Markub 2:12 - Khoekhoegowab 2020

¹² Ob ge khâimâ tsî ǁnātimîsi kharob âba ūkhâi tsî hoa khoen ra kō bise ge ǃgûǂoa. Hoaraga khoen ge burugâ tsî Eloba koa tsî ge mî: “Nēsa da ge sida noxopa mû tama ge hâ i!”

Khoekhoegowab Elobmîs 2020

¹² Ob ge khâimâ tsî ǁnātimîsi kharob âba ūkhâi tsî hoa khoen ra kō bise ge ǃgûǂoa. Hoaraga khoen ge burugâ tsî Eloba koa tsî ge mî: “Nēsa da ge sida noxopa mû tama ge hâ i!”

Markub 2:12 Iomraidhean Croise

Mateub 12:23

On ge nē ǂnubis khoena nē ǃkhais Jesub ge dīs xa buru tsî ge dî: “Nēba kha Davidi ôa tamaba?”

Mateub 15:31

Tsî ǁnāpa ge hâ i khoen hoan ge kaise ge burugâ, ǃgome ge in ra ǃhoa, ǃhom ge in ra ǃgû, ǃhora ge in hoaragase a ǂuru tsî ǂgī ge in ra mû ǃkhaisan ge mû xui-ao. Mâ-i hoa-i ge Israeli di Eloba koa tsî ge ǃkhōǀkhā.

Mateub 9:33

ǁGâuab ge ǃhaeǂuitoahes khaoǃgâb ge ǃgomeba ge ǃhoatsoatsoa tsîn ge ǁnāpa ge mâ i ǂnubis khoena buru tsî ge ǂgaiǂui: “Tātsē i ge nēti ī xū-e Israelǁîn ǃnâ ge mûhe tama hâ i.”

Mateub 9:8

Tsî ǂnubis ge nēsas ge mû, o ǃao tsî Elob, ǁnāti ī ǁkhāsiba khoena ge māba, koasa ge mā.

Markub 1:27

Hoaraga khoen ge burugâ tsî ǀûs ose gere mîbagu: “Tare-e nē-e? Nē-i ge nî ǀasa ǀgaisa ǁkhāǁkhāǃnôa i. Nē khoeb ge ǁkhāsib ǀkha ǂkhaba gagan tsîna ra mîmā tsîn ge ra ǁnâuǀnam bi.”

Markub 2:11

“Khâimâ, kharob âtsa ūkhâi îts oms ǁga oa!”

Lukab 13:13

ǁÎb ge ǃomkha âba ǁîs ai ge ǁgui tsîs ge ǁnātimîsi ǂhanuse mâ tsî Eloba ge koatsoatsoa.

Lukab 17:15

Tsî ǁîgu ǀguib ge mû ǂgaub go ǃkhaisa, ob ge ǁkhawa oa tsî Eloba ǃgari dommi ǀkha ge koa.

Lukab 5:26

Hoan ge ǃaob xa ǃkhōhe tsî Eloba koa tsî ge mî: “Nētsē da ge buruxa xūna go mû.”

Lukab 7:16

On ge hoana ǃaob xa hāǂamhe tsî Eloba koa tsî ge mî: “Kai kēbo-aob ge sada ǁaegu go khâi” tsî “Elob ge ǁaes âba go sari.”

Johaneb 7:31

Tsî ǂgui khoen nē ǂnubis ǁaegu ge Tempeli tawa hâ in ge ǁîb ǃnâ ǂgom tsî ge mî: “Xristuba hāb kao, xareb nî nē khoeb ra dī saodi xa ǃnāsa saode dī?”

Johaneb 9:32

ǃHūbaib di tsoatsoasa xu i ge khoe-i xare-e ge tātsē ǁnâuhe tama hâ-i, ǂgīse ǃnae hâ-i di mûra i ge ǁkhowa-am ǃkhaisa.

ǃNaeǃkhaidi 4:21

O gu ge aiǃâb ǁga ǁkhawa ǀgaisase ǁîkha ǃkhâikhom tsî ge ǃgû kai, ǁîgu ge mâti gu nî ǁîkha ǁkhara ǃkhaisa ǀū i xui-ao. ǁKhātin ge hoaraga khoena Eloba koa tsî gere ǃkhōǀkhā,