Josua 11:3 - Khoekhoegowab 2020

³ ǁÎb ge ǁkhāti Jordanni aiǂoas tsî huriǂoas ǃnâ hâ Kanaanǁîn, Amorǁîn, Hetǁîn, Perisǁîn tsî Jebusǁîn ǃnâuxa ǀkharib din tsî Hivǁîn Hermonǃhommi amǃgâ Mispaǀkharib ǃnâ ǁan hân tsîna ge haisiba.

Khoekhoegowab Elobmîs 2020

³ ǁÎb ge ǁkhāti Jordanni aiǂoas tsî huriǂoas ǃnâ hâ Kanaanǁîn, Amorǁîn, Hetǁîn, Perisǁîn tsî Jebusǁîn ǃnâuxa ǀkharib din tsî Hivǁîn Hermonǃhommi amǃgâ Mispaǀkharib ǃnâ ǁan hân tsîna ge haisiba.

Josua 11:3 Iomraidhean Croise

Genesis 31:49

Tsîb ge Labanna ǃaruǀî “Ab ǃKhūba ǃkharagaguse khom ga hâ ǁaeb ai mûs âba hoakhom ai ūhâ” ti ge mî. Tsîs ge nē ǃkhaisa ǁnāpa xu ǁkhāti Mispa tis tsîna gere ǂgaihe.

2 Samuel 24:16

Tsî ǀhomǃgāb Jerusalemsab nî hîkākāse ra ǂhomisen hîab ge ǃKhūba nē ǁkharab ǀkha aiǃgûsa ge ǀû; tsîb ge ǀhomǃgāb ǁîna ra hîkākāb ǃoa “ǂÂu go, xuige nēsi ǀû!” ti ge mî. ǀHomǃgāb ǃKhūb dib ge Jebusǁîb, Araunab di dāǃnâǃkhais tawa ge hâ i.

2 Samuel 24:7

Tsî gu ge omǂnamisa ǃās Tirus tsî hoa ǃādi Hivǁîn tsî Kanaanǁîn didi tawa ge sī; ǁnāpa xu gu ge Judab di ǃkhawagas ǃnâ Bersebas tawa ge sī.

1 Gao-aogu 15:22

Ob ge gao-aob Asaba, Judab ǁanǂgāsaben hoana, ǀgui-i tsîna ǁnāxūǂui tamase, ǀuidi tsî hain Baasab gere Ramasa omkhâi-ūnan sī nî tanise ge sî. Tsîb ge Asaba ǁîn ǀkha Gebas Benjaminni dis tsî Mispas tsîra ge omǀgaiǀgai.

1 Gao-aogu 9:20

ǁGarisîsenni âb ǃaromab ge Salomoba ûiǃgau ge khoen, Kanaanni din, Israelǁîn xa ge ǃgamhe tama in, Amorǁîn, Hetǁîn, Perisǁîn, Hivǁîn tsî Jebusǁîn tsîna gere sîsenū; ǁîn di surib ge nēsis kōse khobosîsenaose hâ.

Psalmdi 133:3

ǁÎs ge Hermonni di ǀaub, Sionǃhommi ai ra ǁnāb khami ī; ǁnāpab ǃKhūba ǁîb ǀkhaeba ra mîmā amaga, ǀamose ûisa.

Psalmdi 89:12

ǀApas tsî ǃkhawagasats ge satsa ge kuru; Tabori tsî Hermonni tsîkha ge sa ǀons ǃnâ ǃgâiaǂgaob xa ra ǂgaiǂui.

ǀGapiǁnaetsanas 4:8

Tita ǀkhas ge Libanonna xu nî hā, ti ǀnamsase Libanonna xus ge tita ǀkha nî ǁgôaxa; Amanaǃhommi di ǂaoba xu tita ǀkha ǁgôaxa; Senirǃhommi tsî Hermonǃhommi di ǂaoba xu, xamgu ǁanǃkhaide xu tsî ǀgarugu di ǀgapi ǁgoeǃkhaide xu.

Jeremia 40:10

Tita ge Mispas ǃnâ nî ǁan, sado ta sada ǃoa ra hā Xaldeaǁîn tawa nî mâǂgâbase, xawe sado ǂauxûi-i, ǁkhunaǂûn tsî ǀkhera-oli-i tsîna ǀhaoǀhao tsî sadu xapan ǃnâ sâu, î ǃādi hîa du ge ūdi ǃnâ ǁan.”

Jeremia 40:6

ǁNātib ge Jeremiaba Ahikammi ôab Gedaljab ǁga Mispas tawa ge sī tsîb ge ǁîb ǀkha ǃhūb ǃnâ ge ǃgau hâ i ǁaes ǁaegu ge ǁan.

Jeremia 41:14

Tsîn ge hoaraga khoen Ismaeli ge ǃkhōsabese Mispasa xu ǃgû-ūn hoana ge dabasen tsî Kareaxi ôab Johananna ǃoa ge oa.

Jeremia 41:3

Ismaeli ge ǁkhāti hoaraga Jodeǁîn Gedaljab ǀkha ge Mispas ǃnâ hâ in tsî Xaldeaǁî toroǃkhamaogu ǁnāpa ge hâ i gu tsîna ge ǃgam.

Numeri 13:29

Amalekǁîn ge ǃhūb di ǃkhawagasǀkhāb ai ǁan hâ; Hetǁîn, Jebusǁîn tsî Amorǁîn tsîn ge ǃhomxa ǀkharib ǃnâ ǁan hâ; tsî Kanaanǁîn ge Mediteraneahurib tsî Jordanǃāb xōǀkhā ǁan hâ.”

Deuteronomium 4:48

Nē ǃhūb ge Aroers Arnonǃāb di ǃgoaǃnāb ǀgūse ǁgoe ǀkharib di ǀapasǀkhāba xu Sirionǃhommi, ǁnāb ge Hermonǃhomma, kōse ra sī.

Deuteronomium 7:1

ǃAruǀîb ge Moseba Israelǁîn ǃoa ge mî: “ǃKhūb sadu Elob ge ūbasen du nîse ī ǃhūb ǃnâ nî ǂgaeǂguiǂgā du, tsîb ge ǁîba ǂgui ǁaede ǁnāpa xu nî doeǁgaǂui. ǁÎb ge aiǃgû du ra khami sao ra hû ǁaedi, sadu xa kai tsî ǀgaisade nî doeǁgaǂui: Hetǁîn, Girgasǁîn, Amorǁîn, Kanaanǁîn, Perisǁîn, Hivǁîn tsî Jebusǁîn tsîna.

Josua 11:17

Nē ǀkharib ge Halakǃhommi Edoms ǀgūse ǃkhawagas ǃnâ ǁgoeba xu Balgads ǀapas ǃnâ Libanonǃgoaǃnāb ǃnâ Hermonǃhommi ǃkhawagas ǃnâ ǁgoes kōse gere sī. Josuab ge ǂomxa ǁaeba nē ǀkharib di gao-aogu ǃoagu gere torodī, tsîb ge ǁîgu hoaga ǃkhō tsî ge ǃgam.

Josua 11:8

ǃKhūb ge Israelǁîna ǁîgu ǂama dansa ge mā. Israelǁîgu ge ǁîga Misrefot-Maims tsî Sidons tsîra ǀapas ǃnâ ǁgoera tsî Mispaǃgoaǃnāb, aiǂoas ǃnâ ǁgoeb kōse ge ǃgôaǃgon. Toroǃkhams ge ǀgui-i khākhoen di-i tsîn ge ǃgau tama is kōse ge aiǃgû.

Josua 13:11

ǁKhātib ge Gileadi, Gesurs tsî Maakas tsîra di ǀkharigu, Hermonǃhommi hoab tsî Basanni hoaragab tsîna Salekas kōse ge ǃkhōǂgā hâ i.

Josua 13:5

Gebalǁîn di ǃhūb, Libanonni di aiǂoas hoaragas, Balgads Hermonǃhommi ǃkhawagas ǃnâ ǁgoesa xu Hamats ǃgâunas kōse.

Josua 15:38

Dileans, Mispas, Jokteels,

Josua 15:63

Judab khoen ge Jebusǁîn, Jerusalems ǃnâ ge ǁan hâ ina ge ǁgariǂui ǁoa i, tsîn ge Jebusǁîna nētsēs kōse Judab khoen ǀkha Jerusalems ǃnâ ǁan hâ.

Josua 18:26

Mispas, Kefiras, Mosas,

Josua 3:10

ǁÎb ge ǀgū du ra khami Kanaanǁîn, Hetǁîn, Hivǁîn, Perisǁîn, Girgasǁîn, Amorǁîn tsî Jebusǁîna nî ǁgariǂui. Ûitsama Elob sadu ǁaegu hâ ǃkhaisa du ge nî ǂan,

ǂHanuǂhanu-aogu 20:1

Hoaraga Israelǁîn, Dans ǀapas ǃnâ ǁgoesa xu Bersebas ǃkhawagas ǃnâ ǁgoes kōse, tsî Gileadi, aiǂoas ǃnâ ǁgoeb kōse hân ge ǀgui khoeb khami Mispas tawa ǃKhūb aiǃâ ge ǀhao.

ǂHanuǂhanu-aogu 21:5

ǁÎn ge ge dî: “Tari-e Israeli ǃhaodi hoade xu Mispas tawa ge ǃKhūb di ais aiǃâ hâ i ǀhaos ǁga ge ǃgû tama hâ i?” (ǁNāpan ge nūs ǀkha ge mîmâi, Mispas ǁga ge ǃgû tama hâ i khoe-i hoa-i nî ǃgamhesa.)

ǂHanuǂhanu-aogu 21:8

Tari-i ge Israeli ǃhaodi hoade xu Mispas tawa ge hâ i ǀhaos ǁga ǃgû tama hâ i ǃkhaisan ge dî, on ge ge ǂanǂui Jabes, Gileadi disa xu i ge ǀgui khoe-i tsîna ǁnāpa sī tama hâ isa.

ǂHanuǂhanu-aogu 3:3

ǁNān ǃhūb ǃnâ ge ǁnāxūhe hâ in ge koro Filisteǁîǃādi, hoaraga Kanaanǁîn, Sidonǁîn tsî Hivǁîn Libanonǃhomgu ǃnâ, Baal-Hermonǃhomma xu Hamats ǃgâunas tawats ra sīs kōse ge ǁan hâ in tsîna.

ǂHanuǂhanu-aogu 3:5

Tsîn ge Israelǁîna Kanaanǁîn, Hetǁîn, Amorǁîn, Perisǁîn, Hivǁîn tsî Jebusǁîn tsîn ǁaegu ge ǁan.

1 Samuel 10:17

ǁNās khaoǃgâb ge Samuela, ǁaesa ǃKhūb tawan nî ǀhaose Mispas ǁga ǂgai