Josua 9:1 - Khoekhoegowab 2020

¹ Hoaraga gao-aogu Jordanni huriǂoas ǃnâ hâgu, ǃnâuxa ǃhūb, ǂamse ǁgoe ǃhūb tsî Mediteraneahurib amǃgâ ǁgoe ǃhūb, Libanonni kōseb digu ge Israelǁîn di dandi xa ge ǁnâu; ǁnāgu ge Hetǁîn, Amorǁîn, Kanaanǁîn, Perisǁîn, Hivǁîn tsî Jebusǁîn tsîn di gao-ao ge iga.

Khoekhoegowab Elobmîs 2020

¹ Hoaraga gao-aogu Jordanni huriǂoas ǃnâ hâgu, ǃnâuxa ǃhūb, ǂamse ǁgoe ǃhūb tsî Mediteraneahurib amǃgâ ǁgoe ǃhūb, Libanonni kōseb digu ge Israelǁîn di dandi xa ge ǁnâu; ǁnāgu ge Hetǁîn, Amorǁîn, Kanaanǁîn, Perisǁîn, Hivǁîn tsî Jebusǁîn tsîn di gao-ao ge iga.

Josua 9:1 Iomraidhean Croise

2 Samuel 24:7

Tsî gu ge omǂnamisa ǃās Tirus tsî hoa ǃādi Hivǁîn tsî Kanaanǁîn didi tawa ge sī; ǁnāpa xu gu ge Judab di ǃkhawagas ǃnâ Bersebas tawa ge sī.

Eksodus 23:23

Ti ǀhomǃgāb ge sado aimâba tsî Amorǁîn, Hetǁîn, Perisǁîn, Kanaanǁîn, Hivǁîn tsî Jebusǁîn tsîn di ǃhūb tawa nî sī-ū tsî ta ge tita ǁîna nî hîkākā.

Eksodus 23:31

Sadu ǃhūb di ǃhūǀgorade ta ge ǀApahuriba xu Mediteraneahurib kōse tsî Sinaiǃgaroǃhūba xu Eufratǃāb kōse nî khoraǂui. Tita ge ǁnā ǃhūb di ǁanǂgāsabena sadu ǃomgu ǃnâ nî māǁnâ, aitsama du ǁîna nî sauruǂuise.

Eksodus 3:17

ǁÎna ta nî Egipteǁîn di khobosisa xu ǃkhū hâ tsî ǂûtanixa ǃhūb ǁga ǂgaeǂguiǂui ǃkhaisa ta ge ge mîmâi, ǁnā ǃhūb Kanaanǁîn, Hetǁîn, Amorǁîn, Perisǁîn, Hivǁîn tsî Jebusǁîn tsîn ǁanǃnâ hâba.

Eksodus 34:11

Nētsē ta ra mîmā duna ǁnâuǀnam. Mû, o ta ge tita Amorǁîn, Kanaanǁîn, Hetǁîn, Perisǁîn, Hivǁîn tsî Jebusǁîn tsîna sadu aisa xu nî ǁgariǂui.

Numeri 13:29

Amalekǁîn ge ǃhūb di ǃkhawagasǀkhāb ai ǁan hâ; Hetǁîn, Jebusǁîn tsî Amorǁîn tsîn ge ǃhomxa ǀkharib ǃnâ ǁan hâ; tsî Kanaanǁîn ge Mediteraneahurib tsî Jordanǃāb xōǀkhā ǁan hâ.”

Numeri 34:6

“Mediteraneahurib ge huriǂoasǀkhāb di ǃhūǀgoras ase nî ī.

Deuteronomium 1:7

Sadu hâǃkhaiba khôakhâi, î aisǀkhāb ǁga ǃgû. Amorǁîn di ǃhomxa ǃhūb tsî ǁîb ǂnamipe ǁgoe ǀkharigu ǃoa: Jordanǃgoaǃnāb ǃoa, ǃhomxa ǃhūb tsî ǃgoaǃnāb ǃoa, ǃkhawagasǀkhāb di ǀkharib tsî Mediteraneahuri-ammi kōse. Nēb ge Kanaanǃhūba, Libanonǃhomgu nau ǀkhāba xu Eufratǃāb kōse ra sība.

Deuteronomium 3:25

Mā-am te î ta Jordanǃāba ǃgâu tsî nē ǂûtanixa tsî îsa ǃhūb nauǃani ǁgoeb, ǁîb di îsa ǃhomxa ǃhūb tsî Libanonǃhomgu tsîga sī mû.’

Deuteronomium 4:49

Hoaraga ǀkharib aiǂoasǀkhāb Jordanǃāb dib ai ǁgoeb, ǃkhawagasǀkhāb ǂŌxahurib dib kōse tsî aiǂoasǀkhāb Pisgaǃhommi ǂai-ammi kōse ra sīb tsîna ǃkhōǂgā hâ.

Deuteronomium 7:1

ǃAruǀîb ge Moseba Israelǁîn ǃoa ge mî: “ǃKhūb sadu Elob ge ūbasen du nîse ī ǃhūb ǃnâ nî ǂgaeǂguiǂgā du, tsîb ge ǁîba ǂgui ǁaede ǁnāpa xu nî doeǁgaǂui. ǁÎb ge aiǃgû du ra khami sao ra hû ǁaedi, sadu xa kai tsî ǀgaisade nî doeǁgaǂui: Hetǁîn, Girgasǁîn, Amorǁîn, Kanaanǁîn, Perisǁîn, Hivǁîn tsî Jebusǁîn tsîna.

Josua 1:15

ǁîn Jordanni huriǂoas ǃnâ ǁgoe ǃhūb, ǃKhūb ǁîn Elob ge ǁîna māba nî ūbasens kōse. ǁÎb ga Israels ǃhaodi hoade sâsase ǁan kai, o ǀgui go ge sago oaǀkhī tsî sago ǂûgo di ǃhūb, Jordanni aiǂoas ǃnâ ǁgoeb, ǃKhūb di ǃgāb Moseb ge mā gob ǃnâ a ǁan ǁkhā.”

Josua 1:4

Sado ta ge ǃkhawagas ǃnâ ǁgoe ǃgaroǃhūba xu ǀapas Libanonǃhomgu dis kōse ǁgoe ǃhūb hoaragaba nî mā. Sadu ǃhūb ge Eufratǃāb, aiǂoas ǃnâ ǁgoeba xu, Hetǁîn ǃhūb tsîna ǃkhōǂgā hâse, Mediteraneahurib huriǂoas ǃnâ ǁgoeb kōse nî sī.

Josua 10:23

Ob ge ǁhoaba ge ǁkhowa-amhe, tsî gu ge Jerusalems, Hebrons, Jarmuts, Lakis tsî Eglons tsîdi di gao-aoga ǂoaxa-ūhe,

Josua 11:17

Nē ǀkharib ge Halakǃhommi Edoms ǀgūse ǃkhawagas ǃnâ ǁgoeba xu Balgads ǀapas ǃnâ Libanonǃgoaǃnāb ǃnâ Hermonǃhommi ǃkhawagas ǃnâ ǁgoes kōse gere sī. Josuab ge ǂomxa ǁaeba nē ǀkharib di gao-aogu ǃoagu gere torodī, tsîb ge ǁîgu hoaga ǃkhō tsî ge ǃgam.

Josua 13:5

Gebalǁîn di ǃhūb, Libanonni di aiǂoas hoaragas, Balgads Hermonǃhommi ǃkhawagas ǃnâ ǁgoesa xu Hamats ǃgâunas kōse.

Josua 15:12

Mediteraneahurib ge ge huriǂoasǀkhāb di ǃhūǀgora i. Judab ǃhaos di surib ge nē ǀkharib ǃnâ ge ǁan hâ i.

Josua 22:4

ǃKhūb sadu Elob ge mîmâib ge khami sadu ǃgâsan, Israelǁîn ǂkhîb ǃnâ nî ǁan ǃkhaisa ge dī. Nēsi sadu di ǁanǃkhaib ǃoa oa, Jordanni aiǂoasǀkhāb ai ǁgoe ǃhūb, ǃKhūb di ǃgāb Moseb ge mā dub ǃoa.

Josua 23:4

Tita ge noxopa ǃgau hâ ǃhaodi di ǃhūb tsî ǀnai ta ge hîkākā ǃhaodi dib tsîn hoana sadu dise ge mā, Jordanǃāb aiǂoas ǃnâ ǁgoeba xu Mediteraneahurib huriǂoas ǃnâ ǁgoeb kōse.

Josua 24:11

Jordanna ǃgâu tsî du ge Jerixos ǃnâ ge hā. Jerixos di aogu ge sadu ǃoagu ge ǃkham; ǁnās ǁkhās xasen ge Amorǁîn, Perisǁîn, Kanaanǁîn, Hetǁîn, Girgasǁîn, Hivǁîn tsî Jebusǁîn tsîna ge dī, xawe ta ge ǁîn hoan ǂama dansa ge mā du.

Josua 3:10

ǁÎb ge ǀgū du ra khami Kanaanǁîn, Hetǁîn, Hivǁîn, Perisǁîn, Girgasǁîn, Amorǁîn tsî Jebusǁîna nî ǁgariǂui. Ûitsama Elob sadu ǁaegu hâ ǃkhaisa du ge nî ǂan,

Josua 3:17

ǁAes ǃāba ǂnâsa ǃhūb ai ra ǃgâu hîa gu ge ǃKhūb di ǃGaeǀhaos ǂgaesa ra tani pristerga ǂnâsa ǃhūb ai, ǃāb ǁaegu ge mâ i, hoaraga ǁaes ge ǃgâutoas kōse.

Josua 5:1

Amorǁîn di gao-aogu, Jordanni huriǂoasǀkhāb ai hâgu hoagu tsî Kanaanǁîn di gao-aogu, Mediteraneahurib ǀgūse hâgu hoagu tsîn ge ǃKhūb ge Jordanna a ǂnâ kai Israelǁîn nî ǃgâutoas kōse ǃkhaisa ge ǁnâu. ǁÎgu ge kaise ǃao tsî Israelǁîn xa ge ǂkhabuǂâi.

Josua 6:27

ǃKhūb ge Josuab ǀkha ge hâ i tsîb ge Josuaba hoaraga ǃhūb ǃnâ kaise ge ǂansa.

Josua 9:7

Xawen ge Israelǁîna ge mî: “Tare-i ǃaroma da sadu ǀkha ǃgaeǀhao-e nî dī? ǀNîsi du ge sado nēpa ǀgūse ǁan hâ.”