Josua 8:1 - Khoekhoegowab 2020

¹ ǃKhūb ge Josuab ǃoa ge mî: “Hoaraga toroǃkhamaoga ūsao, î Aisa ǁnāǂam. Tā ǃao tamas ka io ǂkhabuǂâi. Tita ge Ais di gao-aob ǂama dansa nî mā tsi; ǁîb di khoen, ǃās tsî ǃhūb tsîn hoan ge nî sa.

Khoekhoegowab Elobmîs 2020

¹ ǃKhūb ge Josuab ǃoa ge mî: “Hoaraga toroǃkhamaoga ūsao, î Aisa ǁnāǂam. Tā ǃao tamas ka io ǂkhabuǂâi. Tita ge Ais di gao-aob ǂama dansa nî mā tsi; ǁîb di khoen, ǃās tsî ǃhūb tsîn hoan ge nî sa.

Josua 8:1 Iomraidhean Croise

Psalmdi 27:1

ǃKhūb ge ti ǃnā tsî a ti ǃgâiǃō; khoe-i xare-e ta ǃao tide. ǃKhūb ge hoa ǃaorosasina xu ra sâu te; tsî ta tātsē ǃao tide.

Psalmdi 44:3

Gôab ǀkha tamas ge ǃhūba gu ge ūbasensa, tsî ǁôab âgu ge ǁîga dansa mā tama hâ. Sa amǀkhāb ǃommi tsî ǁôab, tsî sa ais di ǃnâb ge ǁnāsa ge dī. ǁÎn ǃnâts ge ǃgâiǃgâibasensa ge ūhâ i.

Psalmdi 46:11

ǃKhūb Hoaǀgaixab ge hâǀkhā da Jakob Elob ge a sida di ǁhaiǁhâǃkhai.

Jesaja 12:2

Amase, Elob ge a ti Ore-ao; tita ge ǁîba nî ǂgomǃgâ tsî ǃao tide. ǃKhūb Elob ge a ti ǀgai tsî ǃgareǀui; ǁîb ge a ti Ore-ao.

Jesaja 43:2

ǁGammi ǃnâ-uts ga ǃkharu, o ta ge sats ǀkha nî hâ; ǃāgu tsîn ge dâuǂam tsi tide. ǀAes ǃnâ-uts ga ǃkharu, xawets ge ǂhubi tide, tsî ǀaeǁhabub on ge ǂhubi tsi tide.

Jeremia 46:27

“Xawe sats ti ǃgāts Jakotse tā ǃao, sats Israeltse tā ǂkhabuǂâi. Tita ge ǃnū ǃhūba xu nî huiǂui tsi; tita ge sa suriba ǃkhōsis ǃnân hâ, ǃhūba xu nî huiǂui. Jakob surib ge oa tsî ǃnorase tsî sâsase nî hâ, tsî khoe-i xare-i xa ǃhuriǃhurihe tide.

Jeremia 49:3

Hesbonse ā re Ais hîkākāhe hâ xuige. Ā re saso Rabas taraso. ǃOab sarana ana, î ǃgae tsî ǂnubiǂgoagu ǁaegu ǃkhoema, Milkommi ǁîb pristergu tsî ǂamkhoegu tsîn ǀkha ǃkhōsabese ūǃgûhe hâ xuige.

Daniel 2:21

ǁÎb ge ǁaegu tsî kamaga ra ǀkharaǀkhara; ǁîb ge gao-aoga ūǁnâ tsî gao-aoga ra mâi; ǁîb ge gā-aina gā-aisiba ra mā tsî ǂansa ǁnâuǃāxana.

Daniel 4:25

Sats ge khoena xū nî ǃhaebēhe tsî xamarin ǀkha nî hâ. Hû kurigu ǁaebats ge goman khami ǀgâna nî ǂû tsî tsuxuba ǀaub xa nî ǀâǀâhe. Ots ge Hoan xa ǀGapi Elob, ǃhūbaib di gaosigu hoagu ǂama ǀgaiba ūhâ tsîb ǁîga ǂgaob ra khoe-i hoa-e ra māsa nî mûǂan.

Daniel 4:35

ǃHūbaib ai hân hoan ge xū tama hâ; ǀhommi ǃnâ hâ ǀhomǃgāgu tsî ǃhūbaib ai hâ khoen tsîn hoan ge ǁîb ǀgaib ǃnaka hâ. Khoe-i xare-i ge ǁîb ǂâisa mâǃoa tamas ka io tare-eb ra dīsa dî bi ǁoa.

Mateub 8:26

Ob ge ǁîgu ǃoa ge mî: “Tare-i xa go ra ǃao, sa ǂkhariǂgomxago?” Ob ge khâi tsî ǂoab tsî ǃgabigu tsîna ge ǃgabe, tsîb ge kai ǃnōsasiba ge hā.

Deuteronomium 31:8

ǃKhūb ge sa aiǃâ ǃgû tsî sats ǀkha nî hâ. ǁÎb ge ǁnāxūǃgâ tsî ǁnāxū tsi tide, ǁnā-amaga tā ǃao tsî ǃhuri.”

Deuteronomium 7:18

ǁÎna tā ǃao; tare-eb ǃKhūb sadu Eloba Faraob tsî hoaraga Egipteb tsîna ge dī-ū ǃkhaisa ǂâihō re.

Deuteronomium 7:21

ǁNā-amaga tā ǁîna ǃao. ǃKhūb sadu Elob sadu ǀkha hâb, kai tsî a hoaǀgaixa Elo xuige.

Josua 1:9

ǀGai, î ǁkhoaǂgaoxa, ti ta ge ra mîmā tsi. Tā ǃao tamas ka io ǂkhabuǂâi, tita ǃKhūta sa Elota ǃgûts ka ǃkhai-i hoa-i ai sats ǀkha hâ xuige.”

Josua 10:7

O gu Josuab tsî ǁîb di toroǂnubis hoas, ǁkhoaǂgaoxa toroǃkhamaoga ǃkhōǂgā hâga Gilgalsa xu ge ǃgûǂoa.

Josua 10:8

ǃKhūb ge Josuab ǃoa ge mî: “Tā ǁîgu xa ǃao. Tita ge ǀnai dansa go mā tsi. ǀGuib ǁîgu dib tsîn ge sa ǃoagu mâ ǁkhā tide.”

Josua 2:24

tsî ge mî: “ǃKhūb ge amase nē ǃhūb hoaragaba sada go mā. Hoaraga khoen ge kaise sada xa ra ǃao.”

Josua 6:2

Ob ge ǃKhūba Josuab ǃoa ge mî: “Tita ge Jerixosa ǁîs di gao-aob tsî ǁkhoaǂgaoxa toroǃkhamaogu ǀkha satsa nî māǁnâ.

Josua 7:9

Kanaanǁîn tsî ǃhūb ǃnâ hâ khoen hoan tsîn ge nēs xa nî ǁnâu. ǁÎn ge xāǂgā tsî nî ǃgamǂui da. O tare-ets sa ǀons di ǃgôasib ǃaroma nî dī?”