Johaneb 10:3 - Khoekhoegowab 2020

³ ǁÎbab ge dao-amǃûi-aoba dao-amsa ra ǁkhowa-amba tsîn ge gūna ǁîb domma ǁnâu tsî ǁîb ǃoa ra hā. ǁÎb ge ǁîb gūna ǀondi ai ǂgai tsî ǁîna ra ǂgaeǂguiǂui.

Khoekhoegowab Elobmîs 2020

³ ǁÎbab ge dao-amǃûi-aoba dao-amsa ra ǁkhowa-amba tsîn ge gūna ǁîb domma ǁnâu tsî ǁîb ǃoa ra hā. ǁÎb ge ǁîb gūna ǀondi ai ǂgai tsî ǁîna ra ǂgaeǂguiǂui.

Johaneb 10:3 Iomraidhean Croise

2 Timoteub 2:19

Xawe ǀnaib ge Eloba amab ai ǁgui ǃgaoǃgaob ge khoe-i xare-i xa ǁnobeǁnobehe tide tsî sao rase i ge nēti xoahe hâ: “ǃKhūb ge ǁîb di khoena a ǂan” tsî “Mâ-i hoa-i ǃKhūb di ǀonsa ra ǂgai-i ge ǂkhababa xu nî ǂgae-oasen.”

Johaneb 10:4

Tsî hoaraga gūnab ga dīǂuitoa tsî ǀhaoǀhaos khaoǃgâb ge ǁîn ais ai ra ǃgû, tsîn ge ǁîna ra sao bi dommi âban ǂan amaga.

Johaneb 10:16

Tsî ta ge ǀnî gūn nē ǃharas di taman tsîna ūhâ. Tsî ta ge ǁîn tsîna nî hā-ū tsîn ge ti domma nî ǁnâu. ǁNāpas ge ǀgui gūǃharas ǀguisa, ǀgui ǃûi-aob ǀkha nî hâ.

Johaneb 10:14

Tita ge ǃgâi ǃûi-aota. Tita ge ti gūna a ǂan tsî ta ge ǁîn xa ǂanhe, ti Îb tita ǂans ǁkhās khami ta ge ti Îba a ǂan. Tsî ta ge ti ûiba ti gūna ra ǁguiba.

ǂHaiǂhais 3:20

Mû tita ge dao-ams tawa mâ tsî ra ǃgubu-am; khoe-i ga ti domma ǁnâu tsî dao-amsa ǁkhowa-am, o ta ge ǁî-i tawa ǂgâ tsî ǁî-i ǀkha nî ǂû tsî ǁî-e tita ǀkha.

ǂHaiǂhais 7:17

ǁKhaob hîa trons di ǁaegu hâb nî ǁîn di ǃûi-ao tsî ǁîna ûitsama ǁgamǀaudi ǃoa ǂgaeǂgui xui-ao. Tsîb ge Eloba ǁîn di mûde xu ǁgamron hoana nî ǀomǁnâ.”

Romeǁîn 8:30

Tsî ǁnān ǁhûiǂuib genab ge ge ǂgai. ǂGaib ge khoenab ge ge ǂhanu-ai kai. Tsî ǂhanu-ai kaib gen ǀkhab ge ǁkhāti ǂkhaisib âba ge ǀgoragu.

Johaneb 6:45

Kēbo-aogu ǃnâ xoamâihe hâ khami: ‘Hoan ge Elob xa nî ǁkhāǁkhāhe.’ Elob xa ǁnâu tsî ge ǁkhāǁkhāsen-i hoa-i ge tita ǃoa ra hā.

Johaneb 6:37

Xawe naun ǁGûb ra tita mān hoan ge tita ǃoa nî hā tsî ta ge ǁîna tātsē ǂhāǂui tide.

Jesaja 42:16

“ǂGīna ta ge ǀūn a daob ai nî ǂgaeǂgui; noxopan ge ǃgû-ai tama hâ i ǃgangu ai. ǁÎn aiǃâ hâ ǃkhaenasa ta ge ǃnâb ǃnâ nî ǀkharaǀkhara, tsî ǀkhora ǃkhaiga nî ǂhauǂhau. Nēn ge xūn dī ta nîna, ǁîna ta ge ǀû tide.

ǀGapiǁnaetsanas 8:13

Sas ǃhanagu ǃnâ ra ǃgûmas, ti ǀhōsagu ge ra ǃgâ si xuige ǃhoa-ū te re.

Eksodus 33:17

Ob ge ǃKhūba Moseb ǃoa ge mî: “Tita ge mîts go khami nî dī, sats ǀkha ta a ǂkhî tsî ǀons âts ai a ǂan tsi xui-ao.”

ǂHaiǂhais 20:15

ǁNān ǀondi ân ûib di ǂkhanis ǃnâ xoamâisa taman hoan ge hurib khami ī ǀaeb ǃnâ ge aoǂgāhe.

Koloseǁîn 4:3

Sige tsîna ǁkhāti ǀgoreba re, îb Eloba sige dao-am-e mîs ǃaroma ǁkhowa-amba, ǁîb ǃaroma ta a ǃkhōsabe Xristub* di ǂganǃgâsasiba ge nî ǃhoa ǁkhāse.

Filipeǁîn 4:3

ǁKhāti ta ge sats ti ǂgomǂgomsa ǃoabaǁare-aotsa ra ǂgan, nē khoerats nî hui ǃkhaisa; ǁîra ge tita, Klemenni tsî nau hoaraga sîsenǁare-aon tin, ǀondi ân ûib di ǂkhanis ǃnâ hân ǀkha ǃGâiǂhôasa gere sîsen xui-ao.

Jesaja 40:11

ǁÎb gūnab ge gūǃûi-aob khami nî ǂûmā; ǁkhaonab ge ǁîb ǁôakha ǃnâ ǀhaoǀhao tsî ǁîna ǁîb ǁkhaib ai nî tani; ǁîb ge gūde tsaurase ra ǂgaeǂgui.

Psalmdi 80:1

Israelǁîn di ǃûi-aotse, ǁnâu re sats Josefi ǃhaosa gūn khami ge ǂgaeǂguitse sats, xerugu ǁaegu ǀgapise ǂnôatse, aiǃâb ǃoa ǂkhai re.

1 Petrub 1:12

O gu ge ge ǂhaiǂhaibahe, ǁîgu aitsama sîsenbasen tama, xawe sado ra ǃoaba ǃkhaisa. Xawe du ge nēna sado ǃGâiǂhôasa ra aoǁnâbagu xa ge mîbahe tsî ǃAnu Gagab ǃnâ-u ǀhomma xu sîhe tsî sado ge ǂanǂanhe. Tsî gu ge ǀhomǃgāgu tsîna nēs xa ǃnāsase gere ǂan ǂgao.

1 Korinteǁîn 16:9

Kai tsî ǂhâǂhâsa dao-am-e ta ǁkhowa-ambahe hâ, xawen ge mâǃoa-aona a ǂgui.

ǂKhoamîdi 27:23

Sa ǀgoana ǃgâise ǃûiǃgâ, î sa goman ai ǂâisa ǂnûi;

Johaneb 10:9

Ā, tita ge a dao-am. Khoe-i ga tita ǃnâ-u a ǂgâ, o-i ge nî sâuhe tsî-i ge ǂoa tsî nî ǂgâ tsî ǃû-ai-e nî hō.

1 Johaneb 4:6

Sada ge a Elob di tsî-i ge ǁnā-i hîa Eloba ǂan-e ra ǁnâu da, tsî ǁnā-i hîa Elob di tama-i ge ǁnâu da tama hâ. Tsî da ge nēsa xu Gagab amab dib tsî gagab ǂgaeǂhapus diba a ǂan.

3 Johaneb 1:14

Xawe ta ge ra ǃâubasen kaise ǃhae ǁaeb ǃnâ ta nî mû tsi tsî khom aisa xu ais ǃoa nî ǃhoa ǃkhaisa.