Josua 13:9 - Khoekhoegowab 2020

⁹ ǁÎn di ǀkharib ge Aroers, Arnonǃgoaǃnāb amǃgâ ǁgoes tsî ǁnā ǃgoaǃnāb ǃnâ ǂnôa ǃās kōse gere sī tsî hoaraga ǀgapib Medebasa xu Dibons kōse ra sība ge ǃkhōǂgā hâ i.

Khoekhoegowab Elobmîs 2020

⁹ ǁÎn di ǀkharib ge Aroers, Arnonǃgoaǃnāb amǃgâ ǁgoes tsî ǁnā ǃgoaǃnāb ǃnâ ǂnôa ǃās kōse gere sī tsî hoaraga ǀgapib Medebasa xu Dibons kōse ra sība ge ǃkhōǂgā hâ i.

Josua 13:9 Iomraidhean Croise

2 Samuel 24:5

ǁÎgu ge Jordanna ǃgâu tsî Aroers di ǃkhawagas ǃnâ ǃgoaǃnāb ǁaegu ǂnôa ǃās ǃnâ hâǃkhaib âga sī ge ǂnaumâi. ǁNāpa xu gu ge Gads tsî Jasers tsîra kōse ge ǃgû,

1 Kroniks 19:7

ǁNā ǃnonadisiǀgamǀaǀoadisi torokunidi tsî gao-aob Maakab di toroǂnubis tsîn ge Medebas tawa, hâǃkhaiba sī ge ǂnaumâi. Amonǁîn tsîn ge ǁîn di ǃādi hoade xu hā tsî ǃkhammi ǃoa ge ǂhomisen.

Nehemia 11:25

ǂGui khoen ge ǁîn di ǃgaroǃādi ǀgūse hâ ǃādi ǃnâ ge ǁan hâ i. Judab ǃhaos din ge Kiriat-Arbas, Dibons tsî Jekabseels tsî ǁnā ǃādi ǀgūse ǁgoe ǃārodi tsîdi ǃnâ ge ǁan hâ i.

Jesaja 15:2

ǁÎn ge Tempeli ǁga ge ǃgûǃapa, Dibons khoen ge ǃnâugu ai ān nîse ge ǂoa; Nebos tsî Medebas tsîra ǃaroman ge Moab khoena gere ǃau-ā. Mâ danas hoas tsî mâ ǀhō-ams hoas tsîn ge ǃgorase a ǂkhomsa.

Jeremia 48:18

Sa ǂkhaisa ǃkhaisa xu ǁgôaxa, î ǃhūb ai tsarab ǃnâ ǂnû, sas Dibons ǁanǂgāsabese. Hîkākā-aob Moab dib ge sas ǃoagu go hā, ǁîb ge sa ǁkhuiga go hîkākā.

Jeremia 48:22

Dibons, Nebos, Bet-Diblataims,

Jeremia 48:8

Hîkākā-aob ge mâ ǃās hoasa nî hāǂam, ǀguis tsîn ge ûiǂoa tide; ǃGoaǃnāb tsî ǂgāb tsîkha ge nî hîkākāhe, ǃKhūb ge mî khami.

Numeri 21:30

Xaweb ge nēsi ǁîn suriba hîkākāhe hâ, Hesbonsa xu Dibons ǁga garu daob hoab ai, Nasimsa xu Nofas, Medebas ǀgūse ǁgoes kōse.”

Deuteronomium 2:36

ǃKhūb sada Elob ge Aroersa xu ǁgoe ǃāde hoadi, Arnonǃgoaǃnāb di ǂaob ai, tsî ǃgoaǃnāb ǁaegub ai ǁgoe ǃāsa xu Gileadǀkharib kōse ǁgoe ǃādi hoade da nî ǁkhâuǁnâ ǃkhaisa ge īǁkhā kai. ǁÎ-i di ǀgapi ǂnubiǂgoagu ǀkha ge ǁkhae da ǃā-i tsîn ge ge ǀkhai i.

Deuteronomium 3:12

“Moseb ge Israelǁîn ǃoa ge mî: ‘Jordanǃāb aiǂoasǀkhāb ai ǁgoe ǃhūb hîa da ge ǁkhâuǁnâb, Aroers, Arnonǃāb di ǃgoaǃnāb ǀgūse ǁgoe ǀkharib di ǀapasǀkhāb tsî ǃhomxa ǃhūb Gileadi ǃâb, ǁîb ǃādi hoadi ǀkha hâba ta ge Rubenni tsî Gad hâkha di ǃhaora ge māǁnâ.

Deuteronomium 3:16

Rubenni tsî Gad hâkha di ǃhaora ta ge Gileadǀkhariba xu ǁaegub Arnonǃgoaǃnāb kōse ra sī ǀkhariba ge māǁnâ. Jabokǃāb ge ǀapasǀkhāb di ǃhūǀgoras ase ǁîna ge ība i, ǁkhāti Amonǁîn di ǃhūǀgoras ases tsîna isa.

Josua 12:2

ǁÎkha di ǀguib ge Amorǁîn di gao-aob Sihonni Hesbons ǃnâ gere ǂgaeǂguiba. ǁÎb di gaosis ge ǃkhare ǃâb Gileadi dib, Aroers Arnonǃgoaǃnāb amǃgâ ǁgoeb tsî ǁnā ǃgoaǃnāb ǃnâ ǂnôa ǃās tsî Jabokǃāb Amonni ǃhūǀgorase īb tsîna ge ǃkhōǂgā hâ i.

Josua 13:10

ǁÎb ge Amonni di ǃhūǀgoras kōse gere sī tsî hoaraga ǃādi Amorǁî gao-aob Sihonni, Hesbons ǃnâ ge gao-ao ib xa gere ǂgaeǂuihedi hoade ge ǃkhōǂgā hâ i.

Josua 13:16

ǁÎn di ǀkharib ge Aroers, Arnonǃgoaǃnāb amǃgâ ǁgoes tsî ǁnā ǃgoaǃnāb ǃnâ ǂnôa ǃās kōse gere sī tsî hoaraga ǀgapib Medebas ǂnamipe ǁgoeba ge ǃkhōǂgā hâ i.

Josua 13:8

Rubenni tsî Gadi ǃhaora tsî ǃkhare ǃhaos Manaseb dis tsîdi ge ǀnai ǃKhūb di ǃgāb Moseb xa Jordanni aiǂoasǀkhāb ai ǁgoe ǃhūba ge māhe hâ i.