Markub 11:18 - Khoekhoegowab 2020

¹⁸ Tsî danapristergu tsî Moseb ǂhanub* di ǁkhāǁkhā-aogu tsîgu ge Jesub tsî ǁîb di sîsengu xa ǁnâu, o gu ge mâti gu nî ǃgam bi ǃkhaisa ge ǀapetsoatsoa. Xawe gu ge ǁîba gere ǃao, khoen gere kaise ǁîb tsî ǁîb di ǁkhāǁkhādi xa ǃgâise ǃhoa xui-ao.

Khoekhoegowab Elobmîs 2020

¹⁸ Tsî danapristergu tsî Moseb ǂhanub* di ǁkhāǁkhā-aogu tsîgu ge Jesub tsî ǁîb di sîsengu xa ǁnâu, o gu ge mâti gu nî ǃgam bi ǃkhaisa ge ǀapetsoatsoa. Xawe gu ge ǁîba gere ǃao, khoen gere kaise ǁîb tsî ǁîb di ǁkhāǁkhādi xa ǃgâise ǃhoa xui-ao.

Markub 11:18 Iomraidhean Croise

1 Gao-aogu 21:20

Axab ge nēsab ge mîbahe, o Eliab ǃoa “ǀHao-ū tets go ti khākhoetse?” ti ge dî. Ob ge Eliaba ge ǃeream: “Î, ǀhao-ū tsi ta go. ǃKhūb mûǁae ǂhanu tamana dīsats go māsen

1 Gao-aogu 22:18

Ob ge gao-aob Axaba Josafata ǃoa ge mî: “Mîba tsi tama ta hâ ǁîb tita xa ǃgâi xū-i tsîna kēbo tama tsî tsū xūn ǀguina ra kēbo ǃkhaisa.”

1 Gao-aogu 22:8

Ob ge Axaba ge ǃeream: “ǀGuib ge noxopa hâ, Imlab ôab Mikajaba, xawe ta ge tita ǁîba ǁkhan hâ, tita xab ǀgui ǃgâi xū-i tsîna kēbo tama tsî tsū xūn ǀguina ra kēbo xui-ao.” Josafati ge “Tā ǁnāti mî” ti ge ǃeream.

Jesaja 49:7

Nētib ge ǃKhūb Israels Ore-aob tsî ǁîb ǃAnuba, ǁnāb ǃgamse sorahe hâb, ǁaedi xa ǂharahe hâb tsî ǂgaeǂgui-aogu di ǃgāb ǃoa ra mî: “Gao-aogu ge mû tsî nî khâimâ, gaosagu tsîn ge nî mû tsî ǃKhūb aiǃâ nî ǃhonǁgoa.” ǁÎb a ǂgomǂgomsa, Israels di ǃAnub, ge satsa ǁhûiǂuibasen xui-ao.

Mateub 21:15

Tsî danapristergu tsî Moseb ǂhanub* di ǁkhāǁkhā-aogu tsîgu ge mû, buruxan, ǁîb gere dīn, tsî ǀgôan Tempeli ǃnâ “Hosiana Davidi ôaba” ti ra ǂgai tsî mîna, o gu ge kaise ge ǀara.

Mateub 7:28

Tsî Jesub ge nēna mîtoa, os ge ǂnubisa ǁîb di ǁkhāǁkhāǀgaub xa ge burugâ.

Markub 1:22

Hoaragan ge ǁîb di ǁkhāǁkhāǀgaub xa ge burugâ. ǁÎb ge ǁkhāsib ǀkha gere ǁkhāǁkhā, Moseb ǂhanub* di ǁkhāǁkhā-aogu khamis ose.

Markub 11:32

Tsî ge ga ‘khoena xus’ ti ǃeream, o ge kom ǁaesa ra ǃao-o.” ǁÎgu ge khoena gere ǃao, hoan ge Johaneb a kēbo-ao ti ǂâi hâ i xui-ao.

Markub 12:12

Jesub ge ǁîgu ǃoagu nē ǂkhōsa ǁgam ǃkhaisa gu ge mûǂan, o gu ge Jodeǁîǂgaeǂgui-aoga ǁîba ǃkhōsa gere dītsâ. Xawe gu ge ǂnubis di khoena gere sauaǃnâ tsî gu ge ǁîba ǁnāxū tsî ge ǃgûbē.

Markub 3:6

O gu ge Farisega sinagogeba xu ge ǂoa. Tsî ǁnātimîsi gu ge Jesuba ǃgams ǃaroma ǀapena Herodeb di saoǃgonaogu ǀkha ge dītsoatsoa.

Markub 6:20

Herodeb gere kaise Johaneba sauaǃnâ xui-ao. ǁÎb ge kaise ǂhanu-ai tsî ǃanu i amagab ge ǁîba ǁîb di sâub ǃnâ ge ūhâ, îb tā khoe-i xare-i xa tsûtsûhe. Hoaǁaeb ge Herodeba kaise Johaneb gere ǃhoa xūn xa gere tsūbahe, xaweb ge gere ǃgâ bi.

Lukab 19:47

Jesub ge mâ tsēs hoasa Tempeli ǃnâ gere ǁkhāǁkhā. Danapristergu tsî Moseb ǂhanub* di ǁkhāǁkhā-aogu tsî ǁaes di ǂgaeǂgui-aogu ge Jesuba gu nî ǃgamsa gere ǀape-ôa,

Lukab 2:47

Hoan hîa ǁîba gere ǁnâun ge ǁîb di gā-ai ǃereamdi xa gere burugâ.

Lukab 20:19

Moseb ǂhanub di ǁkhāǁkhā-aogu* tsî danapristergu tsîgu ge gere ǀapeǀhao, Jesuba ǃkhais ai ǃkhōsa, Jesub nē ǂkhōs ǀkha ǁîga gere ǂâibasen ǃkhaisa gu ge hōǃâ amaga, xawe gu ge ǁaesa gere ǃao.

Lukab 4:22

Hoan ge ǁnās ǀkha ǂkhîǂâixa tsî gere buru nē ǃgâi mîdi, ǁîb amsa xu ra ǂoaxadi xa tsîn ge ge mî: “ǁÎba kha Josefi ôa tamaba?”

Johaneb 7:1

Nēn khaoǃgâb ge Jesuba Galileab ǃnâ gere ǃgûma. ǁÎb ge Judeaba xu gere hâbē ǂgao, ǁnāpa gu gere Jodeǁî ǂgaeǂgui-aoga ǁîba ǃgamsa ǀapeǀape xui-ao.

Johaneb 7:19

Moseba sado ǂHanuba mā tamab hâ? ǀGui-i âdu tsîn ge Moseb ǂhanuba* ǃgôa tama! Tare-i ǃaroma du tita ǃgam nîse ra ǃgôaǃgon?”

Johaneb 7:46

“Sige ge tātsēs tsîna ǁnāti ra ǃhoa khoe-e ǁnâu tama hâ!” ti gu ge ǃûi-aoga ge ǃeream.

ǃNaeǃkhaidi 24:25

Tsîb ge Pauluba ǂhanu-aisib, ǁkhaesens tsî ǃgoaxa ǀGoraǃgâtsēs xa ǃhoa, ob ge Feliksa ǃao tsî ge mî: “Aibe ǃgû, ǃgâi ka ǁae-i ai ta nî ǁkhawa ǂgai tsi xuige.”