Josua 7:5 - Khoekhoegowab 2020

⁵ Ais aogu ge ǁîga ǃās di dao-amsa xu ǀuixa ǃkhaib kōse ǃgôaǃgon tsî ǁaubexa ǃnonadisiǃnaniǀa aogu ǁîgu diga ǃhama ǃkhaib ai ge ǃgam. Israelǁîn ge ǂkhabuǂâi tsî kaise ge ǃao.

Khoekhoegowab Elobmîs 2020

⁵ Ais aogu ge ǁîga ǃās di dao-amsa xu ǀuixa ǃkhaib kōse ǃgôaǃgon tsî ǁaubexa ǃnonadisiǃnaniǀa aogu ǁîgu diga ǃhama ǃkhaib ai ge ǃgam. Israelǁîn ge ǂkhabuǂâi tsî kaise ge ǃao.

Josua 7:5 Iomraidhean Croise

Psalmdi 22:14

Ti ǀgaib ge ǀkhai, ǃhūb ai ǁhōxūhe hâ ǁgam-i khami ta ge ī; hoaraga ǂkhōn âtan ge uniǁaede xu ǀgora hâ, ǂgaob âtab ge tsunitsunihe hâ ǂnuruǁnui-i khami ī.

Psalmdi 58:7

An ǁgam-i khami dâubē re, an ǁîǁhain, daob ǃnâ hân khami dāǂkhūǂkhūhe.

Jesaja 13:7

Hoaraga khoen ge xū-e dī ǁkhā tide, mâ-i hoa-i ǂgaob ge ǃaob xa nî ǃkhōǃnamihe.

Esekiel 21:7

Tsî sats ǃoan ga, ‘Tarexats ra ǀhâimâinǀom’ ti a mî, ots ge nî mî: ‘ǂHôas ra hā xui-ao. ǁÎs ga hā, ob ge mâ ǂgaob hoaba nî ǂkhabu, tsî ǃomgu hoagu ge nî ǃopo tsîs ge mâ gagas hoasa nî ǂkhabuǂâi tsîs ge mâ ǁgoas hoasa ǁgam-i khami nî ǂkhabu. Mû ǁîs ge ra hā tsîs ge nî ī,’ ” tib ge ǃKhūb Eloba ra mî.

Levitikus 26:36

“ǁNān ǃkhōsis ǃnâ hâna ta ge ǁnāti nî ǃao kai, în haiǂnareb, ǂoab xa ra ǃgomheb di ǀōb tsîna ǃkhoeni. Torob ǃnâ sauruhe hâ khami du nî ǃkhoe tsî du nî sadu khākhoeb ǀkhaipa ǁnāǃansen.

Nahum 2:10

ǃĀs ge ǃnariǂuiǃnâhe, ǀkhaiǃnâ tsî a hîkākāsa. ǁAnǂgāsaben âs ge ǂkhabuǂâi hâ, ǁgoadi ge ra ǀkhū, ǃnāb ân ge ra tsû; aidi hoadi ge ǀhai hâ.

Deuteronomium 1:44

Xawen ge Amorǁîn ǃhomxa ǃhūb ǃnâ ge ǁan hâ ina ǃhabun di ǂhoms khami sado ǂnû-ai tsî Edomsa xu Hormas kōse sauruǀgaruǀgaru tsî ge hîkākā.

Josua 2:11

ǁNāsa da ge ǁnâu, o da ge kaise ge ǃao. Sida hoada ge sadu xa kaise ge ǂkhabuǂâi. ǃKhūb sadu Elob ge ǀgapise ǀhommi ǃnâ tsî nēpa ǃhūbaib ai a Elo.

Josua 2:9

tsî ge mî: “ǃKhūb ge nē ǃhūba sado a mā ǃkhaisa ta ge ǂan; ǃhūb di khoen hoan ge sadu xa kaise ra ǃao.

Josua 5:1

Amorǁîn di gao-aogu, Jordanni huriǂoasǀkhāb ai hâgu hoagu tsî Kanaanǁîn di gao-aogu, Mediteraneahurib ǀgūse hâgu hoagu tsîn ge ǃKhūb ge Jordanna a ǂnâ kai Israelǁîn nî ǃgâutoas kōse ǃkhaisa ge ǁnâu. ǁÎgu ge kaise ǃao tsî Israelǁîn xa ge ǂkhabuǂâi.