Markub 2:7 - Khoekhoegowab 2020

⁷ “Tare-i ǃaromab nē khoeba ǁnāti ra ǃhoa? ǁÎb ge Eloba ra ǃkhāǃkhā. Elob ǀguib ge ǁorena ǀûba ǁkhā.”

Khoekhoegowab Elobmîs 2020

⁷ “Tare-i ǃaromab nē khoeba ǁnāti ra ǃhoa? ǁÎb ge Eloba ra ǃkhāǃkhā. Elob ǀguib ge ǁorena ǀûba ǁkhā.”

Markub 2:7 Iomraidhean Croise

ǂKhanis Job dis 14:4

Khoe-e xare ǃanuoǃnâ xū-e xu ǃanu-e ūǂui ǁkhā-e? Khoe-i xare-i a ǀkhai!

Psalmdi 130:4

Xawe sats tawas ge ǀûbasa hâ, sats nî ǃaoǃgâhe ǁkhāse.

Jesaja 43:25

Xawe tita ge ǁnāta sadu ǁorena ra ǀariǂui ta; tsî sadu ǁorena ta ge ǃaruǀî ǂâihō tide.

Daniel 9:9

ǃKhū sida Elotse, sats ge ǀkhomxaǃnâ tsî a ǀûbaǀnam, sats ǃoagu da ge mâǃoaxa i xawe.

Mixa 7:18

Sats khami ī Elo-i ge a ǀkhai. Sats ge ǁorena ra ǀûba tsî ûiǃgau hân sa ǁaes din di ǃûǂamsa ǁkhara tama hâ. Sats ge ǀamos kōse ǁaixa hâhâ tama hâ tsîts ge ǀamo ǀnamma ra ǁgau da.

Mateub 26:65

Ob ge ǀgapipristera sarab âba ǀkhau tsî ge ǃau: “Eloǃkhāǃkhā-aotse! Amase da ǃaruǀî ǀhûǀguitimî-aona ǂhâba tama, hoadu go ǁnâu ǁîb di ǃkhāǃkhāsa xui-ao!

Mateub 9:3

Tsî mû, Moseb ǂhanub* di ǁkhāǁkhā-aogu ge ǁîǃnābe ge mî: “Nē khoeb ge Eloba ra ǃkhāǃkhā.”

Markub 14:64

Sago hoago kom nē eloǃkhāǃkhāsa go ǁnâuo, o sago mâti nēs ǂama ra ǀhûǀgui?” O gu ge ǁîba ǁōb ǃoa ge ǀgoraǃgâ.

Markub 2:6

Tsî ǀnî Moseb ǂhanub* di ǁkhāǁkhā-aogu ge ǁnāpa ǂnû tsî ǁîgu ǂgaogu ǃnâ nē xūn xa gere ǂâiǂâisen,

Markub 2:8

ǁNātimîsib ge Jesuba ǁîb di gagas ǃnâ tare-e gu ra ǁîǃnābe ǃhoa ǃkhaisa ge ǂan. Ob ge ǁîgu ǃoa ge mî: “Tare-i ǃaroma go nēti ī xūna sago ǂgaogu ǃnâ ra ǂâi?

Lukab 5:21

Tsî gu ge Moseb ǂhanub* di ǁkhāǁkhā-aogu tsî Farisegu tsîga ǁîǃnābe ge dîgutsoatsoa: “Tariba nēb, Eloba ra ǃkhāǃkhāba? Elob ǀguib kom ǁorena a ǀûba ǁkhāo?”

Lukab 7:49

On ge tāb tawa ge ǂnôa ina ǁîǃnābe ge mîtsoatsoa: “Tariba ǁîba, ob ǁoren tsîna ra ǀûba?”

Johaneb 10:33

On ge Jodeǁîna ge ǃeream bi: “ǃGâi dī-i ǃaroma da ge satsa ǀuiǁhom tama, xawe eloǃkhāǃkhās tsî khoets a hîats ra aitsama elodīsen ǃkhais ǃaroma.”

Johaneb 10:36

mâti du eloǃkhāǃkhās ti ra mî? ǁNāb hîa ǁGûb xa ǃanuǃanuhe tsî ǃhūbaib ǁga sîhe hâb ra ‘Tita ge Elob di Ôa?’ ti mîo.