Josua 4:6 - Khoekhoegowab 2020

⁶ Nē ǀuidi ge khoena ǃKhūb di dīgu xa nî ǂâiǂâiǃnâ. ǀGôan âdu ga ǃgoaxaǁaeb ǃnâ tare-e di nē ǀuide sadu ǃaroma ra ǂâibasen ǃkhaisa a dî,

Khoekhoegowab Elobmîs 2020

⁶ Nē ǀuidi ge khoena ǃKhūb di dīgu xa nî ǂâiǂâiǃnâ. ǀGôan âdu ga ǃgoaxaǁaeb ǃnâ tare-e di nē ǀuide sadu ǃaroma ra ǂâibasen ǃkhaisa a dî,

Josua 4:6 Iomraidhean Croise

Psalmdi 44:1

Elotse, sida ǂgaedi ǀkha da ge ge ǁnâu, sida aboxan ge sida ge ǁgamba. ǁÎn di tsēdi ǃnâ, ǃkharu ge tsēdi ǃnâts gere satsa dī xūna.

Psalmdi 71:18

Tsî ǁkhāti kairasis tsî ǀhaiadanasis kōse Elotse tā ǁnāxū te re; sa ǀgaiba ta nē suriba mîba tama hîa, sa ǁkhāsiba, ǁnā surib hîa nî hāba.

Eksodus 12:14

Nē tsēs ge sadu di ǂâiǂâisentsēs ase ī tsî hoaǁae hā nî surib hoab xa ǃKhūb di tsēs ase nî tsēdīhe.

Eksodus 13:14

Tsî ǃgoaxaǁaeb ǃnâb ga sadu suriba ‘Tare-i ǃaroma du nē ǁâudība ra tsēdī?’ ti a dî du, o du ge ‘ǃKhūb ge ǁîb ǀgaisa ǃommi ǀkha sida Egipteba xu ge ǂgaeǂguiǂui’ ” ti nî ǃeream.

Eksodus 13:9

Nē ǁâudīb ge sadu ǃomgu tsî ǃūdi ai ǂâiǂâisao-i ase nî ī; î du ǃKhūb di ǂhanuba hoaǁae ǂan tsî ǁkhāǁkhāgu. ǃKhūb ge ǁîb di ǀgaisa ǃommi ǀkha Egipteba xu ǂgaeǂguiǂui du xui-ao.

Eksodus 31:13

“Israelǁîna mîba în Sabbattsēsa khai, nēs ǃgoaxa surigu ǃaroma ǁîn tsî tita tsîn ǁaegu hâ saos ase ī, tsî ǃKhūb ge ǁîb di khoen ase dī du ǃkhais di ǁgauǁgau xui-ao.

Jesaja 38:19

Ûib ǃnâ hân, ûitsaman ge ra gangan tsi, nētsē ta ra dī khami. ǁGûgu ge sa ǂgomǂgomsasiba ǀgôana ra ǂanǂan.

Jesaja 55:13

Siprehaidi ge ǁkhūn ǃās ǃnâ nî ǁhai; mirdehaidi ge ǀkhininin ǃās ǃnâ nî ǁhai. Nēs ge ǃKhūb di ǂâiǂâisen xūse nî ī, ǀamo sao-i hîa ǀariǂuiheǁoa-i ase.”

Esekiel 20:12

ǁKhāti ta ge ǁîna ti Sabattsēsa ge mā, tita tsî ǁîn ǁaegu hâ ǃgaeǀhaos di saos ase, tita ǃKhūta ǁîna ge ǃanuǃanu ǃkhaisan nî ǂanse.

Esekiel 20:20

ǁKhāti ti Sabattsēsa khai, îs ǁîsa ǁgauǁgaus ase tita tsî sadu ǁaegu hâ, î du tita ǃKhūta a sadu Elo ǃkhaisa ǂan.’

Numeri 16:38

ǃKhūb di altars ai gu ra ǁguibahe ǁaeb ai gu ge ra ǃanu. ǁNā-amaga, ǁîgu ǁoren ǃaroma ge ǃgamhe khoegu ǀaepanga ū, î ǂnauǂhabaǂhaba tsî altars ǃaroma ǃgū-aiba kuru. Nēs ge Israelǁîn ǃaroma ǃkhâikhoms ase nî ī.”

ǃNaeǃkhaidi 2:39

Nē mîmâis ge sadu tsî sadu ôan tsî ǁnān ǃnūse hân, ǃKhūb sada Elob xa ǂgaihe hâna ǃoa hâ” ti ge mî.

Deuteronomium 11:19

ǁÎde hoaǁae sadu ǀgôana ǁkhāǁkhā tsî ǁguiǃgâba, nēsits ga oms ai hâs, daob aits ga hâs, sâts kas tsî sîsenni ǃnâts ga hâs hoasa.

Josua 22:27

xawe ǁgauǁgaus ase sida tsî sadu tsîn ǃaroma tsî sada khaoǃgâ nî hā surib ǃaroma, î da ǃKhūba ǁîb di ǃanu Tentommi aiǃâ ǀgoreǀî, sada khauǁguibadi tsî ǂāǁguibadi tsî ǂkhîbagusǁguibadi ǀkha. ǁNās ge sadu ôan sida dina ǃoa ‘sadu ge dīxū-e ǃKhūb ǀkha ūhâ tama hâ,’ ti mî ǃkhaisa nî ǁkhae.

Josua 4:21

Tsîb ge Israelǁîn ǃoa ge mî: “ǃGoaxaǁaeb ǃnân ga sadu ôana dî du, tare-e di nē ǀuide ra ǂâibasensa,

Josua 4:5

tsî ge mî: “ǃGaeǀhaos ǂGaes ǃKhūb, sadu Elob dis aiǃâ Jordanni ǁaegub kōse ǃgûǂgâ, îb mâb hoab âgo ǀgui ǀuisa ǃhōs ai ūkhâi, ǀguisa mâ ǃhaos Israels dis hoas ǃaroma.