Josua 8:2 - Khoekhoegowab 2020

² Jerixos tsî ǁîs di gao-aob ǀkhats ge dī khamits ge Ais tsî ǁîs di gao-aob ǀkha nî dī, xawe nē ǃnāsats ge ǁîs di xūn tsî ǂgarib tsîna a ūbasen ǁkhā. ǀNî toroǃkhamaoga ǂganǃgâsase ǃās ǃgâb ai hâ kai, î gu ǃāsa ǃgâbǀkhāba xu ǁnāǂam.”

Khoekhoegowab Elobmîs 2020

² Jerixos tsî ǁîs di gao-aob ǀkhats ge dī khamits ge Ais tsî ǁîs di gao-aob ǀkha nî dī, xawe nē ǃnāsats ge ǁîs di xūn tsî ǂgarib tsîna a ūbasen ǁkhā. ǀNî toroǃkhamaoga ǂganǃgâsase ǃās ǃgâb ai hâ kai, î gu ǃāsa ǃgâbǀkhāba xu ǁnāǂam.”

Josua 8:2 Iomraidhean Croise

2 Kroniks 13:13

Jerobeammi ge ǀnî toroǃkhamaogu âba ge sî, î gu Judab di toroǃkhamaoga ǃgâbǀkhāb ai sī ǁgoeǃgâ, naugu ǁîga aisǀkhāba xu ra ǃoa hîa.

2 Kroniks 20:22

ǁÎgu ge ǁnaetsoatsoa, ob ge ǃKhūba kai ǃhuriba Amonǁîn tsî Moabǁîn tsî Edomǁîn di toroǂnubis ǂama ge hā kai.

Psalmdi 39:6

Khoe-i ge som-i khami ra ǃgûma tsîn ge xū-i ama tama ra ǀhupu. ǃKhūsiban ge ra ǀhaoǀhao, tari-i nî ū ǃkhais tsîna ǀūse.

ǂKhoamîdi 13:22

ǃGâi khoe-i ge ǁî-i ǁnuriǀgôana ǀumisa ra ǃgoroba, xawe ǁore-ao-i ǃkhūsib ge ǂhanu-ai khoena ra ǁguiribahe.

ǂKhoamîdi 28:20

ǂGomǂgomsa khoeb ge ǀkhaegu xa nî ǃkhū, xawe ǃkhūsib ǃaroma ra ǃnoe khoe-i ge nî ǁkharahe.

Jeremia 17:11

Anis hîa ǁîs ǁgoe tama ǃupuna ra ǂnû-ais ǁkhās khamib ge ǂhanuoǃnâse ra ǃkhūsiba hōba ī; ǁîb tsēdi ǁaegub ǃnân ge ǁîba nî ǁnāxū tsî ǀams âb aib ge gâse nî ī.

Jeremia 51:12

Babilons di ǂnubiǂgoagu ai ǃkhauba ǃkhā. ǃÛisa ǀgaiǀgai, ǃûi-aoga mâi, ǂapoǃkhaide ǂhomi. ǃKhūb ge mîb ge khami Babilons ǁanǂgāsaben ǀkha nî dī.

Deuteronomium 2:35

ǀGoan tsî goman tsî hîǀhuru da ge ǃādi di ǁuib ǀguiba da ge ge ūbasen.

Deuteronomium 20:14

Xawe tarekhoedi, ǀgôan, goman, ǀgoan tsî hoaraga xūn hîa a ūhe ǁkhān, ǃās ǃnâ hân hoana ūbasen î sîsenū, ǃKhūb sadu Elob go mā du xui-ao.

Deuteronomium 3:2

Xaweb ge ǃKhūba tita ǃoa ge mî: ‘ǁÎba tā ǃao. Tita ge ǁîb, toroǃkhamaogu âb tsî ǁîb ǃhūb tsîn hoana sado nî māǁnâ. Amorǁîn gao-aob Sihonni, Hesbons dib tsî ǁîb di khoen hoana du ge hîkākā khami, ǁîb tsîna hîkākā.’

Josua 10:1

Jerusalems gao-aob Adonisedeki ge Josuab ge Aisa dan tsî hoaragase hîkākā tsî ǁîs di gao-aoba a ǃgam, Jerixos tsî ǁîs di gao-aob ǀkhab ge dīs ǁkhās khami ǃkhaisa ge ǁnâu. ǁKhātib ge Gibeons khoen Israelǁîn ǀkha ǂkhîba dī tsîb ǁîn ǀkha ǁanǀhao hâ ǃkhais tsîna ge ǁnâu.

Josua 10:28

Josuab ge ǁnā tsēs ǁkhās ai Makedasa ǁnāǂam tsî ǁîs gao-aob tsîna ge ǃkhō. ǁÎb ge ǃās ǃnâ hâ khoen hoana ge ǃgam, ǀgui-i tsîn ge ûiǂoa tama ge i. ǁÎb ge Makedas gao-aob ǀkha Jerixos gao-aob ǀkhab ge dī hâ i khami ge dī.

Josua 11:14

Israelǁîn ge hoaraga ǃgomǀgausa xūn tsî ǂgarib tsîn hoana ǁnā ǃāde xu ge ūbasen, xawe hoaraga khoena, ǀgui-i tsîn ûiǃgau tamase ge ǃgam.

Josua 6:21

ǁÎgu ge ǃās ǃnâ hâ khoen hoana ge ǃgam, aorekhoegu tsî tarekhoedi, ǂkhamn tsî kairan tsîna. ǁKhāti gu ge goman, gūn tsî dâukin tsîna ge ǃgam.

Josua 8:12

Josuab ge ǁaubexa koroǀoadisi nî ī khoega ū tsî ǁîga gaugausen hâse ge hâ kai, ǃās di huriǂoasǀkhāb ai, Ais tsî Betels tsîra ǁaegu.

Josua 8:14

Ais di gao-aob ge Josuab aogab ge mûo kaise ge ǃhae. ǁÎb tsî ǁîb khoegu tsîn ge Jordanǃgoaǃnāb ǁga ge ǂoa, Israelǁîgu ǃoagu gu, ǂguro gu ge ǁîgu ǃoagu ǃkham hâ i ǃkhais ǁkhās ai nî ǃkhamse. ǁÎb ge ǃgâbǀkhāba xu gu nî ǁnāǂamhe ǃkhaisa ge ǀū i.

Josua 8:19

Tsî Josuab ǃommi âba ra ūkhâi, hîa gu ge gaugausen ge hâ i aoga ǃhaese khâimâ tsî ǃās ǃnâ ǃkhoeǂgâ tsî ǁîsa ge ū. ǁÎgu ge ǁîsa ǁnātimîsi ge ǃkhāǂhubi.

Josua 8:24

Israelǁîgu ge ǁîga ge sauruǃgon khākhoegu hoaga ǃgaroǃhūb ǃnâ ge ǃgam, tsî gu ge ǁnāpa xu Ais ǁga oa tsî ǁnāpa hoaraga khoena sī ge ǃgam.

Josua 8:3

Ob ge Josuaba ge ǂhomisen, ǁîb toroǃkhamaogu hoagu ǀkhab Ais ǃoa nî ǃgûse. ǁÎb ge ǃnonadisiǀoadisi ǁkhoaǂgaoxa aoga ǁhûiǂui tsî ǁîga tsuxuba ge sî,

Josua 8:7

O go ge sago gau go hâpa xu ǂoaxa tsî ǃāsa nî ǂgâǃnâ. ǃKhūb sago Elob ge ǁîsa nî mā go.

Josua 8:8

ǃĀs ǃnâ go ǂgâ, o go ge ǁîsa nî khauǃkhū, ǃKhūb ge mîmā hâ is ǁkhās khami. Nēdi ge sago ǁguiǂamde.”

Josua 8:9

ǁNātib ge Josuaba ǁîga ge sîǂui tsî gu ge ǁîgu gauǃkhais ǁga ǃgû tsî ǁnāpa sī ge ǃâu, Ais di huriǂoas ǃnâ, Ais tsî Betels tsîra ǁaegu. Josuab ge ǁnā tsuxuba hâǃkhaib ǃnâ ge hâ.

Josua 9:3

Xawe Gibeonǁîn ge tare-eb ge Josuaba Jerixos tsî Ais tsîra ǀkha a dī ǃkhaisan ge ǁnâuo,