Markub 8:11 - Khoekhoegowab 2020

¹¹ O gu ge Farisega ǂoaxa tsî Jesub ǀkha ge ǂnoagutsoatsoa. ǁÎgu ge ǁîba ǀhomma xu hâ sao-e gere ǂgaoǀkhā, ǁîba ǃâitsâs di ǂâibasens ǀkha.

Khoekhoegowab Elobmîs 2020

¹¹ O gu ge Farisega ǂoaxa tsî Jesub ǀkha ge ǂnoagutsoatsoa. ǁÎgu ge ǁîba ǀhomma xu hâ sao-e gere ǂgaoǀkhā, ǁîba ǃâitsâs di ǂâibasens ǀkha.

Markub 8:11 Iomraidhean Croise

Eksodus 17:2

ǁNā-amagan ge khoena Moseb ǀkha ge ǂkhaba: “Ā da nî ǁgam-e mā da!” Ob ge Moseba ge ǃeream: “Tare-e du tita ǀkha ra ǂkhababa? Tare-i ǃaroma du ǃKhūba ra ǃâitsâ?”

Eksodus 17:7

Moseb ge nē ǃkhaiba Masa tsî Meriba ti ge ǀonǂgai, Israelǁîn ge ǃKhūb ǀkha ǂkhaba tsî ǁîba nēti ǃâitsâ xui-ao: “ǃKhūba amase sida ǀkhab hâb a?”

Maleaxi 3:15

ǀGapiǂâixa khoen a ǃgâiǃgâxasa da ge ra mû. Tsūdī-aon ge ra ǃgâiǃgâ; ǁîn ge Eloban ra ǃâitsâ, xawe ra ûiǂoa.’ ”

Mateub 12:38

ǁNā ǁaeb ǃnâ gu ge Moseb ǂhanub di ǁkhāǁkhā-aogu* tsî Farisega Jesub ǃoa hā tsî ge mî: “ǁKhāǁkhā-aotse, sao-e ge ge satsa xu ra mû ǂgao, Eloba xuts hâ ǃkhais di ǁgauǁgaus ase.”

Mateub 19:3

ǀNî Farisegu* ge hā tsî sao ra dîs ǀkha Jesuba gere ǃâitsâ ǂgao: “ǂHanu-i a, aob nî ǁîb tarasa xu ǀgorasa, mâ ǃaromas ǀguis ka xawe?”

Mateub 21:23

Tsî Jesub ge ǁkhawa Tempeli ǃoa oahā tsî ǁkhāǁkhātsoatsoa, o gu ge danapristergu tsî ǀnî ǂnomdomgu* ǁaes digu tsîga ǁîb ǃoa hā tsî ge ǂan ǂgao: “Mâpa xuts hō hâ ǁkhāsib ǀkhats nē xūna ra dī? Tari-e satsa ǁnā ǁkhāsiba go mā?”

Mateub 22:15

Tsî gu ge Farisega gere ǀapeǀhao mâ ǀgaub ai gu nî ǁîgu dîdi ǀkha Jesuba ǃnui ǃkhaisa.

Mateub 22:18

Xaweb ge Jesuba ǁîgu di ǂkhaba ǀapede ge ǂan i tsî ge mî: “Sa ǀgamaixago! Tare xū-i ǃaroma go kha ra ǃnui te ǂgao?

Mateub 22:23

Tsî ǁnā tsēs ǁkhās ai gu ge ǀnî Sadusega Jesub ǃoa hā tsî ge mî, khoe-i ǁōba xu a khâi ǁoa ǃkhaisa.

Markub 12:15

Matare ge nî, tamas ka io ǂhâbasa tama-i hâ?” Ob ge Jesuba ǁîgu di ǀgamaixasiba mû tsî ǁîgu ǃoa ge mî: “Tari-e go kha sago di ǀhôagao dîrodi ǀkha ra ǃkhō ǂgao? Denarsa* ǁnâi ǁgau te re, î ta mîba go.”

Markub 2:16

ǀNî Farisegu* Moseb ǂhanub di ǁkhāǁkhā-aogu* digu ge Jesub tsî ǁîb di ǁkhāǁkhāsabegu* ra ǁgui-aimariǃkhōǃoa-aon tsî ǁore-aon tsîn ǀkha ǂûǀhao ǃkhaisa mû, o ǁîb di ǁkhāǁkhāsabega ge dî: “ǁÎba kha mariǃkhōǃoa-aon tsî ǁore-aon tsîn ǀkha ra ǂûǀhao?”

Markub 9:16

Ob ge Jesuba ǁkhāǁkhāsabega ge dî: “Tare-e go kha ra ǂnoagu?”

Lukab 10:25

Tsî mû, ǂanǂansa ǂhanuǂanseb ge ǀgui ǃnā-e khâimâ tsî Jesuba dîǁkhan ǂgao tsî ge dî: “ǁKhāǁkhā-aotse, tare-e ta nî dī, î ta ǀamo ûiba ǀumi?”

Lukab 11:16

ǀNîn ge Jesuba ǃâitsâ ǂgao tsî ǀhomma xu hâ sao-e gere ǂgaoǀkhā.

Johaneb 4:48

Ob ge Jesuba ǁîb ǃoa ge mî: “Sadu ge tātsēs tsîna saodi tsî buruxa dīna du mû tama hîa ǂgom tide.”

Johaneb 6:30

On ge Jesub ǃoa ge mî: “ǁNâi buruxa sao-i mû da nî-e dība da re, sats ǃnâ da nî ǂgom ǃkhaisats ga ǂgao-o.

Johaneb 7:48

“Sage danaǂgaeǂgui-aogu tsî Farisegu tsîn ǃnâ ǁnāti ī ǀgui-e hâ-i a, ǁîb ǃnâ ra ǂgom-e?

Johaneb 8:6

Nēs ǀkha gu ge Jesuba gere ǃâitsâ, î gu ǁîba gu nî ǀhapiǀhapi-ū xū-e hō ǁkhā, xaweb ge Jesuba ǃgamǃgâ tsî ǀkhunub ǀkha ǃhūb ai ge xoa.

ǃNaeǃkhaidi 5:9

Ob ge Petruba Safirasa ge dî: “Tare-i ǃaroma ro kha saro ǃKhūb di Gagaba ǃâitsâsa go mîǁgui? Mû, sa aoba go ǁkhōgu ge dao-ams tawa mâ sas tsîna nî taniǂuise.”

1 Korinteǁîn 10:9

Î da ǁkhāti Xristuba tā ǃâitsâ, ǀnîn ân ge ǃâitsâ bi tsî ǀaon xa ǃgamhe khami.

Deuteronomium 6:16

“Tā Masas tawa du ge dī khami ǃKhūb sadu Eloba ǃâitsâ.