Johaneb 3:3 - Khoekhoegowab 2020

³ Ob ge Jesuba ge ǃeream bi: “Amase, amase ta ra mîba tsi, khoe-i ga ǁkhawa ǃnae tama io, o-i ge tātsē Elob Gaosiba mû ǁoa.”

Khoekhoegowab Elobmîs 2020

³ Ob ge Jesuba ge ǃeream bi: “Amase, amase ta ra mîba tsi, khoe-i ga ǁkhawa ǃnae tama io, o-i ge tātsē Elob Gaosiba mû ǁoa.”

Johaneb 3:3 Iomraidhean Croise

Jeremia 5:21

“ǁNâu ǁnâi nēsi nēsa, sadu gâre tsî ǁnâuǃāoǃnâ ǁaedo, mûde ūhâ xawe mû tamado, ǂgaede ūhâ xawe ǁnâu tamado:

Esekiel 36:26

Tita ge sado ǀasa ǂgaob tsî ǂâisa nî mā. Tsî ta ge ǀuiǂgaoba sado xu ūǂui tsî ǁganǂgaoba nî mā du.

Mateub 16:17

Ob ge Jesuba ǁîba ge ǃeream: “ǀKhaehets ge hâ satsa Simon, Johaneb ôatse, nēsats ge soro tsîts a ǀao xui-ao satsa xu aitsama ǂhaiǂhai tama hâ, xaweb ge ti Îb ǀhommi ǃnâ hâba nēsa satsa go ǂhaiǂhaiba.

Mateub 19:24

Tsî ta ǁkhawa ra mî, kaise i ge ǃnaiba nî supuba nali ās ǃnā-u ǃkharusa, ǃkhū hâ khoe-e Elob Gaosib ǃnâ ǂgâs xa.”

Mateub 21:31

O, nē ǀgamkha xa mâ ǀgôaba ǁgûba ge ǁnâuǀnam?” O gu ge “Kai ǀgôab” ti ge ǃeream. Ob ge Jesuba ǁîga ge ǁguiǃāba: “Amase ta ra mîba go, ǁgui-aimariǃkhōǃoa-aon* tsî ǀai-aon ge sago xa aiǃâ Elob Gaosib ǃnâ nî ǂgâ.

Mateub 5:18

Amase ta ra mîba du, ǀhommi tsî ǃhūbaib tsîkha ge nî ǃgû-ī, xawe mâ mîs ǂhanub dis hoas ge hoaraga xūn nî dīǀoaǀoahes kōse nî hâhâ.

Markub 10:14

Tsî Jesub ge nēsab ge mû, ob ge kaise ǂkhîoǃnâ tsî ge mî: “An ǀgôarona tita ǃoa hā, î ǁîna tā ǂhani. Nēti īn dib kom Elob Gaosibao.

Markub 9:47

Sa mûs ga satsa ǁoreb ǃoa ǂgaeǂhapuo, ǁhoroǂui î aoxū. Elob Gaosib ǃnâ ǀgui mûs ǀkha ǂgâs kom ǃgâio, ǀgam mûra ūhâ tsîts nî ǀamoǀaeb ǃnâ aoǂgāhes xa.

Johaneb 1:13

ǁNān ǀaoba xu tamas ka io khoesi turaga xu tamas ka io aob di ǂâisa xu ǃnae taman, xawe Eloba xu ǃnae hâna.

Johaneb 1:5

ǃNâb ge ǃkhaenab ǃnâ ra ǃnâ tsî tātsē ǃkhaenab xa ǀarihe ǁoa.

Johaneb 1:51

Ob ge ǁîgu ǃoa ge mî: “Amase, amase ta ra mîba go, sago ge ǀhomma ǁkhowa-amsen hâse nî mû tsî Elob ǀhomǃgāga Khoen Ôab ai gu ǃapa tsî ra ǁgôaxase.”

Johaneb 12:40

“Elob ge mûdi âna ǂgī kai tsî ǂgaogu âna ge karokaro, mûdi ân mû tide tsîb ǂgaob âna ǁnâuǃā tide, tsîn tita ǁga oa tidese, tita xan nî ǂgauǂgauhese.”

Johaneb 3:4

Ob ge Nikodemuba ge dî bi: “Kaira hâ khoe-e mâti i ǁkhawa a ǃnae ǁkhā? Amase i kom ǁgûs ǃnāb ǃnâ ǂgâ-oa tsî ǁkhawa a ǃnae ǁoao?”

2 Korinteǁîn 4:4

ǁNāb hîa ǂkhabab ge ǂgomoǃnân di ǂâide ge ǂgī kai. ǁNā-amagan ge nē khoena ǃGâiǂhôas ūhâ ǃnâb, Xristub* di ǂkhaisib hîa Elob di īb xa hâba mû tama hâ.

2 Korinteǁîn 5:17

Khoe-i ga Xristub ǃnâ hâo, o-i ge a ǀasa kurusabe, ǀoro xūn ge ra ǃgû-ī, ǀasan ge go hā.

Galateǁîn 6:15

Khoe-i a ǃgaosa tamas ka io ǃgaosa tama ǃkhais ge ǃgôa tama hâ, xawe ǀasa kurusabe kaits ra ǃkhais ge a dana ǃaroma.

Efeseǁîn 2:1

Sadu dīsādi tsî ǁoren ǃnâ du ge ge ǁō hâ i.

Deuteronomium 29:4

Xawe nētsēs kōseb ge ǁîba ǁnâuǃā kai du, tamas ka io mû kai du, tamas ka io ǁnâu kai du tama ge i.

Titub 3:5

ǁÎb di ǀkhomxasiba xub ge ge ore da, sada di ǂhanu-aisib sîsenga xus ose. ǃAnu Gagab di ǀgaib ǀkhab ge sada ǁorena ǁāǃanuǃanu tsî ǀasa ûiba ge mā da.

Jakobub 3:17

Xawe ǀgapiseba xu hâ gā-aisib ge ǂguro ǃkhais ai ǃanu, ǂkhîxaǃnâ, tsauraǃnâ, khoexaǃnâ, ǀkhomxaǃnâ tsî ǃgâidīgu xa ǀoa hâ, ǀgora-e ūhâ tama hâ tsî a hînaoǃnâ.

1 Petrub 1:3

Ab karehe Elob tsî ǁGûb sada ǃKhūb Jesub Xristub diba. Elob di kai ǀkhomxasiba ǃoa sada ǁkhawa ǃnae kai hâba ûitsama ǃâubasens ǃoa, Jesub Xristub di ǁō hâna xu khâis ǀkha.

1 Johaneb 2:29

ǁÎb a ǂhanu-aisa du ga ǂan, o du ge ǁkhāti a ǂan ǂhanu-aisiba ra dī-i hoa-i ǁîba xu ǃnae hâ ǃkhaisa.

1 Johaneb 3:9

Eloba xu ǃnae hâ-i hoa-i ge ǁore tama, Elob di ǂūsib ǁî-i ǃnâ hâ xui-ao, ǁî-i ge a ǁore ǁoa, Eloba xu i ǃnae hâ amaga.

1 Johaneb 5:1

Jesub a Xristu* ǃkhaisa ra ǂgom-i hoa-i ge Eloba xu ǃnae hâ, tsî mâ-i hoa-i hîa ǁGûba xu ǃnae hâ-e ǀnam-i ge ǁkhāti ǁîba xu ǃnae hâ.

1 Johaneb 5:18

Sada ge a ǂan Eloba xu ǃnae hâ-i ǁorehâhâ tama ǃkhaisa, xaweb ge Eloba ǁî-e ra sâu tsîb ge ǂKhababa ǁî-e tsâǀkhā tama hâ.

1 Johaneb 5:4

Eloba xu ǃnae hân hoan ra ǃhūbaiba dan xui-ao, tsîs ge sada di ǂgomsa a ǁnā dan, ǃhūbaiba ra dansa.

ǂHaiǂhais 3:14

“Laodiseas ǃnâ hâ kerkheb di ǀhomǃgāb ǃnâ-u nēti xoa re: “Nēs ge ǂhôas, tita Amenta, ǂgomǂgomsa tsî ama ǃkhō-amaota, ǃhūbaib di tsoatsoata, Elob ge ǂnubi xūn dita xu hâsa.