Markub 9:9 - Khoekhoegowab 2020

⁹ ǃHomma xu gu ǁgôaxaǃgoaxa hîab ge Jesuba ǁîga ge mîmā: “Tā khoe-i xare-e sago go mûn xa mîba, Khoen Ôab ganupe ǁōba xu khâi tama hâ hîa.”

Khoekhoegowab Elobmîs 2020

⁹ ǃHomma xu gu ǁgôaxaǃgoaxa hîab ge Jesuba ǁîga ge mîmā: “Tā khoe-i xare-e sago go mûn xa mîba, Khoen Ôab ganupe ǁōba xu khâi tama hâ hîa.”

Markub 9:9 Iomraidhean Croise

Mateub 12:19

ǂNoagu tsîb ge ǃau tide tsî ǁîb dommi ge daogu ai ǁnâuhe tide.

Mateub 12:40

Jonab ge ǃnona tsēdi tsî ǃnona tsuxugu tsîna kai ǁaub di ǃnāb ǃnâ hâ is ǁkhās khamib Khoen Ôab tsîna ǃnona tsēdi tsî ǃnona tsuxugu tsîna ǃhūb di ǃgamsib ǃnâ nî hâ xui-ao.

Mateub 16:21

ǁNās khaoǃgâb ge Jesuba ǁîb di ǁkhāǁkhāsabega ǃgāsase ge mîba, ǁîb nî Jerusalems ǃoa ǃgû ǃkhais tsî mâtib nî ǁnāpa dī-ūhesa. ǁÎb ge ǂnomdomgu,* danapristergu tsî Moseb ǂhanub* di ǁkhāǁkhā-aogu tsîgu xa ǃaromahe hâse tsâ tsî nî ǃgamhe. Tsîb ge ǃnonaǁî tsēs ai ǁōba xu nî khâi.

Mateub 27:63

tsî ge mî: “ǃGôahesatse, sige ge go ǂâihō, ǁnā ǀhôagaob ge ganupeb a ûitsamab hîa mîsa: ‘ǃNona tsēdi khaoǃgâ ta ge ǁkhawa nî khâi.’

Mateub 8:4

Jesub ge ǀgaisaseb ge ǃhoa-ū bis khaoǃgâ ǁîba sîbē tsî ge mî: “Tā khoe-i xare-e nēs xa mîba. ǃGû îts pristeri tawa sī ǁgausen ǂuruts go ǃkhaisa. ǁNās khaoǃgâ Moseb ge mîmā hâ i khami ǁgauǁgaus ase ǀkhaexū-e Tempeli tawa sī-ū, on ge hoana nî ǂan ǂuruǂuruhets go ǃkhaisa.”

Markub 5:43

ǁNās khaoǃgâb ge Jesuba ǁîna ge mîmā khoe-i xare-en nē ǃnaeǃkhais xa ǁgaeba tide ǃkhaisa. Tsîb ge ǃaruǀî ge mî: “ǁÎsa ǂûxū-e mā re.”

Markub 7:36

Tsîb ge Jesuba ǁîna ge mîmā khoe-i xare-en nē ǃnaeǃkhais xa mîba tidesa. Tsî kaiseb ge ǁîna ǃkhâi xawen ge ge ǃnō ǁoa i tsîn ge ǃaruǀîǀgui nēsa ge ǂhôa.

Markub 9:10

Tsî ǁîgu ge Jesub di ǂgansa ǁnâuǀnam tsî ge ūbasen. Xawe gu ge ǁîǃnābe gere dîgu, tare-eb Jesuba “ǁōba xu khâis” ǀkha goro ǂâibasen ǃkhaisa.

Markub 9:8

Tsî gu ge ǁnātimîsi ǁkhāǁkhāsabega ge kōǂnami, xawe gu ge Jesub ǀguiba ge mû.

Lukab 24:46

tsî ǁîn ǃoa ge mî: “Nēti i ge xoamâisa; Xristub ge nî tsâ tsîb ge ǃnonaǁî tsēs ai ǁōba xu nî khâi,

Lukab 9:36

Tsî dommi ge ǃhoatoa, o gu ge Jesub ǀguiba ǁnāpa ge mûmâ. Nēn hoan xa gu ge ge ǃnō tsî ǁnā ǁaeb ǃnâ khoe-i xare-e mû gu gen xa ge mîba tama i.