Josua 13:5 - Khoekhoegowab 2020

⁵ Gebalǁîn di ǃhūb, Libanonni di aiǂoas hoaragas, Balgads Hermonǃhommi ǃkhawagas ǃnâ ǁgoesa xu Hamats ǃgâunas kōse.

Khoekhoegowab Elobmîs 2020

⁵ Gebalǁîn di ǃhūb, Libanonni di aiǂoas hoaragas, Balgads Hermonǃhommi ǃkhawagas ǃnâ ǁgoesa xu Hamats ǃgâunas kōse.

Josua 13:5 Iomraidhean Croise

1 Gao-aogu 5:18

Salomob omaogu tsî Hirammi digu tsî Gebals digu tsîgu ge ǀuidi tsî hain tsîna Tempeli nî ǂnubihega gere aiǂhomi.

1 Gao-aogu 8:65

Salomob tsî Israelǁaes di khoen tsîn ge ǁnāpa hû tsēdi kōse ǁâudība ge tsēdī. Kaise kai ǂguis khoen ge ǁnāpa ge ǀhao hâ i, Hamats di dao-ams ǀapas ǃnâ ǁgoesa xu Egipteb di ǃhūǀgoras ǃkhawagas ǃnâ ǁgoesa xus kōse.

Psalmdi 83:7

Gebalǁîn, Amonǁîn, Amalekǁîn, tsî Filistiab tsî Tirus di ǁanǂgāsaben hoana.

Jesaja 10:9

Kalnosa ta Karkemis khami dan tama tsî Hamatsa Arpads khami? Samariasa ta Damaskus khami dan tama?

Jeremia 52:9

Tsî gu ge ǁîba Babilons gao-aob Nebukadnesari tawa Riblas Hamatǀkharib ǃnâ ǂnôas ǃnâ ge hā-ū, tsîb ge ǁîba ǁnāpa ge ǁkhara bi.

Esekiel 27:9

Kaikhoegu Gebals digu tsî gā-aigu tsîn ge sas ǃnâ ge hâ i, doe-oms khôaǃkhaide gu nî ǂuruseǂuruse. Doe-omdi tsî ǁîdi sîsenaogu hoagu ge sas ǃnâ ge hâ i ǁamaǂharugu gu nîse.

Amos 6:2

Kalnes ǁga ǃgû î sī kō, ǁnāpa xu kai ǃās Hamats ǁga ǃgû, î Filisteǁîn ǃās Gats ǃoa ǃkharu. ǁÎna kha sadu gaosigu xan a ama-ai? ǁÎn di ǀkhariga sadu digu xa gu a kai?

Numeri 13:21

ǁNāti gu ge khoega ǃgû tsî ǃhūba Sinǃgaroǃhūba xu Rehobs, Hamats di ǂgâ-ams tawa ǁgoes kōse ge ôaǃnâ.

Numeri 34:8

tsî ǁnāpa xu Hamats kōse. ǁNās khaoǃgâ Sedads kōse aiǃgû

Deuteronomium 1:7

Sadu hâǃkhaiba khôakhâi, î aisǀkhāb ǁga ǃgû. Amorǁîn di ǃhomxa ǃhūb tsî ǁîb ǂnamipe ǁgoe ǀkharigu ǃoa: Jordanǃgoaǃnāb ǃoa, ǃhomxa ǃhūb tsî ǃgoaǃnāb ǃoa, ǃkhawagasǀkhāb di ǀkharib tsî Mediteraneahuri-ammi kōse. Nēb ge Kanaanǃhūba, Libanonǃhomgu nau ǀkhāba xu Eufratǃāb kōse ra sība.

Deuteronomium 3:25

Mā-am te î ta Jordanǃāba ǃgâu tsî nē ǂûtanixa tsî îsa ǃhūb nauǃani ǁgoeb, ǁîb di îsa ǃhomxa ǃhūb tsî Libanonǃhomgu tsîga sī mû.’

Josua 11:17

Nē ǀkharib ge Halakǃhommi Edoms ǀgūse ǃkhawagas ǃnâ ǁgoeba xu Balgads ǀapas ǃnâ Libanonǃgoaǃnāb ǃnâ Hermonǃhommi ǃkhawagas ǃnâ ǁgoes kōse gere sī. Josuab ge ǂomxa ǁaeba nē ǀkharib di gao-aogu ǃoagu gere torodī, tsîb ge ǁîgu hoaga ǃkhō tsî ge ǃgam.

Josua 11:3

ǁÎb ge ǁkhāti Jordanni aiǂoas tsî huriǂoas ǃnâ hâ Kanaanǁîn, Amorǁîn, Hetǁîn, Perisǁîn tsî Jebusǁîn ǃnâuxa ǀkharib din tsî Hivǁîn Hermonǃhommi amǃgâ Mispaǀkharib ǃnâ ǁan hân tsîna ge haisiba.

Josua 12:7

Josuab tsî Israelǁîn tsîn ge Jordanni huriǂoas ǃnâ ge hâ i gao-aogu hoaga ge dan, Balgads Libanonǃgoaǃnāb ǃnâ ǂnôasa xu Halakǃhommi ǃkhawagas ǃnâ, Edommi ǀgūse ǁgoeb kōse. Josuab ge ǁnā ǃhūba ǃhaodi ǃnâ ǀgora tsî ǁîde ǀamose di nî ūhâse ge mā.