ǁOmts ǁgoe hîats ge ǁhapos ǃnâ nē aisa go mû.

Esekiel 40:2

Elob di ai-i ǃnâb ge tita Israelǃhūb ǃnâ ūsī tsî kaise ǀgapi ǃhommi ai ge mâi; tsî ǁîb ǃkhawagasǀkhāb ai i ge ǃā-i khami ī kuru-ai-e ge hâ i.

Esekiel 38:16

Sats ge ti ǁaes Israelsa nî ǁnāǂam, ǃâu-i ǃhūba ra ǃûǂam-i khami. ǀUni tsēdi ǃnâ ta ge ti ǁaes ǃoagu nî khâi kai tsi, o di ge ǁaede tita nî ǂan, sats Gogts ǃnâ-u ta ga ti ǃanusiba ǁîn mûdi aiǃâ ǂhaiǂhaio.

Jeremia 48:47

Xawe ǃgoaxa tsēdi ǃnâ ta ge tita Moab di mâsiba nî dī-unu, tib ge ǃKhūba ra mî. Nēpas ge Moab ǀgoraǃgâsa ra ǀuni.

Jeremia 16:19

ǃKhūtse sats ge ti ǀgai tsî a ǁhaiǁhâǃkhai, ǃgommi tsēs ai. ǃHūbaib ǀamsa xu di ge ǃhaode sats ǃoa hā tsî nî mî: “Sida aboxan ge ǂhumi elogu ǀguigu ose, xū-i xare-e ūhâ tama hâ, harebeoǃnâ ǁgôa-elogu ǀguiga.

Jesaja 43:6

ǃKhawagas ǃoa ta ge ‘ǁîna māǁnâ’ ti nî mî tsî ǀApas ǃoa ta ge ‘ǁîna tā ǃkhōǀgara’ ti nî mî. Ti ôaga ǃnūseba xu ǀkhī-ū tsî ti ôade ǃhūbaib di ǀkhâuǀamde xu.

Jesaja 27:13

ǁNā tsēs aib ge kai xâiǁnâba nî xâihe tsîn ge Asiriaǃhūb ǃnâ ge kān tsî Egipteba xu ge sauruǂuihe hâ in tsîna hā tsî ǃKhūba Jerusalems ǃnâ ǃanu ǃhommi ai nî ǀgoreǀî.

Psalmdi 110:3

Sa ǁaes ge nî māsenxa, sa ǀgaib di tsēs ai; sa toroǂnubisats ga ǃanu ǃhomgu ai ǂgaeǂguio. ǁGoaǂnobos di ǁhāsa xub ge sa ǂkhamsiba sa ǃoa nî ǀkhī.

Genesis 49:10

Gaohais ge Judaba xu bē tide, ǀkharub âb ge ǁîb ǂaira ǁaeguba xu bē tide. ǁAedi ge ǁîba koa tsî ǁîb aiǃâ ǁnâuǀnamxasib ǃnâ nî ǃhon.

Genesis 49:1

Jakob ge ôasaga ǁîb tawa ǂgaihā tsî ge mî: “ǀHao go re, î ta taren sago ǀkha ǃgoaxaǁaeb ǃnâ nî ī ǃkhaisa mîba go:

2 Petrub 3:3

Î ǂguro nēsa ǂan, ǀuni tsēdi ain nî ǃhō-aona hāsa, ǃhō rase ǁîn di turagu ǂûgu ǃoa ûi

Daniel 10:14

Tita ge ǃgoaxaǁae sa ǁaes ǀkha nî īna ta nî ǂanǂan tsise go hā, nē ais ǃgoaxaǁaeb xa ra ǂâibasen xui-ao.”

Daniel 7:22

Ob ge ǁnāb, ǀamos kōse ûi hâba hā tsî Hoan xa ǀGapi Elob khoen di ǃgâib ǃoa ǀgoraǃgâsa ge gowaǂui. Hoan xa ǀGapi Elob di khoen gao-aosi ǂgaeǂguisa nî ǃkhōǃoa ǁaeb ge go hā.

Psalmdi 48:1

ǃKhūb ge a kai, tsî koahesa anu; sada Elob di ǃās ǃnâ, ǁîb di ǃanu ǃhommi ai.

Jesaja 56:7

ǁîna ta ge ti ǃanu ǃhommi ǃoa ūsī tsî ǁîna ti ǀgore-ommi ǃnâ nî ǃgâiaǂgao kai. ǁÎn khauǁguibadi tsî ǂāǁguibadi tsîn ge ti altars ai nî ūǃoahe. Ti ommi ge hoaraga khoen ǃaroma, ǀgore-ommi ti nî ǂgaihe.”

Jeremia 26:18

Mixab, Moresetǁîb ge Hiskiab Judab gao-aob tsēdi ǃnâ ge kēbo tsî Judab ǁaes hoas ǃoa ge mî: Nētib ra ǃKhūb Hoaǀgaixaba mî: “Sions ge ǃhanab axase nîra ǃhūǃgaohe, tsî Jerusalems ge nîra ǀuiǁkhopo kai, tsî nē ommi di ǃhommi ge nîra hailgoms di ǀgapi kai.”

Jeremia 31:12

ǁÎn ge hā tsî Sionni ǀgapib ai ǃgarise nî ǁnae, tsî ǃKhūb di ǃgâisib ǂama nî dâ. ǃHorob tsî ǂauxûib tsî ǀkhera-olib ǂama, gūn tsî goman ǂama. ǁÎn ge ǃgâise ǂnâsa ǃhanab khami nî i, tsî ǃaruǀî ǂhâ-i xare-e ūhâ tide.

Saxaria 14:10

Hoaraga ǃhūb ge Arabab khami Gebasa xu Rimons, Jerusalems ǃkhawagas dis kōse nî ǀkhara, tsî Jerusalems ge ǁîs ǂnamipe hâ ǃhūb ǂamai ǀgapiǀgapikhâihe tsî ǁîs di ǃkhais ai nî mâhâhâ, Benjaminni ǂgâ-amsa xu ǂguro ǂgâ-ams kōse, ǁHôaǂgâ-ams kōse tsî Hananeli di ǂGō-ommi kōse tsî gao-aob di ǀāǃnâǃkhaib kōse.