Joel 3:9 - Khoekhoegowab 2020

⁹ “Nēsa ǁaedi ǃnâ ǂanǂan: ‘Torob ǃaroma ǂhomisen, sadu ǁē-aoga ǂgaikhâi, sadu toroǃkhamaoga ǀhaoǀhao, î gu ǃgûǂoaxa.

Khoekhoegowab Elobmîs 2020

⁹ “Nēsa ǁaedi ǃnâ ǂanǂan: ‘Torob ǃaroma ǂhomisen, sadu ǁē-aoga ǂgaikhâi, sadu toroǃkhamaoga ǀhaoǀhao, î gu ǃgûǂoaxa.

Joel 3:9 Iomraidhean Croise

Psalmdi 96:10

ǁAede mîba re “ǃKhūb ge ra gaosîsen! ǃHūbaib ge ǁaposase ǃgaoǃgaohe hâ tsî ǁnobeǁnobehe tide; ǁîb ge ǁaede ǂhanu-aisib ǀkha nî ǀgoraǃgâ.”

Jesaja 34:1

ǃHaoso, ǀgūse hā re! ǁAeso ǃgaoǃgâ re! Ab ǃhūbaib tsî ǁîba ra ǀoaǀoan hoana ǁnâu; ǃhūbaib tsî ǁîba xu ra ǀkhīn hoana.

Jeremia 31:10

ǃHaoso ǁnâu re ǃKhūb di mîsa, ǁîsa ǂanǂan ǃnūse ǁgoe huri-amǃhūgu ǃnâ, î mî, ‘ǁNāb Israelsa ge ǀgaruǀgarub ge ǁîsa nî ǀhaoǀhao, tsî ǁîsa gūǃûi-aob ra gūn âba ǃûi khami nî ǃûi.’

Jeremia 50:2

“ǁAedi ǃnâ ǂhôa, î ǂanǂan re, ǃkhauba ǃkhā, î ǂanǂan re, tā sâu, î mî re: Babilons ge go ǁnā, Beli ge go taotaohe, Merodaxi ge burugâ hâ. ǁÎs īgu ge taotaohe hâ, ui-uisa ǁgôa-elogu âs ge burugâ hâ.

Jeremia 51:11

ǂĀga ǀāǀā, î ǁkhaukhōde ūkhâi. ǃKhūb ge Mediab gao-aoga go khâikhâiǃnâ, Babilonsa hîkākāsab ǂâibasen hâ amaga. Nēb ge ǃKhūb di ǀkhaoba, ǁîb di Tempeli ǃaroma.

Jeremia 51:27

“ǃKhauba ǃhūb ǃnâ ǃkhā, xâiǁnâsa ǃhaodi ǃnâ ǀō kai. ǃHaode ǂhomi ǁîs ǃoagu di nî torodīse. Gaosidi Ararati, Minib tsî Askenab tsîgu dide ǁîs ǃoagu ǂgaikhâi. ǂAmkhoeba ǂgaeǂguib nîse ǁgaumâi, î ǂhoms khami ǂgui hāna ǁîs ǃoagu ǀhaoǀhao.

Jeremia 6:4

Tsî gu ge “Toroba ǂhomisenba re! Khâi î da tsēǃgâǁaeb ai ǁnāǂam! Tsūba da! Tsēs go toa tsî gu ǃuisomga ra gaxu xuige.

Esekiel 38:17

Nētib ge ǃKhūb ti Eloba ra mî: Sats xasa ǃgû-i ge tsēdi ǃnâ ta ge ti ǃgāgu, Israels kēbo-aogu ǃnâ-u ǃhoasa, ǁîgu ǁnā tsēdi ǃnâ gere kēboga ǁîn ǃoagu ta nî khâi kai tsisa?”

Esekiel 38:7

ǂHomisen, î ǂhomisase hâ, sats tsî sats tawa ǀhao hâ ǂnubis tsîdo, îts ǁîna ǃûi-aose ība.

Mixa 3:5

Nētib ge ǃKhūba ǁnā kēbo-aogu ti ǁaesa ra ǂgaeǂhapugu ǁga ra mî, ǁnāgu ǂûxū-e gu ra ǃkhōǃoas kōse ǂkhîba ra ǂgaiǂui, xawe ǁîga ǂûmā taman ǃoagu toroba ra aiǂhomiga.

Hagai 2:7

Tita ge ǃhaodi hoade nî ǁnobeǁnobeǃnâ tsîb ge ǁîdi di ǁuiba nēpa nî hā-ūhe, tsîb ge Tempela ǂkhaisib ǀkha nî ǀoaǀoahe.

Saxaria 14:2

Hoa ǁaede ta ge Jerusalems ǁga ǃkhams ǃaroma nî ǀhaoǀhao. Tsîs ge ǃāsa ūhe, omde ǃnariǂuiǃnâhe, tarekhoede ǀgaiǃkhōhe tsî ǃkhare ǃâb ǃās diba ǃkhōsis ǃnâ nî ǃgû-ūhe xawe ǃgau ra ǃâb ǁaes dib ge ǃāsa xu ǃgaoǁnâhe tide.

Saxaria 14:3

Tsîb ge ǃKhūba ǃgûǂoa tsî ǁnā ǁaedi ǃoagu sī nî ǃkham, torob di tsēdi ǃnâb gere ǃkham khami.