Josua 10:12 - Khoekhoegowab 2020

¹² ǃKhūb ge Israeli aoga dansa Amorǁîn ǂama mā tsēs aib ge Josuaba ǃKhūb ǀkha ge ǃhoa. ǁÎb ge Israelǁîn ais ai ge mî: “Sorese, ǂkhîse mâ re Gibeons ǂamai; ǁkhâtse, ǂkhîse mâ re Ajalonǃgoaǃnāb ǂamai.”

Khoekhoegowab Elobmîs 2020

¹² ǃKhūb ge Israeli aoga dansa Amorǁîn ǂama mā tsēs aib ge Josuaba ǃKhūb ǀkha ge ǃhoa. ǁÎb ge Israelǁîn ais ai ge mî: “Sorese, ǂkhîse mâ re Gibeons ǂamai; ǁkhâtse, ǂkhîse mâ re Ajalonǃgoaǃnāb ǂamai.”

Josua 10:12 Iomraidhean Croise

2 Samuel 2:12

Neri ôab Abneri ge Isboseti ǂamkhoegu ǀkha Mahanaimsa xu Gibeons ǁga ge ǂoa.

2 Gao-aogu 20:10

Ob ge Hiskiaba ge mî: “Somma aisǀkhāb ǁga disi ǃharode ǃgû kais ge a supu. ǁÎba disi ǃharode khaosǀkhāb ǁga oa kai re.”

2 Gao-aogu 20:11

Jesajab ge ǃKhūb ǃoa ge ǀgore, tsîb ge ǃKhūba somma disi ǃharode ge oa kai, gao-aob Axasi ge dī hâ i dā-aiǃharodi ai.

2 Gao-aogu 20:9

Ob ge Jesajaba ge ǃeream: “ǃKhūb ge ǁîb mîmâisab nî dīǀoaǀoa ǃkhais di ǁgauǁgausa nî mā tsi. Sommi dā-aiǃharodi ai aisǀkhāb ǁga disi ǃharode tamas ka io khaosǀkhāb ǁga disi ǃharode nî ǃgûsats ra ǂgao?”

1 Kroniks 8:13

Beriab tsî Semab tsîkha ge Ajalons ǃnâ ge sī a ǁan ǀaokhoen dana ge i kha, tsî ǁîkha ge Gats di ǁanǂgāsabena ge ǃhaeǂui.

2 Kroniks 11:10

Soras, Ajalons tsî Hebrons tsîde.

ǂKhanis Job dis 9:7

ǁÎb ge soresa ra mîmā, tsîs ge ǂoaxa tama hâ, tsîb ge ǀgamirode ra ǂaoǂgan, tsî di ge ǃnâ tama hâ.

Psalmdi 148:3

Koa bi re sores tsî ǁkhâb tsîro; koa bi re hoaraga ǃnâ ra ǀgamirodo.

Psalmdi 19:4

Xawes tsînas ge ǁîn di ǂhôasa hoaraga ǃhūbaibǀî ra ǂoa tsî ǃhūbaib di ǀkhâuǀamdi kōse ra ǁnâuhe. Tsîb ge Eloba soresa ǀhomgu ǃnâ tentomsa ge mâiba.

Psalmdi 74:16

Tsēs ge a sa, ǁkhāti tsuxub ona; sats ge sores tsî ǁkhâba ge ǂnubi.

Jesaja 28:21

ǃKhūb ge Perasimǃhommi tawab ge khâimâ khami nî khâimâ tsî Gibeons ǃgoaǃnāb ǃnâb ge ǃkham khami nî ǃkham. Nēs ge ǁîb buruxa sîsengab nî dīsesa! ǁÎb sîsengab nî dīse, ǃhao sîsengu âba.

Jesaja 38:8

Mû tita ge disi ǂaidi kōse somma, Axasi dāǃharodi ai nî oa kai.” Os ge soresa disi ǂaide ge oa.

Jesaja 60:20

Sa sores ge ǁkhawa ǂgâ tide, tamas ka iob ge sa ǁkhâba ǂgae-oasen tide. ǃKhūb sa ǀamo ǃnâse nî hâ, tsî sa tsēdi ǃoab didi nî ǀam xui-ao.

Jeremia 28:1

ǁKhā kurib ǃnâ, koroǁî ǁkhâb, hakaǁî kurib dib ǃnâ, Sedekiab Judab gao-aob di gaosis tsoatsoas ǃnâ, hakaǁî kurib di koroǁî ǁkhâb ǃnâs ge Asuri ôab Gibeons di kēbo-ao ge ib, Hananjab ge tita ǀkha Tempeli ǃnâ ǃhoasa. ǁÎb ge kēbo-aogu tsî hoaraga ǁaes aiǃâ ge mîba te:

Amos 2:9

“Tita ge Amorǁîn, sederhaidi kōse ǀgapi tsî aikehaidi kōse ge ǀgaisa ina sadu ǃaroma ge hîkākā.

Amos 8:9

ǁNātsē ta ge soresa tsēǃgâǁaeb ai nî ǂgâ kai tsî ǃhūbaiba tsēa nî ǃkhae kai,” tib ge ǃKhūb Eloba ra mî.

Habakuk 2:20

ǃKhūb ge ǁîb di ǃanu Tempeli ǃnâ hâ; ab hoaraga ǃhūbaiba ǁîb di ais aiǃâ ǃnō re.

Habakuk 3:11

Sores tsî ǁkhâb tsîra ge ge ǃnōmâ ǂkhaib sa ǃae-ī ra ǂāgu dib xa, ǃnâb sa napa ra ǁhâigôab dib xa.

Saxaria 2:13

ǃNō re khoesits hoatse, ǃKhūb aiǃâ, ǁîb go ǃanusib âb di ǁanǃkhaisa xu khâi xuige.

Deuteronomium 17:3

ǀkhara elogu, tamas ka io sores, tamas ka io ǁkhâb, tamas ka io ǀgamirode ǀgoreǀîs tsî ǃoabas ǀkha khôa; ǃKhūb di mîmās ǃoagu,

Deuteronomium 4:19

Tā dītsâ tsî ǀhommiǀî du ga kōkhâi tsî mû xūn: Sores, ǁkhâb, ǀgamirodi tsî ǀnî ǀhommi ǂnubis ka xawe ǀgoreǀî. ǃKhūb sadu Elob ge ǁîna nau hoaraga khoen ǃhūbaib din xan nî ǀgoreǀîhese ge mā.

Josua 10:13

Os ge soresa ǂkhîse ge mâ tsî ǁkhâb ge gon tama ge i, Israelǁîn ge khākhoen âna dans kōse. Nēs ge ǂKhanis Jasari dis ǃnâ a xoamâisa. Sores ge ǂkhîse ǀhommi ǁaegub ǃnâ ge mâǀgara tsî hoaraga tsēsa ǂgâ tama ge i.

Josua 19:42

Salbims, Ajalons, Jitlas,

Josua 21:24

Ajalons, Gatrimons tsî ǁîdi ǃû-aidi tsîna.

ǂHanuǂhanu-aogu 12:12

ǁNās khaoǃgâb ge ǁō tsî Ajalons tawa Sebulonni di ǀkharib ǃnâ ge ǁkhōhe.

ǂHanuǂhanu-aogu 5:20

ǀGamirodi ge ǀhomma xu ge ǃkham; ǀhomaib ai garuse di ge Siserab ǃoagu ge ǃkham.

1 Samuel 12:18

Samueli ge ǃKhūba ge ǂgaiǀî, ob ge ǃKhūba ǁnā tsēs ǁkhās ai ǃgurub tsî ǀnanub tsîkha ge sî, tsîs ge ǁaes hoasa kaise ǃKhūb tsî Samueli tsîkha hoakha ge ǃao.

1 Samuel 14:31

ǁNātsē gu ge Filisteǁîna Mikmasa xu Ajalons kōse ge ǃgam, xawe gu ge aoga kaise ǃâs xa ge ǂkhabu hâ i.