Josua 13:3 - Khoekhoegowab 2020

³ tsî hoaraga ǀkharib Avims dib. (Sihorǃāb di ǀkharib, Egipteb di ǃhūǀgoras tawa ǁgoeba xu Ekrons di ǃhūǀgoras ǀapas ǃnâ ǁgoes kōse ǁgoe ǃhūb hoaragab ge Kanaanǁîn di ǃhūb ase gere ǃgapaǀîhe. Filisteǁîn di gao-aogu ge Gasas, Asdods, Askelons, Gats tsî Ekrons tsîdi ǃnâ ge ǁan hâ i.)

Khoekhoegowab Elobmîs 2020

³ tsî hoaraga ǀkharib Avims dib. (Sihorǃāb di ǀkharib, Egipteb di ǃhūǀgoras tawa ǁgoeba xu Ekrons di ǃhūǀgoras ǀapas ǃnâ ǁgoes kōse ǁgoe ǃhūb hoaragab ge Kanaanǁîn di ǃhūb ase gere ǃgapaǀîhe. Filisteǁîn di gao-aogu ge Gasas, Asdods, Askelons, Gats tsî Ekrons tsîdi ǃnâ ge ǁan hâ i.)

Josua 13:3 Iomraidhean Croise

Genesis 10:6

Nēb ge Xammi di suriba: Xammi ôagu ge Kusi, Egipteb, Puti tsî Kanaan hâga.

Genesis 15:18

ǁNā tsēs aib ge ǃKhūba Abrammi ǀkha ǃgaeǀhaosa dī tsî ge mî: “Tita ge Egipteb di ǃhūǀgorasa xu Eufratǃāb kōse hâ ǃhūba ta nî sa suriba mā ǃkhaisa ra mîmâi.

1 Gao-aogu 8:65

Salomob tsî Israelǁaes di khoen tsîn ge ǁnāpa hû tsēdi kōse ǁâudība ge tsēdī. Kaise kai ǂguis khoen ge ǁnāpa ge ǀhao hâ i, Hamats di dao-ams ǀapas ǃnâ ǁgoesa xu Egipteb di ǃhūǀgoras ǃkhawagas ǃnâ ǁgoesa xus kōse.

1 Kroniks 13:5

Ob ge Davida hoaraga Israelǁîn, Egipteb ǃhūǀgoras, ǃkhawagas ǃnâ ǁgoesa xu Hamats ǀapas ǃnâ ǁgoes kōse hân hoana ge ǀhaoǀhao, îs ǃGaeǀhaos ǂGaesa Kirjat-Jearimsa xu Jerusalems ǁga ǃgû-ūhe.

Jesaja 23:3

kai ǀgaisa ǁgamma; sago hōǂgās ge Sihori ǃhoro ge i, Nylǃāb di ǃgaosa; sago ge ǁaedi ǂharugu-ao ge igo.

Jeremia 2:18

Tsî nēsisas Egipteb ǁga ǃgûsa satsa tare-e harebeba hâ; Nylǃāb ǁgam-e nî sī āse? Asiriab ǁgā ǃgûsa satsa tare-e harebeba hâ; Eufratǃāb ǁgam-e nî sī āse?

Deuteronomium 2:23

Mediteraneahurib xōǀkhā ǁgoe ǃhūb ǃnân ge Kretaǃnāǃnuis di khoena ǁan hâ. ǁÎn ge ǂhunuma ǁanǂgāsaben, Avimǁîna hîkākā tsî ǁîn di hoaraga ǃhūb Gasas di ǃkhawagasǀkhāb kōse ra sība ge ūbasen.)

Josua 13:13

xawen ge Israelǁîna Gesurs tsî Maakas tsîra khoena ǁgariǂui tama ge i, tsîn ge noxopa Israeli ǃnâ ǁan hâ.

ǂHanuǂhanu-aogu 16:5

O gu ge koro gao-aogu Filisteǁîn diga ǁîs tawa sī tsî ge mî: “Simsonna ǃhoaǁnâdana, îb mîba si tarexab ǁnātikōse a ǀgaisas tsî mâti ge ǁîba ǀgaidā, ǃgaeǃnon tsî ǀgaio kai ǁkhāsa. Mâb sige dib hoab ge ǀguiǀoadisi tsî kaidisi ǀhaiǀuri ǃâde nî mā si.”

ǂHanuǂhanu-aogu 3:3

ǁNān ǃhūb ǃnâ ge ǁnāxūhe hâ in ge koro Filisteǁîǃādi, hoaraga Kanaanǁîn, Sidonǁîn tsî Hivǁîn Libanonǃhomgu ǃnâ, Baal-Hermonǃhomma xu Hamats ǃgâunas tawats ra sīs kōse ge ǁan hâ in tsîna.

1 Samuel 5:1

Filisteǁîn ge ǃGaeǀhaos ǂGaes Elob disa ū tsî Ebenesersa xu ǁîn ǃās, Asdods ǁga ge ǃgû-ū.

1 Samuel 5:10

ǁNās khaoǃgân ge ǃGaeǀhaos ǂGaes Elob disa Ekrons ǁga ge sî. ǁÎs ge ǁnāpa sī, on ge Ekrons khoena ge ǃau: “ǃGaeǀhaos ǂGaes Israeli di Elob disan ge sida ǃoa go hā-ū, sida tsî sida khoenan nî ǃgamga.”

1 Samuel 5:8

Tsîn ge sîsabega sî tsî hoa koro gao-aogu Filisteǁîn diga ǂgaiǀhao tsî ge dî: “Tare-e da ǃGaeǀhaos ǂGaes, Israeli di Elob dis ǀkha nî dī?” O gu ge gao-aoga ge mî: “As ǁîsa Gats ǃoa ǃgû-ūhe.” On ge ǃGaeǀhaos ǂGaes Israeli di Elob disa ǁnāǀî ge ǃgû-ū.

1 Samuel 6:4

“Mâ ǀkhaexū-e da ǁîs ǀkha nî sî?” tin ge Filisteǁîna ge dî. O gu ge ge ǃeream: “Koro ǃhuniǀuri īgu tsuidi digu tsî koro ǃhuniǀuri durudi tsîna Filisteǁîn ǂgaeǂgui-aogu kō ǀgaus ǃoa, ǁkhā tsûtsû-ais ǁkhās ge sadu tsî sadu koro ǂgaeǂgui-aogu ǂama hâ i xui-ao.