Josua 7:1 - Khoekhoegowab 2020

¹ Israelǁîn ge tān Jerixosa xu hîkākāhe nîse ī xūn xa xū-i xare-e ū, tin ge ǃKhūb xa mîmāhe mîmāsa ge ǁnâuǀnamoǃnâ. Akan ti ǀon hâ khoeb ge nē mîmāsa ge ǁnâuǀnamoǃnâ, ǁnā-amagab ge ǃKhūba Israelǁîna kaise ge ǁaixaǂam. (Akanni ge Karmib ôa tsî Sabdib ǁnuri ge i, tsîb ge Serab surib, Judab ǃhaos diba xu ge hâ i.)

Khoekhoegowab Elobmîs 2020

¹ Israelǁîn ge tān Jerixosa xu hîkākāhe nîse ī xūn xa xū-i xare-e ū, tin ge ǃKhūb xa mîmāhe mîmāsa ge ǁnâuǀnamoǃnâ. Akan ti ǀon hâ khoeb ge nē mîmāsa ge ǁnâuǀnamoǃnâ, ǁnā-amagab ge ǃKhūba Israelǁîna kaise ge ǁaixaǂam. (Akanni ge Karmib ôa tsî Sabdib ǁnuri ge i, tsîb ge Serab surib, Judab ǃhaos diba xu ge hâ i.)

Josua 7:1 Iomraidhean Croise

Genesis 34:27

ǁNās khaoǃgâ gu ge nau ǀgôagu Jakob diga nē ǃgamhe go gu ai sī tsî ǃāsa hîkākā tsî xūna ge ǁkhâu, ǁîgu ǃgâsas ge ǃgôaoǃnâ kaihe ǃkhais di ǀkhaos ase.

2 Samuel 24:1

ǁKhawab ge ǃKhūba Israeli ǀkha ǁaixa tsî Davida ǁîn ǃoagu khâikhâiǃnâ tsî ge mî: “ǃGû, îts Israeli tsî Judab tsîkha khoena sī ǃgôakhâi.”

2 Gao-aogu 5:24

Elisab ge ǁan hâ i ǃnâus tawa gu ge sī, ob ge Gehasiba xūna ǁîkha xu ū tsî oms ǃnâ ge ǂgâ-ū. ǁNās khaoǃgâb ge Naamanni ǃgākha ge sî-oa.

1 Kroniks 21:7

Elob ge Davidi ge dī dīb ǀkha ge ǂkhîoǃnâ tsî ǁnā-amaga Israela ge ǁkhara.

2 Kroniks 24:18

ǁNātin ge khoena ǃKhūb, ǁîn aboxagu di Elob Tempeli ǃnâ ǀgoreǀîǀû tsî ǁgôa-elo-īgu tsî Aseras īgu tsîna ge ǀgoreǀîtsoatsoa. ǁÎn di ǁoreb ge ǃKhūb di ǁaib ge Judab tsî Jerusalems tsîra ǂama hā ǃkhaisa ge ǃaroma.

Esra 9:6

tsî ge ǀgore: “Ti Elotse, taob xa ta ge sa ǃoas tsîna kōkhâi ǁoa. Sida ǁoren ge sida danade ra īǂam; ǁîn ge ǀhommi kōse a ǀgapi.

ǂKhanis Job dis 35:8

Sa ǂkhabasib ge sats khami ī khoe-e ra tsâǀkhā tsîb ge sa ǂhanu-aisiba, ǀkhara khoena ra hui.

Aoǁnâ-aob 9:18

Gā-aisib ge torob di ǁâtanin ǃgâ-ai a ǃgâi, xawe ǀgui ǁore-ao-i ge ǂgui ǃgâi xūna a hîkākā ǁkhā.

Daniel 9:7

ǃKhūtse, sats ge a ǂhanu-ai, xawe sida ge ǁî-aitsama taosiba sida ai ge hā-ū tsî Judab khoen ǂama, Jerusalems din ǂama tsî hoaraga Israelǁîn, ǀgū tsî ǃnū ǃhūgu ǃnâ ge sats xa ǁîn di ǃûǂams ǃaroma ǀgaruǀgaruhen ǂama.

Levitikus 10:6

Moseb ge ǃaruǀî Aronni tsî ǁîb ôakha Eleasari tsî Itamari tsîgu ǃoa ge mî: “Tā sago danade kam tama is tsî saran âgo ǀkhausa dītsâ, nēs nî sago tsîn ra ǃoa ǃkhaisa ǁgauǂui xuige. ǃOa go ka, o go nî ǁō, tsîb hoaraga ǁaib ǃKhūb diba hoaraga ǀhûhâsib ai nî hâ xuige. Xawe sago di Israelǁî ǃgâsan hoan ge ǃKhūb ge ǀaes ǀkha a ǃgam khoekha ǃaroma a ǃoa ǁkhā.

Jona 1:7

O gu ge sîsenaoga ge mîǀîgu: “A ge ǀkhūsa ao, î ge tarib ǃaromab nē tsūǃgâba sage ǂama ra hāsa ǂanǂui.” O gu ge ǁnāti ge dī tsîs ge ǀkhūsa Jonab ai ge ǁnā.

Josua 22:16

tsî hoaraga ǀhûhâsib ǃKhūb dib ǀons ǃnâ ǁîn ǃoa ge mî: “Tare xū-i ǃaroma du nē tsū xū-e Israeli di Elob ǃoagu go dī? Nē altarsa ǂnubibasens ǀkha du ge ǃKhūb ǃoagu go mâǃoaxa. Sadu ge ǃaruǀî ǁîba saoǃgon tama hâ.

Josua 22:18

Nēsi du ǁîba saoǃgonsa nî ǂkhā? Nētsē du ga ǃKhūba a mâǃoa, ob ge ǁîba ǁari Israeli di khoen hoan ǀkha nî ǁaixa.

Josua 22:20

ǂÂi-oa re mâtib ge Serab ôab Axanna hîkākāhe nîse ī xūn ǂama hâ mîmāsa ǁnâuǀnamoǃnâ ǃkhaisa; hoaraga ǀhûhâsib Israels dib ge ǁnās ǃaroma ge ǁkharahe. Akanni ǀgui tamab ge ǁîb di ǁoreb ǃaroma ge ǁōba.”